1 Samuel 12:25 - An Bibel Kernewek 20234 (Kernewek Kemmyn)

²⁵ Mes mar pesyowgh gul drogoberow, hwi ha'gas myghtern ynwedh a vydh skubys dhe-ves.’

1 Samuel 12:25 Iomraidhean Croise

Job 36:12

Mes mar ny woslowons, i a dhe goll der an kledha, ha tremena heb godhvos.

Ysay 1:20

mes mar skonyowgh ha rebellya, hwi a vydh dybrys gans an kledha; rag ganow an Arloedh re gewsis.

Ysay 3:11

Go-ev an tebelwas, drog a'n jevydh; drefenn war-lergh ober y dhiwleuv y fydh gwrys dhodho ev.

Hosea 10:3

Lemmyn i a lever, ‘Ny'gan beus myghtern drefenn na berthsyn own a'n Arloedh. Mes pandr'a yll myghtern gul ragon?’

Dewteronomi 28:36

An Arloedh a'th tro, ty ha'n myghtern re settsys warnas dha honan, dhe genedhel na aswonnsys, naneyl ty na'th tasow, hag ena ty a serv duwow erell a brenn hag a ven.

Dewteronomi 8:19

Ha mar ankevydh byth an Arloedh dha Dhuw ha kerdhes war-lergh duwow erell ha'ga servya ha plegya dhe'n dor a-ragdha, my a dhest dhywgh hedhyw, yth ewgh dhe goll devri.

Yoshua 23:16

Mar kammdremenewgh erbynn kevambos an Arloedh agas Duw a worhemmynnis dhywgh, ha mars ewgh dhe servya duwow erell, hag omblegya dhedha, sorr an Arloedh a vydh ow leski er agas pynn, hag yth ewgh dhe goll dihwans dhiworth an tir da re ros dhywgh.’

Yoshua 24:20

Mar forsakyowgh an Arloedh ha servya duwow estren, ev a dreyl ha gul drog dhywgh, ha'gas distrui, wosa ev dhe wul da dhywgh.’

1 Samuel 13:1

Sowl o deg bloedh warn ugens pan dhallathas reynya; hag ev a reynyas dewgens blydhen ha diw war Ysrael.