1 Samuel 10:2 - An Bibel Kernewek 20234 (Kernewek Kemmyn)

² Pan dhiberthydh a-dhiworthiv hedhyw, ty a gyv dew wour ryb bedh Raghel yn tiredh Benyamin yn Selsagh, hag i a lever dhis, “Trovys yw an asenes mayth ythys dh'aga hwilas. Hag otta, dha das re astelas prederi a-dro dhe'n asenes, mes prederus yw a'gas govis hwi, ow leverel, Pandr'a wrav a-dro dhe'm mab?”

1 Samuel 10:2 Iomraidhean Croise

Jenesis 35:16

Hag i a vyajyas dhiworth Bethel; yth esa hwath unn pols byghan kyns dos dhe Efrath, ha Raghel a dhallathas dineythi, ha kales veu rygdhi yn hy lavur.

Jenesis 48:7

Pan dheuth vy dhiworth Padan, Raghel a verwis rybov yn pow Kanan war an fordh, hwath unn pols byghan kyns dos dhe Efrath, ha my a's ynkleudhyas ena war an fordh dhe Efrath.’ Henn yw Bethlehem.

Yeremia 31:15

Yndellma y lever an Arloedh: Lev yw klewys yn Rama, kynvann hag oelva hwerow. Yma Raghel owth oela rag hy fleghes; hi a nagh bos konfortys rag hy fleghes drefenn nag esons na fella.

Yoshua 18:28

Sela, Elef, Yebus (honn yw, Yerusalem), Gibea ha Kiryath-yearim: peswardhek sita gans aga godrevow. Hemm yw eretons loeth Benyamin war-lergh aga theyluyow.

1 Samuel 10:16

Hag yn-medh Sowl dh'y ewnter, ‘Ev a ros derivas dhyn, an asenes dhe vos trovys’, mes ny dherivas dhodho a-dro dhe'n myghternsys, an pyth a leveris Samuel.