1 Samuel 16:12 - An Bibel Kernewek 20234 (Kernewek Kemmyn)

¹² Ev a dhannvonas ha'y dhri a-ji. Lemmyn ev o rudhik, gans dewlagas teg, ha semlans da. An Arloedh a leveris, ‘Sav ha gwra y untya; rag hemm yw ev.’

1 Samuel 16:12 Iomraidhean Croise

Jenesis 39:6

Ytho ev a asas pup-tra esa dhodho yn dorn Yosep ha nyns esa dhodho bern a dravyth marnas a'n bara esa ow tybri. Ha Yosep o teg y semlans ha teg dhe weles.

2 Samuel 23:1

An re ma yw diwettha geryow Davydh: Dargan Davydh mab Yesse, dargan an gour a veu drehevys yn ughel, an den untys a Dhuw Yakob ha'n kanor hweg a Ysrael:

2 Samuel 7:8

Lemmyn lavar yndella dhe'm gwas Davydh: Yndellma y lever Arloedh an luyow: my a'th kemmeras dhiworth an beurva, dhiworth holya an deves, dhe vos rewler war ow fobel, war Ysrael;

1 Myghternedh 1:34

Ha gesewgh Sadok an oferyas ha Nathan an profoes dh'y untya ena avel myghtern dres Ysrael. Ena hwythewgh an hirgorn, ha leverel, “Re vewo myghtern Solomon!”

Salmow 2:2

Myghternedh an norvys a sev, ha'n rewloryon a omgusul war-barth, erbynn an Arloedh hag erbynn y Untys:

Salmow 2:6

‘My re worras ow myghtern war Sion, ow menydh sans.’

Salmow 78:70

Hag ev a dhewisas Davydh y was hag a'n kemmeras yn-mes a gorlannow an deves.

Eksodus 2:2

ha'n venyn a omdhuk ha dineythi mab ha hi a welas y vos teg, ha'y gudha tri mis;

An Gan a Ganow 5:10

Ow haradow yw splann ha rudhik y liw, heb par yn mysk deg mil.

Kynvannow 4:7

Glanna o hy nazirysi ages an ergh, kanna ages leth, ruttha aga horf ages koral, aga fisment kepar ha saffir.

Zekaria 4:14

Ev a leveris dhymm, ‘An re ma yw an dhew untys a sev ryb Arloedh oll an norvys.’

Oberow 4:27

Rag yn hwir y'n sita ma Herod ha Pontius Pilat gans Jentilys ha poblow Ysrael a omguntellas erbynn dha was sans Yesu, neb a wrussys y untya,

Oberow 7:20

Y'n termyn ma y feu Moyses genys, ha teg o a-wel dhe Dhuw. Ev a veu megys tri mis yn chi y das,

Ebrowyon 11:23

Dre fydh Moyses, pan veu genys, a veu kudhys tri mis gans y gerens, drefenn i dhe weles bos teg an flogh; ha ny's tevo own rag gorhemmynn an myghtern.

1 Samuel 16:18

Ena onan a'n wesyon a worthybis, ‘My re welas mab a Yesse an Bethlehemyas neb a woer seni, ha gour kolonnek, kasor, fur yn kows, ha gour a semlans da; hag yma an Arloedh ganso.’

1 Samuel 17:42

Ha pan viras a-dro ha gweles Davydh, ev a'n dispresyas, rag ev o marnas maw, rudhik ha teg y semlans.

1 Samuel 17:55

Ha pan welas Sowl bos Davydh ow mos yn-rag erbynn an Filistyas, ev a leveris dhe Abner, kaslewydh an lu, ‘Abner, piw yw an gour yowynk ma mab dhodho?’ Hag yn-medh Abner, ‘Dell vew dha enev, A vyghtern, ny wonn.’

1 Samuel 9:17

Ha pan welas Samuel Sowl, an Arloedh a leveris dhodho, ‘Otta an gour a gewsis dhis anodho. Ev yw neb a rewl ow fobel.’