1 Samuel 14:36 - An Bibel Kernewek 20234 (Kernewek Kemmyn)

³⁶ Ena Sowl a leveris, ‘Deun yn-nans war-lergh an Filistysi y'n nos ha'ga fylla bys golow an myttin, ha na esewgh gour vyth anedha.’ Yn-medhons, ‘Gwra pypynag a hevel da dhis.’ Mes yn-medh an oferyas, ‘Deun nes dhe Dhuw omma.’

1 Samuel 14:36 Iomraidhean Croise

Salmow 73:28

Mes da yw ragov dos ogas dhe Dhuw; my re wrug an Arloedh Duw ow skovva, rag may teriffiv dha wriansow oll.

Ysay 58:2

I a'm hwila pub dydh, ha hwansa godhvos ow fordhow, kepar dell vens kenedhel a wrug ewnder ha na forsakyas ordenans aga Duw. I a wovynn dhiworthiv breusow a ewnder hag i a gemmer delit ow tos nes dhe Dhuw.

Yeremia 6:5

‘Sevewgh, ha deun yn-bann y'n nos, ha distruyn hy falesyow.’

Malaki 2:7

Rag y koedh dhe dhiwweus an oferyas gwitha skians, hag y tal dhe dus hwilas dyskans a'y anow, drefenn y vos kannas Arloedh an luyow.

Niverow 27:21

Hag ev a wra sevel a-rag Eleazar an oferyas, neb a wra govynn ragdho herwydh breus Urim a-rag an Arloedh; orth y er i a wra mos yn-mes, hag orth y er i a wra dos a-ji, hag ev ha mebyon Ysrael oll ganso, an kuntelles oll.’

Jamys 4:8

Dewgh nes dhe Dhuw, hag ev a dheu nes dhywgh hwi. Glanhewgh agas diwla, a beghadoryon, ha purhewgh agas kolonn, a dus dewblek agas brys.

Yoshua 10:19

mes hwi, na wortewgh; chasyewgh war-lergh agas eskerens, hag omsettyewgh a-dhelergh dhedha. Na esewgh i dhe entra yn aga sitys, rag an Arloedh agas Duw re's ros yn agas leuv.’

Yoshua 11:14

An Ysraelysi a byllas oll preydh an sitys ma ha gwitha ragdha aga honan an bestes ha'n preydh arall; mes i a weskis oll an dus gans min an kledha, bys pan y's distrusens oll. Ny assons dhe vewa denvyth a anellas.

1 Samuel 1:23

Hag Elkana hy gour a leveris dhedhi, ‘Gwra an pyth a hevel da dhis, gorta bys pan y'n didhensys; re gollanwo an Arloedh y er.’ Ytho an venyn a drigas ha meythrin hy mab bys pan y'n didhensa.

1 Samuel 11:11

An nessa dydh Sowl a rannas an bobel yn teyr rann, hag orth goel an bora i a dheuth a-bervedh y'n kamp ha ladha an Ammonysi bys toemmder an jydh; ha'n re a veu gesys a skattras, ma nag esa dew anedha gesys war-barth.

1 Samuel 14:3

war-barth gans Ahiya mab Ahitub, broder Ikabod, mab Finehas mab Eli, oferyas an Arloedh yn Shilo, ow toen an Efod. Ha ny wodhya an bobel bos Yonathan gyllys.