1 Samuel 12:22 - An Bibel Kernewek 20234 (Kernewek Kemmyn)

²² Rag ny wra an Arloedh forsakya y bobel, a-barth y hanow meur, drefenn bos plegadow dhe'n Arloedh agas gwruthyl y bobel.

1 Samuel 12:22 Iomraidhean Croise

1 Myghternedh 6:13

My a vydh trigys yn mysk fleghes Ysrael ha ny eskasav ow fobel Ysrael.’

1 Myghternedh 8:57

Bedhes genen an Arloedh agan Duw, par dell o gans agan tasow; bynner re wrello agan gasa na'gan forsakya,

2 Myghternedh 14:27

Mes ny lavarsa an Arloedh ev dhe dhefendya hanow Ysrael yn-dann nev; ytho ev a's sawyas dre leuv Yeroboam mab Yoash.

2 Myghternedh 21:14

My a forsak remenant ow ertach, ha'ga gorra yn leuv aga eskerens; i a wra mos ha bos preydh ha pyth ravnys gans aga eskerens oll,

1 Kroniklys 28:9

‘Ha ty, Solomon ow mab, aswonn Duw dha das, ha'y servya a leun golonn ha gans brys bolonjedhek; rag an Arloedh a hwither oll kolonnow, hag ev a gonvedh pub towl ha pub preder. Mara'n hwilydh, ev a vydh kevys genes; mes mara'n eskasydh, ev a'th tenagh bys vykken.

2 Kroniklys 15:2

Ev eth yn-mes rag metya gans Asa, hag a leveris dhodho, ‘Goslow orthiv, Asa hag oll Yuda ha Benyamin. Yma an Arloedh genowgh, ha hwi ganso. Mara's hwilowgh, ev a vydh kevys genowgh, mes mara's gesowgh, ev a'gas gas.

Nehemia 9:17

I a skonyas a woslowes, ha ny borthsons kov a'n marthusyon a wrussys yn aga mysk; mes i a dheuth ha bos kales aga hilbenn, hag y feu bodh aga brys dhe dhehweles dh'aga hethneth yn Ejyp. Mes ty yw Duw neb yw parys dhe ava, grassyes ha truedhek, lent ow serri, hag ow palshe yn tregeredh, ha ny wrussys aga forsakya.

Salmow 106:8

Byttegyns ev a's selwis a-barth y hanow, rag may hwrella dh'y wriansow nerthek bos aswonnys.

Salmow 94:14

Drefenn na as an Arloedh y bobel; ha ny forsak y ertach.

Eksodus 32:12

Prag y tegoedh dhe'n Ejyptianys leverel, “Gans tebel vynnas y hwrug aga dri yn-rag, dh'aga ladha y'n menydhyow, dh'aga howlladha war enep an nor”? Treyl a'th sorr fers ha re bo edrek dhis a'n tebelwrians erbynn dha bobel.

Ysay 37:35

My a vydh skoes dhe'n sita ma dh'y sawya a-barth dhymmo vy hag a-barth Davydh ow gwas.’

Ysay 41:17

Pan hwila an voghosogyon ha'n edhommogyon dowr, ha nyns eus banna, ha krin yw aga thaves gans syghes, my an Arloedh a worthyp dhedha, my, Duw Ysrael, ny's gasav.

Ysay 42:16

My a hembronk dellyon yn fordh na aswonnons; yn hynsyow na aswonnons y's gidyav. My a dreyl an tewlder a-ragdha dhe wolewder, an tylleryow garow dhe dir leven. An re ma yw an taklow a wrav, ha ny's forsakyav.

Ysay 43:25

My, my yw ev neb a dhefend dhe-ves dha dreuspassow a'm govis ow honan, ha ny borthav kov a'th peghosow.

Ysay 43:7

pub huni neb yw henwys orth ow hanow, neb re wrugavy rag ow glori, neb a formis vy ha kreatya.’

Ysay 48:11

A'm govis vy, a'm govis evy y'n gwrav, rag fatell vydhav defolys? Ha'm glori ny'n rov dhe arall.

Ysay 49:15

A yll benyn ankevi an flogh orth hy bronn? po fyllel kemmeres truedh a vab hy thorr? I ynwedh a yll ankevi, mes my, ny'th ankovav.

Ysay 63:8

Ev a leveris, ‘Sur ow fobel yns i, mebyon na wra falsuri’; ytho ev a dheuth ha bos Selwador dhedha

Yeremia 14:21

Na wra agan kasa, a-barth dha hanow; na dhisenor tron dha wolewder; porth kov, na dorr dha gevambos genen.

Yeremia 14:7

Kyn hwra agan drogoberow doen dustuni er agan pynn, A Arloedh, gwra neppyth a-barth dha hanow; rag agan dislelder yw meur; ni re beghas er dha bynn.

