1 Samuel 13:5 - An Bibel Kernewek 20234 (Kernewek Kemmyn)

⁵ An Filistysi a omguntellas war-barth dhe vatalyas orth Ysrael, tri mil jarett, ha hwegh mil varghek, ha pobel kepar ha'n tewes usi war an morrep yn niver; hag i a dheuth yn-bann ha kampya yn Mikmash, a'n est dhe Beth-aven.

1 Samuel 13:5 Iomraidhean Croise

Jenesis 22:17

my a wra dha venniga yn surredi, ha kressya dha has kepar ha ster an nevow ha kepar ha'n tewes war dreth an mor, ha'th has a wra erita yet y eskerens.

2 Samuel 17:11

Rakhenna, my a gusul, bedhes oll Ysrael kuntellys dhis, dhiworth Dan bys yn Beer-sheba, kepar ha'n tewes usi ryb an mor yn niver, ha ty dha honan ow mos y'n vatel.

1 Myghternedh 20:27

Wosa bos an Ysraelysi kuntellys ha sosten res dhedha, i eth er aga fynn; pobel Ysrael a gampyas a-dal dhedha avel dew flokk vyghan a ever, hag Aram a lenwis an pow.

2 Kroniklys 1:9

Lemmyn A Arloedh Duw, bedhes kewerys an ambos a wrussys dhe'm tas Davydh, rag ty re'm wrug myghtern war bobel kekemmys aga niver ha doust an dor

Ysay 10:28

ev re dheuth dhe Ayath; ev re dremenas dre Migron; yn Mikmash ev a settyas y fardellow yn-nans.

Ysay 48:19

dha has a via avel an tewes, hag agh dha dorr avel y dewesennow, nevra ny via aga hanow treghys glan, na distruys a-ragov vy.

Yeremia 15:8

Aga gwedhwesow yw ynkressys dhymm moy es tewes an moryow; my re dhros erbynn mammow an wer yowynk diswrier dhe hanter-dydh: my re wrug skruth hag euth dhe goedha distowgh warnedha.

Hosea 10:5

Annedhysi Samaria a wra drem war leugh Beth-aven. Hy fobel a gyn warnodho, ha'y oferysi a oel war y wolewder, rag ev a vydh divres dhiworti.

Hosea 4:15

Kyn hwredh fornikasyon, a Ysrael, bynner re bo Yuda kablus. Na dhewgh hwi dhe Gilgal, na mos yn-bann dhe Beth-aven, na ti ‘Dell vew an Arloedh!’

Hosea 5:8

Kenewgh an korn yn Gibea, an hirgorn yn Rama. Germewgh yn Beth-aven; war dha lergh Benyamin.

Romanyon 9:27

Hag Ysay a gri yn ughel a-dro dhe Ysrael, ‘Mara pydh niver mebyon Ysrael avel tewes an mor, an remenant a vydh selwys;

Yoshua 11:4

I eth yn-mes, i hag oll aga luyow gansa, ost bras, avel an tewes war vin an mor orth niver, gans lies margh ha meur a jarettow.

Yoshua 18:12

Yth esa aga or war denewen an gledhbarth ow talleth dhiworth an Yordan; ha'n or eth yn-bann dhe leder Yeriko a'n gledhbarth, ha mos yn-bann troha'n howlsedhes bys y'n vro venydhyek; hag yth esa hy diwedh yn gwylvos Beth-aven.

Yoshua 7:2

Yoshua a dhannvonas gwer dhiworth Yeriko dhe Ay, usi ogas dhe Beth-aven, a'n howldrevel dhe Bethel, hag a leveris dhedha, ‘Kewgh yn-bann hag aspia an tir.’ Ha'n wer eth yn-bann hag aspia Ay.

Breusysi 7:12

An Midyanysi ha'n Amalekysi hag oll mebyon an est a wrowedha y'n nans avel hes a lokustes; ha'ga howrvergh o diniver, avel tewes an morrep.

1 Samuel 13:11

Samuel a leveris, ‘Pandr'a wruss'ta?’ Ha Sowl a worthybis, ‘My a welas bos an bobel skattrys a-les ahanav, ha na dheuthys a-ji dhe'n dydhyow apoyntys, ha'n Filistysi dhe omguntell war-barth yn Mikmash,

1 Samuel 13:2

Sowl a dhewisas ragdho y honan tri mil dhen a Ysrael; yth esa dew vil gans Sowl yn Mikmash hag yn menydh Bethel, hag yth esa mil gans Yonathan yn Gibea a Benyamin; hag ev a dhannvonas remenant an bobel dhe-ves dh'aga thyldow.

1 Samuel 14:23

Yndella an Arloedh a sawyas Ysrael an jydh na; ha'n vatel a lesas yn-mes bys yn Beth-aven.

1 Samuel 14:52

Yth esa bresel grev erbynn an Filistysi oll dydhyow Sowl; ha pan weli Sowl neb gour krev, po kasor kolonnek, ev a'n guntellas dhodho y honan.

1 Samuel 17:1

Lemmyn an Filistysi a guntellas aga luyow war-barth dhe vatalyas; i a veu omguntellys war-barth yn Soko, a bew Yuda, hag i a gampyas yntra Soko hag Azeka, yn Efes-dammim.

1 Samuel 7:13

Ytho an Filistysi o fethys ha ny dheuthons arta yn pow Ysrael; yth esa dorn an Arloedh erbynn an Filistysi oll dydhyow Samuel.