1 Samuel 16:18 - An Bibel Kernewek 20234 (Kernewek Kemmyn)

¹⁸ Ena onan a'n wesyon a worthybis, ‘My re welas mab a Yesse an Bethlehemyas neb a woer seni, ha gour kolonnek, kasor, fur yn kows, ha gour a semlans da; hag yma an Arloedh ganso.’

1 Samuel 16:18 Iomraidhean Croise

Jenesis 39:2

Yth esa an Arloedh gans Yosep hag ev o gour sewen; hag yth esa ev yn chi y arloedh ejyptek.

Jenesis 39:23

Ny wrug gwithyas an prison vri a dravyth re bia gorrys yn y leuv, rag yth esa an Arloedh ganso; ha dhe bup-tra a wre, an Arloedh a ros sewena.

2 Samuel 14:20

Rag settya an mater a-ragos yn fordh dihaval y hwrug dha was Yoab hemma. Mes ow arloedh yw fur, war-lergh furneth el Duw dhe wodhvos pup-tra eus y'n pow.’

2 Samuel 17:10

Ha'n gour ynwedh neb yw kolonnek, gans kolonn kepar ha lew, a deudh glan dhe-ves gans own, rag oll Ysrael a woer bos dha das kasor, ha'n re usi ganso yw kasoryon alloesek.

2 Samuel 17:8

Rag ty a woer bos dha das ha'y wer kasoryon, ha'ga sorr dhe dhewi, kepar hag orses ledrys hy orsigow y'n gwel. Ynwedh dha das yw gour konnyk yn bresel, ha ny vynn tremena an nos gans y wer.

Lavarow Koth 12:8

Gour yw kommendys herwydh y dhoethter, mes den a vrys treus yw dispresys.

Matthew 1:23

‘Awotta, an wyrghes a wra omdhoen ha dineythi mab hag i a'n henow Emmanuel’, yw dhe styrya, Genen ni Duw.

Matthew 28:20

ha'ga dyski dhe witha pup-tra oll a worhemmynnis vy dhywgh; hag awotta, yth esov genowgh pup-prys bys worfenn bys.’

1 Samuel 10:7

Ytho pan dheu an toknys ma warnas, gwra pypynag a wra dha leuv y gavoes; rag yma Duw genes.

1 Samuel 16:12

Ev a dhannvonas ha'y dhri a-ji. Lemmyn ev o rudhik, gans dewlagas teg, ha semlans da. An Arloedh a leveris, ‘Sav ha gwra y untya; rag hemm yw ev.’

1 Samuel 16:17

Ha Sowl a leveris dh'y wesyon, ‘Proviewgh dhymm lemmyn gour neb a woer seni yn ta, ha drewgh e dhymm.’

1 Samuel 16:19

Ytho Sowl a dhannvonas kannasow dhe Yesse, ha leverel, ‘Dannvon dhymm dha vab Davydh, usi gans an deves.’

1 Samuel 17:12

Lemmyn Davydh o mab an Efrathyas a Bethlehem yn Yuda, ha'y hanow Yesse, hag yth esa dhodho eth mab. Yn dydhyow Sowl an gour o seulabrys koth, gyllys y'n blydhynyow.

1 Samuel 3:19

Ha Samuel a devi yn-bann, hag yth esa an Arloedh ganso, ha ny asas nagonan a'y eryow vyth koedha dhe'n leur.