1 Samuel 12:5 - An Bibel Kernewek 20234 (Kernewek Kemmyn)

⁵ Yn-medh ev dhedha, ‘An Arloedh yw test er agas pynn, ha'y untys yw test y'n jydh ma, na drovsowgh travyth y'm leuv.’ Hag i a worthybis, ‘Ev yw test.’

1 Samuel 12:5 Iomraidhean Croise

Jenesis 31:50

Mar mynnydh tebeldhyghtya ow myrghes, ha mar kemmerydh gwragedh erell ryb ow myrghes, kyn na vo denvyth genen, mir, Duw yw dustuni yntra my ha ty.’

Job 16:19

Ha lemmyn, otta, yma ow dustunier y'n nev, hag yma ow thest y'n ughelder.

Job 42:7

Wosa an Arloedh dhe leverel an taklow ma dhe Job ev a leveris dhe Elifaz an Temanyas: ‘Ow sorr re dhewis er dha bynn hag erbynn dha dhew goweth, drefenn na gewssowgh ahanav an pyth yw ewn, kepar dell wrug ow gwas Job.

Salmow 17:3

Ty re brovas ow holonn; ty re wrug vri ahanav y'n nos; ty re'm assayas ha ny gevsys sherewneth ynnov; ny vydh ow ganow ow pegha.

Eksodus 22:4

Mars yw kevys an best yn few yn-dann y berghennogeth, kyn fo ojyon po asen po davas, ev a wra tyli dewblekkweyth.

Yowann 18:38

Yn-medh Pilat dhodho, ‘Pyth yw gwiryonedh?’ Hag ow leverel hemma, ev eth yn-mes arta dhe'n Yedhewon ha leverel dhedha, ‘Ny welav ken vyth er y bynn.

Oberow 23:9

Hag yth esa garma bras, ha re a'n skribys yn bagas an Fariseow a sevis yn-bann ha kenkia yn krev, ‘Ny gevyn ni travyth kamm y'n den ma. Fatla mar kwrella spyrys po el kewsel orto.’

Oberow 24:16

Rakhenna my ow honan a striv prest dhe synsi kowses divlam a-rag Duw ha tus oll.

Oberow 24:20

Po an re ma, leverens aga honan py drogober a gavsons ha my ow sevel a-rag an konsel,

1 Korinthianys 4:4

rag ny wonn travyth er ow fynn ow honan, mes nyns ov vy akwitys dre henna. An Arloedh yw, neb a'm breus.

2 Korinthianys 1:12

Lemmyn, hemm yw agan bost, dustuni agan kowses, ni dhe omdhegi y'n bys yn sempledh ha gwiryonsys Duw, heb skentoleth an kig mes dre ras Duw, ha dres oll orthowgh hwi.

1 Samuel 12:4

I a leveris, ‘Ny'gan frowsys, na'gan arwaska, na gemmeres travyth a-dhiworth leuv denvyth.’

1 Samuel 26:9

Mes yn-medh Davydh dhe Abishay, ‘Na wra y dhistrui, rag piw a yll ystynn y leuv erbynn untys an Arloedh, ha bos heb kessydhyans?’