Yeremia 14:9

Prag y fydhydh avel gour penndegys, avel gour galloesek na yll sawya? Mes yth esos yn agan mysk, A Arloedh, ha dha hanow re beu gelwys warnan; na wra agan gasa.

Kynvannow 5:20

Prag y hwre'ta agan ankevi bys vykken, agan forsakya pub dydh oll?

Ezekiel 20:14

My a wrug hemma a-barth ow hanow, ma na ve disakrys a-wel dhe'n kenedhlow, neb a's dres dhe-ves a-wel dhedha.

Ezekiel 20:9

Mes my a'n gwrug a-barth ow hanow, ma na vo disakrys a-wel dhe'n kenedhlow mayth esons yn aga mysk, may feuv aswonnys dhedha a-wel dhedha, orth aga dri yn-mes a bow Ejyp.

Malaki 1:2

My re'gas karas, yn-medh an Arloedh. Mes hwi a lever, ‘Fatell y'gan kersys?’ A ny veu Esaw broder Yakob? yn-medh an Arloedh, Hwath my re garas Yakob,

Matthew 11:26

ya, A Das, rag yndella re beu dha vodh.

Yowann 15:16

Ny wrussowgh hwi ow dewis vy, mes my re'gas dewisas hwi, ha'gas apoyntya mayth yllowgh ha doen frut, ha may hwrello agas frut durya; may rollo ow Thas dhywgh pypynag a wovynnowgh dhiworto y'm hanow vy.

Romanyon 11:1

Ytho y lavarav, a dewlis Duw y bobel dhe-ves? Bynner re bo! Rag my yw Ysraelyas dhiworth has Abraham, a eghenn Benyamin.

Romanyon 11:29

Rag antreylyadow yw rohow ha galow Duw.

1 Korinthianys 4:7

Rag piw a wel dha vos arbennik? Ha pandra a'th eus na dhegemmersys? Ha mara'n degemmersys, prag y fostydh, kepar ha pan na dhegemmersys?

Efesianys 1:12

may fewen ni rag gormel y splannder, ni neb o an kynsa a'n jevo govenek yn Krist;

Efesianys 1:6

dhe wormel splannder y ras a wrontyas dhyn y'n Karadow;

Dewteronomi 14:2

Rag pobel sans os dhe'n Arloedh dha Dhuw, ha'n Arloedh re'th tewisas dhe vos dhodho pobel arbennik dhodho y honan yn-mes a'n poblow oll usi war enep an norvys.

Dewteronomi 31:17

Ow sorr a dheu warnedha y'n jydh na, ha my a's forsak, ha kudha ow fas dhiworta, hag i a vydh devorys. Lies drog hag ahwer i a's kyv, may leverons y'n jydh na, “A nyns yw rag nag usi agan Duw yn agan mysk, y teuth an drogow warnan?”

Dewteronomi 31:6

Bedhewgh krev, ha bedhewgh kolonnek, na berthewgh own nag euth a-ragdha, drefenn an Arloedh dha Dhuw, ev yth yw neb a gerdh genes; ny wra dha asa na'th forsakya.’

Dewteronomi 31:8

An Arloedh dha Dhuw yth yw neb a gerdh a-ragos; ev a vydh genes, ny wra dha asa na'th forsakya; na borth own, ha na borth euth.’

Dewteronomi 7:6

Rag ty yw pobel sans dhe'n Arloedh dha Dhuw. An Arloedh dha Dhuw re'th tewisas dhe vos dhodho pobel arbennik dhodho y honan, yn-mes a oll an poblow war enep an norvys.

Dewteronomi 9:5

Nyns yw drefenn dha ewnder, na drefenn ewnhynseth dha golonn, yth esos ow tos dhe erita aga thir; mes yth yw drefenn sherewynsi an kenedhlow ma y hwra an Arloedh dha Dhuw aga fesya a-ragos, rag may fastyo an ger a dos an Arloedh dhe'th tasow, dhe Abraham, dhe Ysak, ha dhe Yakob.

Filippianys 1:6

ow trestya dhe'n keth tra ma: neb re dhallathas gwrians da ynnowgh dh'y gowlwul bys yn dydh Yesu Krist;

Ebrowyon 13:5

Bedhes agas bewnans rydh a gerensa arghans, ha bedhewgh kontentys gans an pyth a'gas beus; rag ev re leveris, ‘Nevra ny wrav dha fyllel na dha forsakya.’

Yoshua 7:9

An Kananysi hag oll annedhysi an tir a glew anodho, ha'gan kyrghynna, ha treghi dhe-ves agan hanow dhiworth an tir. Ena pandr'a wre'ta rag dha hanow bras?’

1 Peder 2:9

Mes hwi yw agh dhewisys, oferyaseth ryel, kenedhel sans, pobel arbennik dhodho, may hyllowgh deklarya an gwriansow marthys a neb a'gas gelwys yn-mes a dewlder a-bervedh yn y wolow marthys.