1 Samuel 14:42 - An Bibel Kernewek 20234 (Kernewek Kemmyn)

⁴² Ha Sowl a leveris, ‘Tewlewgh an prennyer yntra my ha Yonathan ow mab.’ Ha Yonathan a veu kemmerys.

1 Samuel 14:42 Iomraidhean Croise

Lavarow Koth 16:33

An prenn yw tewlys y'n varrlenn, mes yma an ervirans gans an Arloedh y honan.

Lavarow Koth 18:18

Tewlel prenn a worfenn disputyans, hag ervira yntra kestrivoryon gevoethek.

Yona 1:7

Hag yn-medhons an eyl dh'y gila, ‘Dewgh, tewlyn ni prenn, may fo godhvedhys dhyn piw yw dhe vlamya, an drog ma dhe vos devedhys warnan.’ Ytho i a dewlis prenn, ha'n prenn a goedhas war Yona.

Yoshua 7:18

Hag ev a dhros nes an teylu na, an eyl wosa y gila, hag Akan mab Karmi, mab Zabdi, mab Zeragh, a loeth Yuda, a veu kemmerys.

1 Samuel 14:41

Ena Sowl a leveris, ‘A Arloedh, Duw Ysrael, prag na wruss'ta gorthybi dhe'th was hedhyw? Mars usi an pegh ma ynnov, po yn ow mab Yonathan, A Arloedh, Duw Ysrael, ro Urim; mes mars usi an pegh ma y'th pobel Ysrael, ro Thummim.’ Ha Yonathan ha Sowl a veu diskwedhys gans an prenn, mes an bobel a skapyas.

1 Samuel 14:43

Ena Sowl a leveris dhe Yonathan, ‘Lavar dhymm pandr'a wruss'ta?’ Ha Yonathan a dherivas, ha leverel, ‘My a dastyas nebes a'n mel gans bleyn an lorgh esa y'm leuv; hag, ottavy, res yw dhymm merwel.’