1 Samuel 15:29 - An Bibel Kernewek 20234 (Kernewek Kemmyn)

²⁹ Hag ynwedh, ny wra Splannder Ysrael naneyl toella na treylya y vrys.’

1 Samuel 15:29 Iomraidhean Croise

1 Kroniklys 29:11

Dhiso jy, A Arloedh, yw an braster, ha'n nerth, ha'n glori ha'n splannder, rag dhiso jy yw pup-tra yn nev ha nor. Dhiso jy, A Arloedh, yw an myghternsys, hag ughelhes os avel penn dres pup-tra.

Salmow 29:11

An Arloedh a re nerth dh'y bobel; an Arloedh a vennik y bobel gans kres.

Salmow 68:35

A Dhuw, euthyk osta y'th tylleryow sans, Duw Ysrael; neb a re nerth ha galloes dh'y bobel. Benniges re bo Duw.

Salmow 95:11

Rakhenna my a wrug ti y'm sorr, na wrellens entra y'm powesva.

Ysay 45:24

A-dro dhymmo vy y leverir, nag eus ewnder na nerth saw unnsel y'n Arloedh. Bys dhodho y teu gans meth peub a'n jevo sorr orto.

Ezekiel 24:14

My an Arloedh re gewsis. An termyn re dheuth, ha my a'n gwrav. Ny vydhav owth omwitha, na sparya, na diserri. War-lergh dha fordhow ha'th wriansow my a'th vreus, yn-medh an Arloedh Duw.

Yoel 3:16

An Arloedh a vedhygel dhiworth Sion, ha dhiworth Yerusalem ev a ri y lev; ha'n nevow ha'n norvys a gren, mes an Arloedh yw skovva rag y bobel ha kastell rag mebyon Ysrael.

Niverow 23:19

Nyns yw Duw gour, may wowleverro, na mab-den, may koettho yn edrek. A wrug ev leverel, ha ny'n gwra? Po a gewsis, ha ny'n kowlwra?

2 Korinthianys 12:9

Mes ev a leveris dhymm: ‘Ow gras yw lowr ragos; rag yn gwannder yth yw ow nerth gwrys perfydh.’ Ytho, fest yn lowen y hwrav vy bostya y'm gwannder, may trikko warnav nerth Krist.

Dewteronomi 33:27

Duw heb diwedh yw skovva, hag a-woeles yma an breghow heb diwedh. Ev a fes an eskar a-ragos, hag ev a lever, ‘Distru!’

Filippianys 4:13

My a yll gul pup-tra dredho ev neb a re dhymm nerth.

2 Timothi 2:13

Mar ny grysyn, ev a worta lel, rag ny yll ev omskonya y honan.

Titus 1:2

yn govenek bewnans heb worfenn a ambosas Duw, neb na wowlever, kyns termyn heb worfenn.

Ebrowyon 6:18

may fen kennerthys yn krev, pan fiyn rag skovva, dhe dhalghenna an govenek gorrys a-ragon, dre reson dew dra na yll Duw gowleverel ynna.

Ebrowyon 7:21

mes neb a veu gwrys oferyas gans ti – Duw a leveris dhodho, ‘An Arloedh re dos ha ny vynn treylya y vrys, “Ty yw oferyas bys vykken.” ’