1 Samuel 12:23 - An Bibel Kernewek 20234 (Kernewek Kemmyn)

²³ Ynwedh dhe'm parth vy, pell bedhes dhiworthiv my dhe begha erbynn an Arloedh dre hedhi pysi ragowgh; ha my a dhysk dhywgh an da ha'n fordh ewn.

1 Samuel 12:23 Iomraidhean Croise

1 Myghternedh 8:36

ena klew yn nev, ha gav pegh dha wesyon, dha bobel Ysrael, pan dhyskydh dhedha an fordh dha dhe gerdhes ynni; ha dannvon glaw war dha dir, a resys dhe'th pobel avel eretons.

2 Kroniklys 6:27

klew dhiworth nev ha gav pegh dha wesyon dhedha, dha bobel Ysrael, pan dhyskydh dhedha an fordh vas ynni may tegoedh dhedha kerdhes; ha dannvon glaw war dha dir a resys dhe'th pobel avel eretons.

Salmow 122:6

Pysewgh kres a-barth Yerusalem; re sewenno an re a'th kar.

Salmow 34:11

Dewgh, hwi fleghes, goslowewgh orthiv; my a dhysk dhywgh own an Arloedh.

Salmow 34:12

Py den eus neb yw hwansek dhe vewnans, hag a vynn dydhyow pals rag may hwello da?

Eksodus 32:30

An vorow Moyses a leveris dhe'n bobel, ‘Hwi re beghas pegh meur. Ha lemmyn my a wra yskynna dhe'n Arloedh; martesen my a yll gul prenedh rag agas pegh.’

Lavarow Koth 4:11

My re dhyskas dhis an fordh a furneth; my re'th hembronkas yn hynsyow ewnhynseth.

Ekklesiastes 12:10

An Pregowther a hwilas kavoes geryow hweg, ha skrifa yn ewn lavarow a wiryonedh.

Ysay 30:21

Dha dhiwskovarn a glew ger a-dryv dhis, ow leverel, ‘Hemm yw an fordh, kerdhewgh ynni’, pan dreylyowgh dhe'n dyghow, po pan dreylyowgh dhe'n kledh.

Yeremia 15:1

Ena an Arloedh a leveris dhymm: Mar saffa Moyses ha Samuel a-ragov, hwath ny allsa ow holonn treylya war-tu an bobel ma; gwra aga dannvon mes a'm golok, ha'ga gasa dhe vones.

Yeremia 27:18

Mes mars yns profoesi, ha mars yw ger an Arloedh gansa, pysens war Arloedh an luyow, ma nag ello dhe Babylon an lestri gesys yn chi an Arloedh, hag yn chi myghtern Yuda, hag yn Yerusalem.

Yeremia 42:4

Ena Yeremia an profoes a leveris dhedha, ‘My re'gas klewas: my a bys dhe'n Arloedh agas Duw war-lergh agas geryow, ha pypynag a worthyp an Arloedh my a lever dhywgh; ny withav travyth ahanowgh.’

Yeremia 6:16

Yndellma y lever an Arloedh, Sevewgh war an fordhow, ha mirewgh ha hwilewgh an hynsyow koth, le mayth yw da an fordh; ha kerdhes ynni ha hwi a gyv powes dh'agas enevow. Mes yn-medhons, ‘Ny vynnyn kerdhes ynni.’

Oberow 12:5

Rakhenna Peder a veu gwithys yn prison; mes pysadow diwysyk a'y wovis a veu gwrys gans an eglos dhe Dhuw.

Oberow 20:20

ha my heb hokya ow terivas pup-tra o dhe les dhywgh, hag orth agas dyski a-rag tus hag y'n chiow,

Romanyon 1:9

Rag Duw yw ow dustunier, mayth esov orth y servya gans ow spyrys yn aweyl y Vab, fatell y'gas kampoellav heb hedhi,

1 Korinthianys 9:16

Rag mar pregowthav an aweyl, ny'm beus skila dhe vostya, rag dever yw gorrys warnav: go-vy mar ny bregowthav an aweyl!

Kolossianys 1:28

Ni a'n deriv, ow keski pub den ha dyski pub den yn pub furneth, may kwrellyn profya pub den perfydh yn Krist.

Kolossianys 1:9

Rakhenna ni ynwedh, dhiworth an jydh may klewsyn, ny hedhyn pysi ha govynn ragowgh, may fewgh lenwys a wodhvos a'y vodh yn pub furneth ha konvedhes spyrysel,

1 Thessalonianys 3:10

ow pysi yn tiwysyk dydh ha nos a weles agas fas ha kollenwel an pyth a fyll yn agas fydh?

2 Timothi 1:3

Gras a wonn dhe Dhuw a wordhyav dell wrug ow thasow, divlam ow howses, ow perthi kov ahanas heb hedhi y'm pysadow dydh ha nos,

1 Samuel 12:19

Oll an bobel a leveris dhe Samuel, ‘Pys war an Arloedh dha Dhuw rag dha wesyon, rag na verwyn; rag ni re geworras dhe oll agan peghosow an drog ma, dhe wovynn myghtern ragon.’

1 Samuel 8:6

Mes an dra a dhisplesyas Samuel pan lavarsons, ‘Ro dhyn myghtern dh'agan breusi.’ Samuel a bysis war an Arloedh,