1 Samuel 12:19 - An Bibel Kernewek 20234 (Kernewek Kemmyn)

¹⁹ Oll an bobel a leveris dhe Samuel, ‘Pys war an Arloedh dha Dhuw rag dha wesyon, rag na verwyn; rag ni re geworras dhe oll agan peghosow an drog ma, dhe wovynn myghtern ragon.’

1 Samuel 12:19 Iomraidhean Croise

Jenesis 20:7

Lemmyn ytho, daskorr y wreg dhe'n gour, rag profoes yw ev, hag ev a bys ragos, ha ty a vew. Mes mar ny wredh hy daskorr, gwra godhvos ty dhe verwel yn sur, ty ha myns eus dhis.’

Job 37:13

Po rag kessydhyans, po rag y dir po rag tregeredh, ev a wra dhedha dos.

Job 42:8

Rakhenna kemmerewgh lemmyn dhywgh seyth tarow ha seyth hordh ha mos dhe'm gwas Job hag offrynna ragowgh offrynn leskys, ha'm gwas Job a bys ragowgh ha my a dhegemmer y bysadow, ha ny'gas dyghtyav herwydh agas follenep; rag ny gewssowgh ahanav an pyth yw ewn, kepar dell wrug ow gwas Job.’

Eksodus 10:17

Lemmyn ytho, gevewgh dhymm ow fegh, my a'gas pys, an unn prys ma, ha pysi an Arloedh agas Duw dhe gemmeres unnweyth an ankow ma ahanav.’

Eksodus 32:30

An vorow Moyses a leveris dhe'n bobel, ‘Hwi re beghas pegh meur. Ha lemmyn my a wra yskynna dhe'n Arloedh; martesen my a yll gul prenedh rag agas pegh.’

Eksodus 9:28

Pys an Arloedh; rag lowr re beu a'n taran ha'n keser ma; my a as dhywgh mones, ha ny wrewgh hwi gortos na fella.’

Ysay 26:16

A Arloedh, yn ahwer i a'th hwilas; i a dhiveris pysadow pan veu dha hessydhyans warnedha.

Yeremia 15:1

Ena an Arloedh a leveris dhymm: Mar saffa Moyses ha Samuel a-ragov, hwath ny allsa ow holonn treylya war-tu an bobel ma; gwra aga dannvon mes a'm golok, ha'ga gasa dhe vones.

Yeremia 27:18

Mes mars yns profoesi, ha mars yw ger an Arloedh gansa, pysens war Arloedh an luyow, ma nag ello dhe Babylon an lestri gesys yn chi an Arloedh, hag yn chi myghtern Yuda, hag yn Yerusalem.

Yeremia 37:3

Ha Sedekia an myghtern a dhannvonas Yehukal mab Shelemia ha'n oferyas Sefania mab Maaseya dhe'n profoes Yeremia ow leverel, ‘Gwra pysi ragon dhe'n Arloedh agan Duw.’

Yeremia 42:2

ha leverel dhe Yeremia an profoes, ‘Gas, ni a'th pys, agan pledyans dhe vos degemmerys a-ragos, ha pys dhe'n Arloedh a'gan govis, rag oll an remenant ma (rag ni yw gesys marnas boghes a'n lies, dell wel dha dhewlagas)

Malaki 1:9

Lemmyn, ytho, pysewgh war Dhuw may hwrello agan favera. Dhiworth agas leuv yw hemma! A wra ev diskwedhes favour dhe dhenvyth ahanowgh? yn-medh Arloedh an luyow.

Niverow 21:7

Ha'n bobel a dheuth dhe Moyses, ha leverel, ‘Ni re beghas, rag ni a gewsis erbynn an Arloedh hag er dha bynn; gwra pysi dhe'n Arloedh, may kemmerro an serf dhe-ves ahanan.’ Ytho Moyses a bysis rag an bobel.

Oberow 8:24

Ha Simon a worthybis, ‘Pysewgh ragov war an Arloedh, ma na dheffo warnav nagonan a'n taklow re leversys.’

Jamys 5:15

Ha pysadow fydh a wra sawya an klav, ha'n Arloedh a vynn y dhrehevel. Ha mar kwrug ev peghosow, y fydh henna gevys dhodho.

1 Yowann 5:16

Den mar kwel y vroder ow pegha peghes nag eus bys yn mernans, ev a wra pysi, ha Duw a re dhodho bewnans rag an re na beghons bys yn mernans. Yma peghes yw peghes bys yn mernans; ny lavarav y tylir pysi rakhenna.

1 Samuel 12:13

Ytho, otta an myghtern neb re dhewissowgh, ha neb re vynnsowgh; hag awotta, an Arloedh re settyas myghtern warnan.

1 Samuel 12:17

A nyns yw trevas an gwaneth hedhyw? My a elow dhe'n Arloedh, hag ev a dhannvon taran ha glaw; ha hwi a gonvedh ha gweles bos agas sherewynsi bras, re wrussowgh yn golok an Arloedh, dhe wovynn myghtern ragowgh.’

1 Samuel 12:20

Ha Samuel a leveris dhe'n bobel, ‘Na berthewgh own; hwi re wrug oll an drog ma, mes na dreylyewgh a-denewen a-dhiworth holya an Arloedh, mes servyewgh an Arloedh gans oll agas kolonn;

1 Samuel 12:23

Ynwedh dhe'm parth vy, pell bedhes dhiworthiv my dhe begha erbynn an Arloedh dre hedhi pysi ragowgh; ha my a dhysk dhywgh an da ha'n fordh ewn.

1 Samuel 7:5

Ena Samuel a leveris, ‘Kuntellewgh oll Ysrael yn Mispa, ha my a bys war Dhuw ragowgh.’

1 Samuel 7:8

Mebyon Ysrael a leveris dhe Samuel, ‘Na hedh ow karma dhe'n Arloedh agan Duw ragon, ma'gan sawyo yn-mes a leuv an Filistysi.’

1 Samuel 8:6

Mes an dra a dhisplesyas Samuel pan lavarsons, ‘Ro dhyn myghtern dh'agan breusi.’ Samuel a bysis war an Arloedh,