1 Samuel 16:1 - An Bibel Kernewek 20234 (Kernewek Kemmyn)

¹ Ha'n Arloedh a leveris dhe Samuel, ‘Pygemmys prys y fydhydh ow kyni rag Sowl? My re'n skonyas a vones myghtern war Ysrael. Lanw dha gorn gans oyl, ha ke, my a'th tannvon dhe Yesse an Bethlehemyas, rag my re brovias ragov ow honan myghtern yn mysk y vebyon.’

1 Samuel 16:1 Iomraidhean Croise

1 Myghternedh 8:16

“A-dhia'n jydh may tres vy ow fobel Ysrael yn-mes a Ejyp, ny dhewisis sita vyth yn-mes a loethow Ysrael rag drehevel ow chi ynni, may fe ow hanow ena; mes my a dhewisas Davydh dhe vos a-ugh ow fobel Ysrael.”

2 Myghternedh 9:1

Ena Elisha an profoes a elwis onan a vebyon an brofoesi ha leverel dhodho, ‘Grogys dha dhiwglun ha kemmer an kostrel ma a oyl y'th leuv ha mos dhe Ramoth-gilead.

2 Myghternedh 9:3

Ena, kemmer an kostrel a oyl ha'y diveri war y benn, ha leverel, “Yndellma y lever an ARLOEDH: My re'th untyas myghtern war Ysrael.” Ena igor an daras ha fia, na worta.’

2 Myghternedh 9:6

Hag ev a sevis ha mos y'n chi; hag ev a dhiveris an oyl war y benn ha leverel dhodho, ‘Yndellma y lever an Arloedh, Duw Ysrael, “My re'th untyas myghtern war bobel an Arloedh, war Ysrael.”

1 Kroniklys 11:3

Oll henavogyon Ysrael a dheuth dhe'n myghtern yn Hebron, ha Davydh a wrug kevambos gansa yn Hebron a-rag an Arloedh, hag i a untyas Davydh myghtern war Ysrael, war-lergh ger an Arloedh dre Samuel.

1 Kroniklys 28:4

Byttegyns an Arloedh, Duw Ysrael, a'm dewisas dhiworth oll chi ow thas dhe vos myghtern war Ysrael bys vykken; rag ev a dhewisas Yuda avel rewler, hag yn chi Yuda chi ow thas, hag y feu plegadow dhodho dhiworth mebyon ow thas dhe wul dhymm bos myghtern war oll Ysrael.

Ysay 11:1

Egin a dheu yn-mes dhiworth kyf Yesse, ha skorrenn a dyv dhiworth y wreydh.

Ysay 11:10

Y'n jydh na gwreydhenn Yesse a sev avel baner dhe'n poblow; an kenedhlow a'n hwila, ha'y bowesva a vydh gloryus.

Ysay 55:4

Otta, my a'n gwrug dustunier dhe'n poblow, rewler ha mester dhe boblow.

Yeremia 11:14

Ytho na wra pysi rag an bobel ma, na drehevel kri na pysadow ragdha: rag ny's klewav pan grions warnav yn termyn aga foenvos.

Yeremia 15:1

Ena an Arloedh a leveris dhymm: Mar saffa Moyses ha Samuel a-ragov, hwath ny allsa ow holonn treylya war-tu an bobel ma; gwra aga dannvon mes a'm golok, ha'ga gasa dhe vones.

Yeremia 6:30

Gelwys yns ‘arghans deneghys’, drefenn an Arloedh dh'aga denagha.

Yeremia 7:16

Ty ytho, na bys rag an bobel ma, na na dhrehav kri na pysadow ragdha, na pledya genev: rag ny'th klewav.

Zekaria 4:14

Ev a leveris dhymm, ‘An re ma yw an dhew untys a sev ryb Arloedh oll an norvys.’

Romanyon 15:12

Hag arta Ysay a lever, ‘Gwreydhenn Yesse a dheu, neb a sev dhe rewlya an kenedhlow, ynno an kenedhlow a's tevydh govenek.’

Ebrowyon 11:32

Ha pandr'a lavarav moy? Rag termyn a fallsa dhymm dhe dherivas a-dro dhe Gideon, Barak, Samson, Yeftha, a-dro dhe Davydh ha Samuel ha'n brofoesi,

1 Yowann 5:16

Den mar kwel y vroder ow pegha peghes nag eus bys yn mernans, ev a wra pysi, ha Duw a re dhodho bewnans rag an re na beghons bys yn mernans. Yma peghes yw peghes bys yn mernans; ny lavarav y tylir pysi rakhenna.

1 Samuel 10:1

Ena Samuel a gemmeras kostrel a olew, ha'y dhiveri war y benn, hag amma dhodho, ha leverel, ‘A ny wrug an Arloedh dha untya dhe vos rewler war y ertach?

1 Samuel 15:11

‘Edrek a'm beus my dhe settya yn-bann Sowl dhe vos myghtern, rag ev re dreylyas dhe-ves dhiworthiv, ha ny gollenwis ow gorhemmynnow.’ Samuel o serrys; hag ev a grias war an Arloedh dres nos.

1 Samuel 15:23

Rag rebellyans yw avel pegh dewinieth, ha gorthter yw kepar ha kammweyth ha gordhyans idolys. Drefenn ty dhe skonya ger an Arloedh, ev ynwedh re'th skonyas a vones myghtern.’

1 Samuel 15:26

Samuel a leveris dhe Sowl, ‘Ny vynnav dehweles genes; drefenn ty dhe skonya ger an Arloedh, ha'n Arloedh re'th skonyas a vones myghtern war Ysrael.’

1 Samuel 15:35

Ny dheuth Samuel namoy dhe weles Sowl bys yn dydh y vernans, mes grevya a wrug Samuel drefenn Sowl. Ha'n Arloedh a'n jevo edrek drefenn ev dhe wul Sowl myghtern war Ysrael.

1 Samuel 16:15

Ha gwesyon Sowl a leveris dhodho, ‘Otta lemmyn, yma tebel spyrys a-dhiworth Duw orth dha dormentya.

1 Samuel 16:23

Ha peskweyth may to an tebel spyrys a-dhiworth Duw war Sowl, Davydh a gemmeri an sowtri ha'y seni gans y dhorn, hag yndellma Sowl a gevi difres, hag o gwell, ha'n tebel spyrys a dhiberthi anodho.

1 Samuel 17:12

Lemmyn Davydh o mab an Efrathyas a Bethlehem yn Yuda, ha'y hanow Yesse, hag yth esa dhodho eth mab. Yn dydhyow Sowl an gour o seulabrys koth, gyllys y'n blydhynyow.

1 Samuel 9:16

‘A-vorow a-dro dhe'n termyn ma my a dhannvon dhis gour mes a bow Benyamin, ha ty a wra y untya avel rewler war oll ow fobel Ysrael. Ev a saw ow fobel a-dhiworth dorn an Filistysi. My re viras war ow fobel, drefenn aga garm dhe dhos dhymm.’