1 Samuel 10:12 - An Bibel Kernewek 20234 (Kernewek Kemmyn)

¹² Ha gour a'n tyller na a worthybis, ow leverel, ‘Ha piw yw aga thas?’ Yndella, hemma a dheuth ha bos henlavar: ‘Usi Sowl ynwedh yn mysk an brofoesi?’

1 Samuel 10:12 Iomraidhean Croise

Ysay 54:13

Oll dha vebyon a vydh dyskys gans an Arloedh, ha meur vydh kres dha fleghes.

Yowann 6:45

Skrifys yw y'n brofoesi, “Hag i oll a vydh dyskys gans Duw.” Seul a woslow orth an Tas ha dyski anodho, a dheu dhymmo vy.

Yowann 7:16

Ytho Yesu a worthybis dhedha ha leverel, ‘Nyns yw ow dyskas dhymm ow honan, mes dhe neb a'm dannvonas.

Jamys 1:17

Pub ro da ha pub ro perfydh a dhiyskynn dhiworth a-wartha, ow tos yn-nans dhiworth an Tas a wolowys ha nyns eus chanj na skeus treylyans ganso.

1 Samuel 10:13

Ha wosa ev dhe worfenna ow profoesa, ev eth dhe'n tyller ughel.

1 Samuel 19:23

Ytho ev eth di, dhe Nayoth yn Rama; ha spyrys Duw a dheuth warnodho. Yth esa ow mos yn-rag ow brofoesa, bys pan dheuth dhe Nayoth yn Rama.

1 Samuel 19:24

Hag ev ynwedh a removas y dhillas, ha profoesa a-dherag Samuel yn kepar maner. Ev a wrowedhas noeth oll an jydh na hag oll an nos na. Rakhenna leverys yw, ‘Usi Sowl ynwedh yn mysk an brofoesi?’