1 Samuel 13:2 - An Bibel Kernewek 20234 (Kernewek Kemmyn)

² Sowl a dhewisas ragdho y honan tri mil dhen a Ysrael; yth esa dew vil gans Sowl yn Mikmash hag yn menydh Bethel, hag yth esa mil gans Yonathan yn Gibea a Benyamin; hag ev a dhannvonas remenant an bobel dhe-ves dh'aga thyldow.

1 Samuel 13:2 Iomraidhean Croise

2 Samuel 20:1

Y hwarva bos gour Belial ena, ha'y hanow Sheba mab Bikri, Benyaminyas. Ev a hwythas an hirgorn ha garma, ‘Nyns eus dhyn rann vyth yn Davydh, na eretons yn mab Yesse. Pub gour dh'y dylda, A Ysrael!’

2 Samuel 21:6

bedhes seyth a'y vebyon res dhyn, ha ni a's kreg yn-bann a-rag an Arloedh yn Gibea a Sowl, dewisys an Arloedh.’ Ha'n myghtern a leveris, ‘My a's re dhywgh.’

2 Samuel 23:29

Heleb mab Baana an Netofathyas, Ittay mab Ribay dhiworth Gibea a vebyon Benyamin,

Ezra 2:27

Gwer Mikmas, dew ha hwegh ugens.

Nehemia 11:31

Mebyon Benyamin a drigas yn Geba, Mikmash, Ayya, Bethel ha'y threvow,

Yoshua 18:28

Sela, Elef, Yebus (honn yw, Yerusalem), Gibea ha Kiryath-yearim: peswardhek sita gans aga godrevow. Hemm yw eretons loeth Benyamin war-lergh aga theyluyow.

Yoshua 22:6

Ytho Yoshua a's bennigas ha'ga dannvon dhe-ves, hag i eth dh'aga thyldow.

Breusysi 19:12

Mes y vester a leveris dhodho, ‘Ny dremenyn dhe sita estren, ma nag yw hy fobel Ysraelysi, mes ni a yn-rag dhe Gibea.’

1 Samuel 10:26

Sowl ynwedh eth tre dhe Gibea, hag yth eth ganso lu an soudoryon, neb a dochyas Duw aga holonn.

1 Samuel 10:5

Wosa henna ty a dheu dhe Gibeath-elohim le may ma savla-gwithysi an Filistysi. Ena, wosa ty dhe dhos di dhe'n sita, ty a dhyerbynn bagas a brofoesi ow tos yn-nans dhiworth an tyller ughel, hag a-ragdha telynn ha tabourik, ha pib, ha sowtri, hag i a vydh ow profoesa.

1 Samuel 13:1

Sowl o deg bloedh warn ugens pan dhallathas reynya; hag ev a reynyas dewgens blydhen ha diw war Ysrael.

1 Samuel 13:11

Samuel a leveris, ‘Pandr'a wruss'ta?’ Ha Sowl a worthybis, ‘My a welas bos an bobel skattrys a-les ahanav, ha na dheuthys a-ji dhe'n dydhyow apoyntys, ha'n Filistysi dhe omguntell war-barth yn Mikmash,

1 Samuel 13:15

Ena Samuel eth yn-bann a-dhiworth Gilgal dhe Gibea a Benyamin. Ha Sowl a niveras an bobel esa ena ganso, a-dro dhe hwegh kans gour.

1 Samuel 13:16

Sowl, ha Yonathan y vab, ha'n bobel esa ena gansa a drigas yn Gibea a Benyamin; mes an Filistysi a gampyas yn Mikmash.

1 Samuel 13:23

Ytho an Filistysi eth yn-mes dhe volgh Mikmash.

1 Samuel 13:5

An Filistysi a omguntellas war-barth dhe vatalyas orth Ysrael, tri mil jarett, ha hwegh mil varghek, ha pobel kepar ha'n tewes usi war an morrep yn niver; hag i a dheuth yn-bann ha kampya yn Mikmash, a'n est dhe Beth-aven.

1 Samuel 14:31

I a weskis an Filistysi an jydh na a-dhiworth Mikmash dhe Ayyalon, ha'n bobel o pur skwith;

1 Samuel 14:5

An eyl kleger a sevis troha'n kledh a-dal Mikmash, ha'n arall troha'n dyghow a-dal Geba.

1 Samuel 14:52

Yth esa bresel grev erbynn an Filistysi oll dydhyow Sowl; ha pan weli Sowl neb gour krev, po kasor kolonnek, ev a'n guntellas dhodho y honan.

1 Samuel 15:34

Ena Samuel eth dhe Rama; ha Sowl eth yn-bann dh'y ji yn Gibea a Sowl.

1 Samuel 24:3

Ev a dheuth dhe gorlannow an deves ryb an fordh, mayth esa kav; ha Sowl eth a-bervedh dhe gudha y dhewdroes. Lemmyn yth esa Davydh ha'y wer owth esedha a-ji dhe dhowna rannow an kav.

1 Samuel 26:2

Ena Sowl a sevis ha mos yn-nans dhe wylvos Zif dhe hwilas Davydh, hag yth esa tri mil wour dhewisys a Ysrael ganso yn gwylvos Zif.

1 Samuel 8:11

Ev a leveris, ‘Hemma a vydh fordhow an myghtern neb a reyn warnowgh: ev a gemmer agas mebyon ha'gas apoyntya rag y jarettow ha dhe vos y varghogyon, ha dhe boenya a-dherag y jarettow;