1 Samuel 10:22 - An Bibel Kernewek 20234 (Kernewek Kemmyn)

²² Ytho i a wovynnas orth an Arloedh arta, ‘Eus gour hwath dhe dhos omma?’ Hag yn-medh an Arloedh, ‘Ottava, kudhys yn mysk an fardellow.’

1 Samuel 10:22 Iomraidhean Croise

Jenesis 25:22

ha'n fleghes a strivyas war-barth ynni hi hag yn-medh hi, ‘Mars yw an kas yndella, prag yth ov vy bew?’ Hag yth eth hi dhe wovynn orth an Arloedh.

2 Samuel 2:1

Wosa hemma Davydh a wovynnas orth an Arloedh, ‘A wrav vy mos yn-bann a-ji dhe onan a sitys Yuda?’ Ha'n Arloedh a leveris dhodho, ‘Ke yn-bann.’ Davydh a wovynnas, ‘Ple'th av yn-bann?’ Hag yn-medh ev, ‘Dhe Hebron.’

2 Samuel 21:1

Lemmyn yth esa divoetter yn dydhyow Davydh teyr blydhen, blydhen wosa blydhen; ytho Davydh a hwilas fas an Arloedh. Ha'n Arloedh a worthybis, ‘Yth yw drefenn Sowl, ha'y ji goesek, rag ev dhe worra an Gibeonysi dhe'n mernans.’

Niverow 27:21

Hag ev a wra sevel a-rag Eleazar an oferyas, neb a wra govynn ragdho herwydh breus Urim a-rag an Arloedh; orth y er i a wra mos yn-mes, hag orth y er i a wra dos a-ji, hag ev ha mebyon Ysrael oll ganso, an kuntelles oll.’

Luk 14:11

Rag peub neb a omughelha a vydh dres isel, ha neb a omiselha a vydh ughelhes.’

Breusysi 1:1

Wosa mernans Yoshua, mebyon Ysrael a wovynnas orth an Arloedh ow leverel, ‘Piw a yn-bann ragon erbynn an Kananysi yn kynsa, dhe omladh er aga fynn?’

Breusysi 20:18

An Ysraelysi a dhallathas mos yn-bann dhe Bethel, may hwovynnsons a Dhuw, ‘Piw ahanan a yn-bann yn kynsa rag batalyas orth an Benyaminysi?’ Ha'n Arloedh a worthybis, ‘Yuda a yn-bann yn kynsa.’

Breusysi 20:23

An Ysraelysi eth yn-bann hag a oelas a-rag an Arloedh bys y'n gorthugher; hag a wovynnas a'n Arloedh, ‘A dheun nes arta dhe vatalyas orth agan breder an Benyaminysi?’ Ha'n Arloedh a leveris, ‘Kewgh yn-bann er aga fynn.’

Breusysi 20:28

ha Finehas mab Eleazar mab Aron, a servya a-ragdha y'n dydhyow na) ow leverel, ‘A wren ni mos yn-mes unnweyth arta rag batalyas orth agan breder, an Benyaminysi, po a wren ni hedhi?’ An Arloedh a worthybis, ‘Kewgh yn-bann rag a-vorow my a's re yn agas leuv.’

1 Samuel 10:21

Ev a dhros loeth Benyamin yn ogas, orth aga theyluyow, ha'n prenn a goedhas war deylu Matri. Ena an prenn a goedhas war Sowl mab Kish. Mes pan y'n hwilsons, ny'n kavsons.

1 Samuel 14:37

Ytho Sowl a wovynnas kusul a-dhiworth Duw, ‘A wrav vy mos yn-nans war-lergh an Filistysi? A vynn'ta aga delivra yn dorn Ysrael?’ Mes ny'n gorthybis an jydh na.

1 Samuel 15:17

Yn-medh Samuel, ‘Kynth es distyr y'th lagas dha honan, a ny veus gwrys penn loethow Ysrael? An Arloedh a'th untyas myghtern war Ysrael.

1 Samuel 22:10

ev a wovynnas orth an Arloedh ragdho, ha ri dhodho boes, ha ri dhodho kledha Goliath an Filistyas.’

1 Samuel 23:9

Davydh a wodhya Sowl dhe vrasa drog er y bynn, hag ev a leveris dhe Abiathar an oferyas, ‘Dro omma an Efod.’

1 Samuel 30:7

Ena Davydh a leveris dhe'n oferyas Abiathar mab Ahimelek, ‘Ro dhymm an efod.’ Ytho Abiathar a ros an efod dhe Davydh.

1 Samuel 30:8

Ha Davydh a wovynnas orth an Arloedh, ha leverel, ‘A wrav vy helghya an bagas ma? A wrav vy aga hachya?’ Ev a worthybis dhodho, ‘Helgh, rag ty a wra yn sur aga hachya ha heb falladow sawya an brisnoryon.’

1 Samuel 9:21

Sowl a worthybis ha leverel, ‘A nyns ov vy marnas Benyaminyas, a-dhiworth an lyha loeth Ysrael, hag ow theylu an lyha a oll teyluyow loeth Benyamin? Ytho prag y kewsydh orthiv yndella?’