1 Samuel 14:12 - An Bibel Kernewek 20234 (Kernewek Kemmyn)

¹² Ha gwer an savla-goelyadoryon a elwis dhe Yonathan ha deger y arvow, ow leverel, ‘Dewgh yn-bann dhyn, ha ni a dhiskwedh neppyth dhywgh.’ Yonathan a leveris dhe dheger y arvow, ‘Deus yn-bann war ow lergh; rag an Arloedh re's delivras yn leuv Ysrael.’

1 Samuel 14:12 Iomraidhean Croise

Jenesis 24:42

‘Ha my a dheuth dhe'n fenten hedhyw, ha my a leveris, “A Arloedh, Duw ow arloedh Abraham, mars es'ta ow spedya ow negys mayth esov ow mos warnodho,

Jenesis 24:48

Ena my a omblegyas ha gordhya an Arloedh ha benniga an Arloedh, Duw ow arloedh Abraham, neb a'm hembronkas war an fordh wir dhe gemmeres myrgh broder ow arloedh rag y vab.

2 Samuel 5:24

Pan glewydh son avel keskerdh yn penn an gwydh balsam, bydh hewoel; rag ena an Arloedh res eth yn-mes a-dheragos, dhe weskel lu an Filistysi.’

2 Myghternedh 14:8

Ena Amasia a dhannvonas kannasow dhe vyghtern Yehoash mab Yehoahaz mab Yehu myghtern Ysrael, ow leverel, ‘Deus, miryn an eyl orth y gila fas orth fas.’

Breusysi 4:14

Ena Debora a leveris dhe Barak, ‘Yn-bann! Rag hemm yw an jydh may ros an Arloedh Sisera y'th leuv. Yn tevri yma an Arloedh ow mos yn-mes a-ragos.’ Ytho Barak eth yn-nans a venydh Tabor gans deg mil wour orth y holya.

Breusysi 7:14

Ha'y vata a worthybis, ‘Nyns yw henna marnas kledha Gideon mab Yoash, gour a Ysrael; Duw re ros Midyan hag oll an lu yn y leuv.’

Breusysi 7:15

Pan glewas Gideon derivas an hunros ha'y styr, ev a wordhyas. Ev a dhehwelis dhe gamp Ysrael, hag a leveris, ‘Sevewgh yn-bann; rag an Arloedh re ros kamp Midyan yn agas leuv.’

Breusysi 9:54

Distowgh ev a elwis dhe'n yonker deger y arvow hag a leveris dhodho, ‘Tenn dha gledha ha'm ladha, ma na leverrer yn ow hever, “Benyn a'n ladhas.” ’ Ytho an yonker a'n gwanas, hag y ferwis.

1 Samuel 14:10

Mes mar leverons yndella, “Dewgh yn-bann dhyn”, ena ni a wra mos yn-bann; rag an Arloedh re's delivras yn agan leuv, ha hemma a vydh tokyn dhyn.’

1 Samuel 14:13

Ha Yonathan a yskynnas yn-bann war y dhiwdhorn ha war y dhewdroes, gans deger y arvow owth holya war y lergh. Ha'n Filistysi a goedhas a-dherag Yonathan, ha deger y arvow, ow tos war y lergh, a's ladhas.