1 Samuel 16:13 - An Bibel Kernewek 20234 (Kernewek Kemmyn)

¹³ Ena Samuel a gemmeras korn an oyl, ha'y untya yn mysk y vreder; ha spyrys an Arloedh a dheuth war Davydh, a-dhiworth an jydh na alena rag. Ena Samuel a sevis ha mones dhe Rama.

1 Samuel 16:13 Iomraidhean Croise

2 Samuel 12:7

Ena yn-medh Nathan dhe Davydh, ‘Ty yw an gour. Yndellma y lever an Arloedh, Duw Ysrael: My a'th untyas myghtern war Ysrael, ha my a'th telivras yn-mes a leuv Sowl.

2 Samuel 2:4

Ena gwer Yuda a dheuth, hag eno i a untyas Davydh myghtern war ji Yuda. Pan dherivsons orth Davydh, ‘An re a ynkleudhyas Sowl o gwer Yabesh-gilead’,

2 Samuel 23:1

An re ma yw diwettha geryow Davydh: Dargan Davydh mab Yesse, dargan an gour a veu drehevys yn ughel, an den untys a Dhuw Yakob ha'n kanor hweg a Ysrael:

2 Samuel 5:3

Ytho oll henavogyon Ysrael a dheuth dhe'n myghtern yn Hebron; ha myghtern Davydh a wrug kevambos gansa yn Hebron dherag an Arloedh, hag i a untyas Davydh myghtern war Ysrael.

2 Myghternedh 9:6

Hag ev a sevis ha mos y'n chi; hag ev a dhiveris an oyl war y benn ha leverel dhodho, ‘Yndellma y lever an Arloedh, Duw Ysrael, “My re'th untyas myghtern war bobel an Arloedh, war Ysrael.”

1 Kroniklys 11:3

Oll henavogyon Ysrael a dheuth dhe'n myghtern yn Hebron, ha Davydh a wrug kevambos gansa yn Hebron a-rag an Arloedh, hag i a untyas Davydh myghtern war Ysrael, war-lergh ger an Arloedh dre Samuel.

Salmow 89:20

My re gavas Davydh ow gwas; gans ow oyl sans my re'n untyas.

Salmow 89:21

Ow leuv a'n menten, ha'm bregh ynwedh a'n krevha.

Niverow 11:17

Ha my a dhiyskynn ha kewsel genes ena; ha my a gemmer nebes a'n spyrys eus warnas ha'y worra warnedha; hag i a dheg begh an bobel genes, ma na'n godheffi dha honan.

Niverow 27:18

Ha'n Arloedh a leveris dhe Moyses, ‘Kemmer Yoshua mab Nun, gour ynno may ma an spyrys, ha gorra dha leuv warnodho;

Yowann 3:34

Rag ev neb re wrug Duw y dhannvon a gews geryow Duw, rag ny re ev an Spyrys orth musur.

Oberow 13:22

Ha wosa y remova, ev a dhrehevis Davydh dhe vos aga myghtern; anodho ev a leveris, ow tustunia, “My re gavas bos Davydh mab Yesse gour war-lergh ow holonn, neb a vynn gul oll ow bodh.”

Ebrowyon 1:9

Ty re garas ewnder ha kasa anlaghedh; yndella Duw, dha Dhuw, re'th untyas gans oyl lowender dres dha geskowetha.’

Ebrowyon 11:32

Ha pandr'a lavarav moy? Rag termyn a fallsa dhymm dhe dherivas a-dro dhe Gideon, Barak, Samson, Yeftha, a-dro dhe Davydh ha Samuel ha'n brofoesi,

Breusysi 11:29

Ena spyrys an Arloedh a dheuth war Yefthagh, hag ev a dremenas dre Gilead ha Manasse. Ev a dremenas dre Gilead ha Manasse, hag yth eth dhe Mispa a Gilead, hag alena ev a dremenas dhe'n Ammonysi.

Breusysi 13:25

Spyrys an Arloedh a dhallathas movya ynno yn Mahane-dan, yntra Sora hag Eshtaol.

Breusysi 14:6

Spyrys an Arloedh a fyskas warnodho hag ev a'n torras dhe demmyn heb travyth yn y dhiwdhorn, dell derrir gevrik dhe demmyn. Mes ny dherivas naneyl dh'y das na dh'y vamm an pyth re wrug ev.

Breusysi 3:10

Spyrys an Arloedh a dheuth warnodho, hag ev a vreusi Ysrael; ev eth dhe vresel, ha'n Arloedh a ros Kushan-rishathaym myghtern Aram yn y leuv; ha'y leuv a's tevo maystri war Kushan-rishathaym.

1 Samuel 1:19

Myttin a-varr i a sevis ha gordhya a-dherag an Arloedh, hag ena i a dhehwelis dh'aga chi dhe Rama. Hag Elkana a aswonnis y wreg, ha'n Arloedh a borthas kov anedhi.

1 Samuel 10:1

Ena Samuel a gemmeras kostrel a olew, ha'y dhiveri war y benn, hag amma dhodho, ha leverel, ‘A ny wrug an Arloedh dha untya dhe vos rewler war y ertach?

1 Samuel 10:6

Ha spyrys an Arloedh a wra dha dhalghenna, ha profoesa a wredh gansa, ha treylys vydhydh yn gour arall.

1 Samuel 11:6

Ha Spyrys Duw a dheuth war Sowl pan glewas ev an geryow ma, ha'y sorr a dhewis yn feur.

1 Samuel 16:18

Ena onan a'n wesyon a worthybis, ‘My re welas mab a Yesse an Bethlehemyas neb a woer seni, ha gour kolonnek, kasor, fur yn kows, ha gour a semlans da; hag yma an Arloedh ganso.’

1 Samuel 18:12

Sowl a borthas own a Davydh, drefenn bos an Arloedh ganso, mes gyllys dhiworth Sowl.

1 Samuel 2:35

Ha my a dhrehav ragov ow honan oferyas lel, neb a wra war-lergh an pyth usi y'm kolonn ha'm brys. My a dhrehav ragdho chi sur, hag ev a gerdh a-dherag ow untys bys vykken.