1 Samuel 15:28 - An Bibel Kernewek 20234 (Kernewek Kemmyn)

²⁸ Ha Samuel a leveris dhodho, ‘An Arloedh re skwardyas gwlaskor Ysrael dhiworthis y'n jydh hedhyw, ha'y ri dhe gentrevek ahanas, neb yw gwell agesos.

1 Samuel 15:28 Iomraidhean Croise

2 Samuel 3:10

dhe dreusworra an vyghterneth dhiworth chi Sowl, ha fastya tron Davydh war Ysrael ha war Yuda, dhiworth Dan bys yn Beer-sheba.’

2 Samuel 3:18

Lemmyn ytho gwrewgh yndella; rag an Arloedh re gewsis dhe Davydh, ha leverel: Dre leuv ow gwas Davydh my a wra sawya ow fobel Ysrael dhiworth leuv an Filistysi, ha dhiworth leuv oll aga eskerens.’

2 Samuel 3:9

Re wrello Duw yndella dhe Abner, ha moy ynwedh. Rag kepar dell dos an Arloedh dhe Davydh, an keth henna my a wra ragdho,

2 Samuel 6:21

Hag yn-medh Davydh dhe Mikal, ‘Yth o dherag an Arloedh, neb a'm dewisas yn le dha das, hag oll y ji, dhe'm settya avel rewler war bobel an Arloedh, war Ysrael. Ha my a lowenha dherag an Arloedh.

1 Myghternedh 11:11

Ytho an Arloedh a leveris dhe Solomon, ‘A-ban via henna dha vrys ha ny withsys ow hevambos na'm ordenansow a worhemmynnis dhis, my a derr an wlaskor a-dhiworthis ha'y ri dhe'th was.

1 Kroniklys 10:14

ha ny hwilas gidyans dhiworth an Arloedh. Rakhenna ev a'n ladhas, ha treylya an vyghterneth a-dro dhe Davydh mab Yesse.

Job 34:24

Ev a vrew an alloesogyon heb hwithrans, hag a sett re erell yn-bann yn aga le.

Daniel 4:17

Der ordenans an woelysi yw an vreus, ha dre gows an syns yw an ervirans, rag may konvettho an re vew bos an Ughella rewler yn gwlaskor mab-den; hag ev a's re dhe'n neb a vynn, hag a sett warnedhi an isella a dus.”

Daniel 4:32

hag i a'th fes pell dhiworth tus, ha'th annedh a vydh gans an bestes gwyls, hag i a'th wra dhe dhybri gwels avel oghen; warnas y tremen seyth seson bys pan wodhvydhydh bos an Ughella rewler yn gwlaskor mab-den, hag ev a's re dhe neb a vynno.’

Yowann 19:11

Yesu a worthybis, ‘Ny via dhis maystri warnav mar ny ve res dhis a wartha; rakhenna yma dhe neb a'm daskorras dhis an brassa pegh.’

Oberow 13:22

Ha wosa y remova, ev a dhrehevis Davydh dhe vos aga myghtern; anodho ev a leveris, ow tustunia, “My re gavas bos Davydh mab Yesse gour war-lergh ow holonn, neb a vynn gul oll ow bodh.”

Romanyon 13:1

Bedhes pub enev gostydh dhe'n ughella routers. Rag nyns eus galloes marnas a Dhuw, ha'n re a gevir re beu ordenys gans Duw.

1 Samuel 13:14

mes lemmyn ny wra dha wlaskor durya; an Arloedh re hwilas ragdho gour war-lergh y golonn y honan, ha'n Arloedh re'n apoyntyas dhe vos rewler war y bobel, drefenn na withsys an pyth a erghis an Arloedh dhis.’

1 Samuel 16:12

Ev a dhannvonas ha'y dhri a-ji. Lemmyn ev o rudhik, gans dewlagas teg, ha semlans da. An Arloedh a leveris, ‘Sav ha gwra y untya; rag hemm yw ev.’

1 Samuel 18:8

Sowl o pur serrys, rag an lavar ma a'n displesyas. Ev a leveris, ‘I re askrifas dhe Davydh degow a vilyow, ha dhymmo vy i re askrifas milyow; pandr'a yll ev kavoes moy saw an vyghterneth?’

1 Samuel 25:30

Wosa an Arloedh dhe wul dhe'm arloedh war-lergh pup-tra da a gewsis ev a-dro dhis, ha'th settya avel rewler war Ysrael,