1 Samuel 11:6 - An Bibel Kernewek 20234 (Kernewek Kemmyn)

⁶ Ha Spyrys Duw a dheuth war Sowl pan glewas ev an geryow ma, ha'y sorr a dhewis yn feur.

1 Samuel 11:6 Iomraidhean Croise

Eksodus 32:19

Ha kettell dheuth nes dhe'n kamp ha gweles an leugh ha'n donsya, sorr Moyses a loskas fers, hag ev a dewlis an leghennow a'y dhiwdhorn ha'ga therri dhe droes an menydh.

Niverow 12:3

Lemmyn an gour Moyses o pur glor, moy ages pub den oll war enep an nor.

Mark 3:5

Ha wosa ev dhe vires a-dro orta gans sorr, hag ev grevys drefenn kaletter aga holonn, yn-medh ev dhe'n den, ‘Ystynn dha leuv.’ Hag ev a's ystynnas, ha'y leuv a veu restorys.

Efesianys 4:26

‘Bedhewgh serrys ha na wrewgh pegha.’ Na wres an howl sedhi war agas sorr,

Breusysi 11:29

Ena spyrys an Arloedh a dheuth war Yefthagh, hag ev a dremenas dre Gilead ha Manasse. Ev a dremenas dre Gilead ha Manasse, hag yth eth dhe Mispa a Gilead, hag alena ev a dremenas dhe'n Ammonysi.

Breusysi 13:25

Spyrys an Arloedh a dhallathas movya ynno yn Mahane-dan, yntra Sora hag Eshtaol.

Breusysi 14:6

Spyrys an Arloedh a fyskas warnodho hag ev a'n torras dhe demmyn heb travyth yn y dhiwdhorn, dell derrir gevrik dhe demmyn. Mes ny dherivas naneyl dh'y das na dh'y vamm an pyth re wrug ev.

Breusysi 15:14

Pan dheuth dhe Lehi, an Filistysi a dheuth gans garmow dhe vetya ganso; ha spyrys an Arloedh a fyskas warnodho ha'n lovanow esa war y dhiwvregh eth ha bos avel garrow lin gans tan, ha'y rawyow a deudhis dhiworth y dhiwdhorn

Breusysi 3:10

Spyrys an Arloedh a dheuth warnodho, hag ev a vreusi Ysrael; ev eth dhe vresel, ha'n Arloedh a ros Kushan-rishathaym myghtern Aram yn y leuv; ha'y leuv a's tevo maystri war Kushan-rishathaym.

Breusysi 6:34

Mes spyrys an Arloedh a dheuth war Gideon; hag ev a hwythas an hirgorn ha'n Abiezrysi a veu gelwys dh'y holya.

1 Samuel 10:10

Hag i ow mos di dhe Gibea, otta, bagas a brofoesi a'n dyerbynnas; ha Spyrys Duw a'n dalghennas, hag ev a brofoesas yn aga mysk.

1 Samuel 10:6

Ha spyrys an Arloedh a wra dha dhalghenna, ha profoesa a wredh gansa, ha treylys vydhydh yn gour arall.

1 Samuel 16:13

Ena Samuel a gemmeras korn an oyl, ha'y untya yn mysk y vreder; ha spyrys an Arloedh a dheuth war Davydh, a-dhiworth an jydh na alena rag. Ena Samuel a sevis ha mones dhe Rama.

1 Samuel 16:14

Mes spyrys an Arloedh a dhibarthas a-dhiworth Sowl, ha tebel spyrys a-dhiworth an Arloedh a'n tormentya.