1 Samuel 15:13 - An Bibel Kernewek 20234 (Kernewek Kemmyn)

¹³ Pan dheuth Samuel dhe Sowl, Sowl a leveris dhodho, ‘Bennigys re bi gans an Arloedh; my re gollenwis gorhemmynn an Arloedh.’

1 Samuel 15:13 Iomraidhean Croise

Jenesis 14:19

Hag ev a'n bennigas ha leverel, ‘Benniges re bo Abram gans Duw Ughella, Gwrier nev ha nor.

Jenesis 3:12

Hag yn-medh an den, ‘An venyn a wruss'ta ri dhymm dhe vos genev, hi a ros dhymm a'n wydhenn ha my a dhybris.’

2 Samuel 2:5

Davydh a dhannvonas kannasow dhe wer Yabesh-gilead ha leverel dhedha, ‘Bennigys owgh gans an Arloedh drefenn hwi dhe wul an tregeredh ma dh'agas arloedh, dhe Sowl, ha'y ynkleudhyas.

Lavarow Koth 27:2

Gas dhe dhen arall dha wormel, a-der dha anow dha honan; estren, a-der dha dhiwweus dha honan.

Lavarow Koth 28:13

Ny sewen neb a gudh y gammweythresow, mes neb a's avow ha forsakya a'n jevydh mersi.

Lavarow Koth 30:13

Yma re – ass yw ughel aga dewlagas, ass yw kroghen aga dewlagas drehevys ughel!

Lavarow Koth 31:31

Ro dhedhi rann a froeth hy diwleuv, ha re's gormello hy oberennow y'n yetow.

Luk 17:10

Yndella hwi ynwedh, pan wrussowgh pup-tra a veu erghys dhywgh, leverewgh, “Kethwesyon anwiw on ni, ny wrussyn namoy es agan dever.” ’

Luk 18:11

An Farise a sevis ha pysi yndella orto y honan: “Duw, my a woer gras dhis nag ov vy avel tus erell, ladron, tus gammhynsek, avoutroryon, nag ynwedh avel an toller ma.

Breusysi 17:2

Ev a leveris dh'y vamm, ‘An unnek kans bath a arghans a veu kemmerys dhiworthis anedha may kewsys molleth hag yn surredi ty a'n kewsys y'm klewans – yma an arghans genev; my a'n kemmeras, mes lemmyn y'n daskorrav dhis.’ Ha'y vamm a leveris, ‘Re bo ow mab bennigys gans an Arloedh.’

Ruth 3:10

Hag yn-medh ev, ‘Bennigys osta gans an Arloedh, ow myrgh, moy yw dha guvder y'n diwedh es y'n dalleth. Rag ny wruss'ta mos war-lergh an wer yowynk, po boghosek po rych.

1 Samuel 13:10

Kettell worfennsa offrynna an offrynn leskys, Samuel a dheuth; ha Sowl eth yn-mes dhe vetya ganso ha'y salusi.

1 Samuel 15:11

‘Edrek a'm beus my dhe settya yn-bann Sowl dhe vos myghtern, rag ev re dreylyas dhe-ves dhiworthiv, ha ny gollenwis ow gorhemmynnow.’ Samuel o serrys; hag ev a grias war an Arloedh dres nos.

1 Samuel 15:20

Sowl a leveris dhe Samuel, ‘My re obayas lev an Arloedh, my res eth war an vyaj a wrug an Arloedh ow dannvon warnodho, ha my re dhros Agag myghtern Amalek, ha my re dhistruis glan an Amalekysi.

1 Samuel 15:9

Mes Sowl ha'n bobel a sparyas Agag, ha'n gwella a'n deves hag a'n oghen hag a'n enyvales peskys, ha'n eyn, ha pup-tra a veu da, ha ny vynnens aga distrui glan; mes pup-tra dispresys ha koeg i a dhistruis glan.

1 Samuel 23:21

Hag yn-medh Sowl, ‘Bennigys re bowgh gans an Arloedh; rag hwi re dhiskwedhas truedh troha my.

1 Samuel 25:14

Mes onan a'n wer yowynk a dherivas dhe Abigayl, gwreg Nabal, ‘Otta, Davydh a dhannvonas kannasow mes a'n gwylvos dhe salusi agan mester; hag ev a's despityas.