1 Samuel 12:21 - An Bibel Kernewek 20234 (Kernewek Kemmyn)

²¹ ha na dreylyewgh a-denewen ow chasya war-lergh taklow na's teves prow, na yll gwaynya na delivra, rag heb prow yns.

1 Samuel 12:21 Iomraidhean Croise

2 Myghternedh 17:15

I a asas y laghys, ha'y gevambos a wrug ev gans aga thasow, ha'n gwarnyansow a ros ev dhedha. I a siwyas idolys koeg hag eth ha bos koeg aga honan; i a siwyas an kenedhlow esa a-dro dhedha, hag a-dro dhedha an Arloedh re worhemmynnsa na dalvia dhedha gul yndella.

Ysay 41:29

Otta, toell yns i oll, nyns yw aga oberow travyth; aga imajys teudh yw gwyns ha gwakter.

Ysay 45:20

Omguntellewgh ha dewgh, dewgh nes war-barth, hwi fowesigyon a'n kenedhlow! Ny's teves godhvos vyth, an re a dheg aga imajys a brenn, hag i a bys dhe dhuw na'n jeves selwel.

Ysay 46:7

I a'n drehav war aga diwskoedh, i a'n gorr yn y le, hag ev a sev ena; ny yll ev gwaya dhiworth y dyller. Mar kri nebonan dhodho, ny worthyp, na ny wra y sawya a alar.

Yeremia 10:15

Euver yns, pythow skornys: yn termyn aga hessydhyans i a dhe goll.

Yeremia 10:8

Mes i yw ha gokki ha foll; dyskans idolys a brenn yw euveredh.

Yeremia 14:22

Eus yn mysk idolyow an kenedhlow nebonan a yll gwruthyl glaw? Po a yll an nevow aga honan ri kowasow? A nyns yw ty, A Arloedh agan Duw? Ytho yma agan govenek ynnos, rag ty re wrug oll an traow ma.

Yeremia 16:19

A Arloedh, ow nerth, hag ow skons, ha'm skovva yn dydh an galar, an kenedhlow a wra dos dhis a-dhiworth pennow an nor, ha leverel: Yn sur agan tasow re eritas gowyow, euveredh ha traow heb les.

Yeremia 2:13

rag ow fobel re wrug dew dhrogedh; i re'm eskasas, an fenten a dhowrow bew, ha treghi yn-mes dowrarghow, dowrarghow terrys na yll synsi dowr.

Yeremia 2:5

Yndellma y lever an Arloedh Pana dhrogober re gavas aga thasow ynnov, mayth ens gyllys pell ahanav, ha may kerdhsons war-lergh euveredh, ha devedhys ha bos euver vons?

Yona 2:8

An re a wra vri a idolys euver a forsak aga thregeredh aga honan.

Yona 2:9

Mes my, gans lev a rasyans, a wra sakrifis dhis; an pyth a ambosis my a gollenow. Selwyans yma dhe'n Arloedh.

Habakkuk 2:18

Py les eus dhe imaj gravys pan y'n gravyas y furvyer – imaj teudh ha dyskador gowyow? An furvyer a drest y wrians y honan, ow kul idolys avlavar!

Oberow 14:15

‘A wer, prag y hwrewgh hwi an taklow ma? Ni ynwedh yw gwer, a'n keth gnas avelowgh, ha ni a bregoth rag agas treylya dhiworth an taklow koeg ma dhe Dhuw bew, neb a wrug an nev ha'n nor ha'n mor ha pup-tra eus ynna.

1 Korinthianys 8:4

Rakhenna, a-dro dhe dhybri offrynnow dhe idolys, ni a woer ‘idol y'n bys ma dhe vos travyth’, ha ‘nag eus Duw vyth saw onan.’

Dewteronomi 11:16

Kemmerewgh with, ma na vo agas kolonn toellys, ha hwi a dreyl dhe denewen ha servya duwow erell ha plegya dhe'n dor a-ragdha,

Dewteronomi 30:17

Mes mar treyl dha golonn dhe-ves, heb goslowes, ha ty a vydh dynys dhe blegya dhe'n dor a-rag duwow erell ha'ga servya,

Dewteronomi 32:21

I a'm gwrug avius dre neppyth nag yw duw, i a'm sorras gans aga idolys koeg; rakhenna my a's gwra avius dre bobel dhistyr, my a wra aga serri dre genedhel gokki.