1 Samuel 15:11 - An Bibel Kernewek 20234 (Kernewek Kemmyn)

¹¹ ‘Edrek a'm beus my dhe settya yn-bann Sowl dhe vos myghtern, rag ev re dreylyas dhe-ves dhiworthiv, ha ny gollenwis ow gorhemmynnow.’ Samuel o serrys; hag ev a grias war an Arloedh dres nos.

1 Samuel 15:11 Iomraidhean Croise

Jenesis 6:6

Ha'n Arloedh a repentyas ev dhe wul mab-den war an nor, ha grevys veu yn y golonn.

Jenesis 6:7

Hag yn-medh an Arloedh, ‘My a vynn diswul dhiworth enep an dor an den a wrug vy y formya: den ha best ha pryv hag ydhyn an ayr, rag edrek a'm beus y hwrug vy aga gul.’

2 Samuel 24:16

Ha pan ystynnas an el y dhorn war Yerusalem dh'y distrui, an Arloedh a'n jevo edrek a'n drog, ha leverel dhe'n el, an distruer usi yn kres an bobel, ‘Henn yw lowr, hedh dha dhorn.’ Hag ena yth esa el an Arloedh ryb leur-drushya Arawna an Yebusyas.

1 Myghternedh 11:9

Ena an Arloedh o serrys orth Solomon drefenn y golonn dhe dreylya dhe-ves a'n Arloedh, Duw Ysrael, re omdhiskwedhsa dhodho diwweyth,

1 Kroniklys 10:13

Sowl a verwis drefenn y vos dislen dhe'n ARLOEDH. Ny withas ger an Arloedh hag ynwedh ev a hwilas kusul dhiworth nygromons,

1 Kroniklys 21:15

Duw a dhannvonas el dhe Yerusalem dh'y distrui; mes pan o ev parys dh'y distrui, an Arloedh a welas, hag ev a'n jevo edrek a'n drog, hag ev a leveris dhe'n el esa ow tistrui, ‘Henn yw lowr, lemmyn lows dha leuv.’ Yth esa el an Arloedh ow sevel ryb leur-drushya Ornan an Yebusyas.

Job 34:27

drefenn i dhe dreylya dhiworth y siwya, ha ny wrussons vri a'y fordhow.

Salmow 109:4

Yn attal a'm kerensa i a sev er ow fynn, mes my a omre dhe bysadow.

Salmow 110:4

An Arloedh re dos, ha ny dhenagh, ‘Ty yw oferyas bynitha war-lergh ordyr Melkisedek.’

Salmow 119:136

Ow dewlagas a dhewrak gans goverow a dhowr drefenn na synsir dha lagha.

Salmow 125:5

An re a dreyl a-denewen dh'aga fordhow kamm an Arloedh a's hembronk dhe-ves gans an dhrogoberoryon. Re bo kres war Ysrael.

Salmow 36:3

Geryow y anow yw gwag ha toell; ev re astelas bos fur ha gul da.

Salmow 78:41

I a dreylyas, ha previ Duw yn aga holonn, ha paynya an Sans a Ysrael.

Salmow 78:57

Mes i a gildennas hag omdhegi yn fals avel aga thasow; i a dreylyas a-denewen avel gwarak lows.

Eksodus 32:11

Mes Moyses a bysis an Arloedh y Dhuw, ha leverel, ‘A Arloedh, prag y lesk toemm dha sorr erbynn dha bobel, a's dresys yn-mes a bow Ejyp gans galloes meur ha dorn grev?

Eksodus 32:14

Ha'n Arloedh a'n jevo edrek a'n drog a brederi gul dh'y bobel.

Yeremia 11:10

I re dreylyas war-dhelergh dhe dhrogober aga hendasow, a naghas klewes ow geryow; hag i eth war-lergh duwow erell dh'aga servya; chi Ysrael ha chi Yuda re dorras ow hevambos hag a wrug vy gans aga thasow.

Yeremia 13:17

Mes mar ny vynnowgh y glewes, ow enev a wra oela yn tylleryow kevrinek drefenn agas balghder; ha'm lagas a wra oela yn hwerow, ha resek gans dagrow, drefenn flokk an Arloedh dhe vos kemmerys avel kethyon.

Yeremia 34:16

mes hwi a dreylyas ha defola ow hanow pan dhaskemmersowgh agas kethyon ha'gas kethesow, neb a liversowgh war-lergh aga hwans, ha hwi a's dros arta dhe vos kethyon ha kethesow.

Yeremia 9:1

Unnweyth a pe ow fenn dowrow, ha'm dewlagas fenten a dhagrow, mayth oellen dydh ha nos rag an re ledhys a vyrgh ow fobel!

