1 Samuel 10:5 - An Bibel Kernewek 20234 (Kernewek Kemmyn)

⁵ Wosa henna ty a dheu dhe Gibeath-elohim le may ma savla-gwithysi an Filistysi. Ena, wosa ty dhe dhos di dhe'n sita, ty a dhyerbynn bagas a brofoesi ow tos yn-nans dhiworth an tyller ughel, hag a-ragdha telynn ha tabourik, ha pib, ha sowtri, hag i a vydh ow profoesa.

1 Samuel 10:5 Iomraidhean Croise

1 Myghternedh 18:29

Pan dremenas hanter-dydh, i a vuskegis bys yn termyn offrynn an greun, mes nyns esa lev, na gorthyp, na nyns esa nagonan ow koslowes.

2 Myghternedh 2:15

Ha pan y'n gwelas mebyon an brofoesi re bia yn Yeriko, i a leveris, ‘Spyrys Elias a drig war Elisha.’ Hag i a dheuth dhe vetya orto hag omblegya dhe'n dor a-ragdho.

2 Myghternedh 2:3

Mebyon an brofoesi yn Bethel a dheuth yn-rag dhe Elisha ha leverel dhodho, ‘A wodhes an Arloedh dhe gemmeres dha vester dhiwarnas hedhyw?’ Ev a leveris, ‘Gonn, my a'n goer. Na leverewgh travyth.’

2 Myghternedh 2:5

Mebyon an brofoesi yn Yeriko a dheuth dhe Elisha ha leverel dhodho, ‘A wodhes an Arloedh dhe gemmeres dha vester dhiwarnas hedhyw?’ Hag ev a worthybis, ‘Gonn, my a'n goer. Na leverewgh travyth.’

2 Myghternedh 2:7

Hanter-kans gour a vebyon an brofoesi eth ha sevel rag mires a bellder; ha'n dhew a sevis ryb an Yordan.

2 Myghternedh 3:15

Mes lemmyn, dro telynnyer dhymm.’ Hag y hwarva, pan esa an telynnyer ow seni, leuv an Arloedh a dheuth warnodho.

2 Myghternedh 4:38

Elisha a dheuth arta dhe Gilgal hag yth esa divoetter y'n pow. Pan esa mebyon an brofoesi owth esedha a-ragdho, yn-medh ev dh'y was, ‘Gorr an galter veur war an tan ha bryjyon bros rag mebyon an brofoesi.’

2 Myghternedh 6:1

Mebyon an brofoesi a leveris dhe Elisha, ‘Mir lemmyn, an tyller le may trigyn genes yw re vyghan ragon.

1 Kroniklys 11:16

Yth esa Davydh yn eur na y'n skons; hag yth esa savla-goelyadoryon an Filistysi yn Bethlehem.

1 Kroniklys 13:8

Davydh hag oll Ysrael a lowenhas dherag Duw gans oll aga nerth, gans kanow, ha sowtris, telynnow, tabourigow, symbalys ha hirgern.

1 Kroniklys 16:42

Heman, ha Yeduthun a'n jevo hirgern ha symbalys rag an menestrouthi ha daffar rag kanow sans. Ha mebyon Yeduthun o desedhys orth an porth.

1 Kroniklys 16:5

Asaf o an ledyer, ha nessa dhodho Zekaria; ena Yeiel, Shemiramoth, Yehiel, Mattithia, Eliab, Benaya, Obed-edom, ha Yeiel, gans telynnow ha gans sowtris; Asaf a sonas an symbalys,

Salmow 49:4

My a bleg ow skovarn dhe barabolenn; my a styr ow lavar tewl war an sowtri.

Salmow 92:3

War dhaffar a dheg kordenn ha war an delynn, war an sowtri hweg y don.

1 Korinthianys 14:1

Siwyewgh kerensa, mes yeunewgh yn ter an rohow spyrysel, yn arbennik may profoessowgh.

1 Samuel 10:10

Hag i ow mos di dhe Gibea, otta, bagas a brofoesi a'n dyerbynnas; ha Spyrys Duw a'n dalghennas, hag ev a brofoesas yn aga mysk.

1 Samuel 10:4

I a wra dha salusi, ha ri dhis diw dorth bara; ha ty a wra aga resseva dhiworth aga dorn.

1 Samuel 13:2

Sowl a dhewisas ragdho y honan tri mil dhen a Ysrael; yth esa dew vil gans Sowl yn Mikmash hag yn menydh Bethel, hag yth esa mil gans Yonathan yn Gibea a Benyamin; hag ev a dhannvonas remenant an bobel dhe-ves dh'aga thyldow.

1 Samuel 13:3

Yonathan a fethas savla-gwithysi an Filistysi esa yn Geba, ha'n Filistysi a glewas anodho. Ha Sowl a hwythas an hirgorn der oll an tir, ow leverel, ‘Gwres an Filistysi klewes!’

1 Samuel 19:20

Ena Sowl a dhannvonas kannasow dhe gemmeres Davydh. Pan welsons kowethas an brofoesi ow profoesa, gans Samuel ow sevel avel penn warnedha, spyrys Duw a dheuth war gannasow Sowl, hag i ynwedh a brofoesas.

1 Samuel 9:12

I a worthybis ha leverel, ‘Usi; ottava a-dheragowgh. Fistenewgh; ev re dheuth nammnygen dhe'n sita, rag yma sakrifis hedhyw rag an bobel y'n tyller ughel.