1 Samuel 12:2 - An Bibel Kernewek 20234 (Kernewek Kemmyn)

² Lemmyn, awotta, an myghtern a gerdh a-dheragowgh; ha koth ov vy ha loes, mes yma ow mebyon genowgh. My re gerdhas a-dheragowgh a-dhia'm yowynkneth bys y'n jydh hedhyw.

1 Samuel 12:2 Iomraidhean Croise

Salmow 71:18

Ha lemmyn y'm henys, ha loes ow blew, A Dhuw, na wra ow forsakya, erna dheriffiv dha alloes dhe'n kenedhel ma, dha nerth dhe bub henedh a dheu.

Niverow 27:17

neb a wra mos a-dheragdha ha dos a-ji a-ragdha, neb a's hembronk yn-mes ha'ga dri a-ji; ma na vo kuntelles an Arloedh avel deves na's teves bugel.’

2 Timothi 4:6

Rag yth esov vy ow pos diverys seulabrys avel offrynn diwes, ha devedhys yw termyn ow dibarth.

Yoshua 23:1

Lies blydhen a-wosa, a-ban rosa an Arloedh powes dhe Ysrael a-dhiworth oll aga eskerens y'n kyrghynn, ha pan o Yoshua gyllys koth yn y dhydhyow,

Yoshua 23:2

Yoshua a elwis oll Ysrael, aga henavogyon, aga rewloryon, aga breusysi ha'ga soedhogyon, ha leverel dhedha, ‘Gyllys koth ov lemmyn y'm dydhyow;

2 Peder 1:14

ow kodhvos my dhe worra dhe-ves yn skon ow thylda dell dhiskwedhas dhymm dhe wir agan Arloedh Yesu Krist,

1 Samuel 2:22

Lemmyn pur goth o Eli. Ev a glewas pup-tra mayth esa y vab orth y wul dhe Ysrael oll, ha fatell wrowedhens gans an benynes neb a servya orth daras tylda an kuntelles.

1 Samuel 2:29

Prag y potyowgh orth ow sakrifis hag orth ow offrynn re worhemmynnis vy dhywgh rag ow thrigva, hag enora dha vebyon moy agesov, ow tewhe agas honan war an gwella rannow a bub offrynn a'm pobel Ysrael?”

1 Samuel 3:10

Ha'n Arloedh a dheuth ha sevel ena ha gelwel kepar ha kyns, ‘Samuel! Samuel!’ Ha Samuel a leveris, ‘Kows, rag yma dha was ow koslowes.’

1 Samuel 3:13

Rag my re leveris dhodho, a verr spys my dhe vreusi y ji bys vykken, rag an kammweyth a wodhya, drefenn bos y vebyon ow molleth Duw, ha ny's lettyas.

1 Samuel 3:16

Hag Eli a elwis Samuel ha leverel, ‘Samuel, ow mab.’ Hag ev a worthybis, ‘Ottavy.’

1 Samuel 8:1

Pan o Samuel koth, ev a apoyntyas y vebyon avel breusysi dres Ysrael.

1 Samuel 8:20

may fydhyn ni kepar hag oll an kenedhlow erell, ha rag may hyll agan myghtern agan breusi, ha mones yn-mes a-dheragon, ha'gan ledya yn agan batelyow.’

1 Samuel 8:3

Mes ny gerdhi y vebyon yn y fordhow, mes i a dreylya a-denewen rag gwayn disonest, ha kemmeres falswobrow ha kamma gwirvreus.

1 Samuel 8:5

ha leverel dhodho, ‘Otta, koth osta, ha ny gerdh dha vebyon y'th fordhow; ytho apoynt ragon, myghtern dh'agan breusi, kepar hag oll an kenedhlow erell.’