Yeremia 9:18

Gwrens i fistena, ha kemmeres yn-bann kynvann ragon, may tiverro agan lagasow gans dagrow ha may frosso kreghyn agan lagasow gans dowr.

Ezekiel 18:24

Mes pan dreyl an den gwiryon dhiworth y wiryonedh ha gul war-lergh oll an taklow kasadow a wra an tebelwas, a vew ev? Ny vydh kovhes travyth a'y wiryonedh a wrug; drefenn an dislelder ha'n peghes a wrug, ev a verow.

Amos 7:3

An Arloedh a gemmeras edrek a hemma: ‘Ny hwyrvydh’, yn-medh an Arloedh.

Yona 3:10

Ha Duw a welas aga oberow, i dhe dreylya dhiworth aga fordh dhrog; ha Duw a gemmeras edrek a'n drog a lavarsa ev dhe wul dhedha; ha ny'n gwrug.

Yona 4:2

Hag ev a bysis dhe'n Arloedh ow leverel, ‘My a'th pys, A Arloedh, a nyns yw henna an keth tra a leveris vy pan esen hwath y'm pow? Rakhenna my a fias y'n dalleth dhe Tarshish; rag my a wodhva ty dhe vos Duw grassyes ha truedhek, lent ow serri, ha leun a dregeredh, ow kemmeres edrek a'n drog.

Sefania 1:6

ha'n re a dreyl dhiworth an Arloedh; ha'n re na hwilas an Arloedh ha na wovynnas kusul dhiworto.

Matthew 24:13

Mes neb a dhur bys yn diwedh, ev a vydh selwys.

Matthew 5:44

Mes my a lever dhywgh, Kerewgh agas eskerens ha pysewgh rag an re a wra agas helghya,

Luk 6:12

Hag y'n dydhyow na, ev eth yn-kerdh dhe'n menydh dhe bysi, hag ev a spenas an nos yn pysadow dhe Dhuw.

Ebrowyon 10:38

mes ow den gwiryon a wra bewa dre fydh, ha mar kildenn, ny gemmer ow enev plesour ynno.’

Yoshua 22:16

‘Yndellma y lever oll kuntelles an Arloedh, “Pyth yw an dislelder ma re wrussowgh erbynn Duw Ysrael ow treylya hedhyw dhiworth siwya an Arloedh, ow trehevel alter ragowgh agas honan hedhyw yn rebellyans erbynn an Arloedh?

1 Samuel 12:23

Ynwedh dhe'm parth vy, pell bedhes dhiworthiv my dhe begha erbynn an Arloedh dre hedhi pysi ragowgh; ha my a dhysk dhywgh an da ha'n fordh ewn.

1 Samuel 13:13

Samuel a leveris dhe Sowl, ‘Ty re wrug yn foll; ny withsys arghadow an Arloedh dha Dhuw, a erghis dhis. An Arloedh a wrussa fastya dha wlaskor war Ysrael bynitha,

1 Samuel 15:10

Ena y teuth ger an Arloedh dhe Samuel:

1 Samuel 15:3

Lemmyn, ke ha gwask Amalek, ha distru glan pup-tra a's teves, ha na wra aga sparya; mes ladh gour ha benyn, flogh ha fleghik, ojyon ha davas, kowrvargh hag asen.” ’

1 Samuel 15:35

Ny dheuth Samuel namoy dhe weles Sowl bys yn dydh y vernans, mes grevya a wrug Samuel drefenn Sowl. Ha'n Arloedh a'n jevo edrek drefenn ev dhe wul Sowl myghtern war Ysrael.

1 Samuel 15:9

Mes Sowl ha'n bobel a sparyas Agag, ha'n gwella a'n deves hag a'n oghen hag a'n enyvales peskys, ha'n eyn, ha pup-tra a veu da, ha ny vynnens aga distrui glan; mes pup-tra dispresys ha koeg i a dhistruis glan.

1 Samuel 16:1

Ha'n Arloedh a leveris dhe Samuel, ‘Pygemmys prys y fydhydh ow kyni rag Sowl? My re'n skonyas a vones myghtern war Ysrael. Lanw dha gorn gans oyl, ha ke, my a'th tannvon dhe Yesse an Bethlehemyas, rag my re brovias ragov ow honan myghtern yn mysk y vebyon.’

1 Samuel 8:6

Mes an dra a dhisplesyas Samuel pan lavarsons, ‘Ro dhyn myghtern dh'agan breusi.’ Samuel a bysis war an Arloedh,