1 Samuel 10:11 - An Bibel Kernewek 20234 (Kernewek Kemmyn)

¹¹ Ytho, pan y'n gwelas oll an re a'n aswonni kyns, hag ev ow profoesa gans an brofoesi, yn-medh an bobel an eyl dh'y gila, ‘Pandr'yw hemma, a hwarva dhe vab Kish? Usi Sowl ynwedh yn mysk an brofoesi?’

1 Samuel 10:11 Iomraidhean Croise

Amos 7:14

Ena Amos a worthybis dhe Amasia, ‘Nyns ov profoes, na mab a brofoes, mes bugel ov, ha dyghtyer frut sykaminwydh,

Amos 7:15

ha'n Arloedh a'm kemmeras dhiworth holya an flokk, ha'n Arloedh a leveris dhymm: “Ke, gwra profoesa dhe'm pobel Ysrael.”

Yowann 7:15

Marth a's teva an Yedhewon, ow leverel, ‘Fatell yll ev bos lettrys, pan na studhyas bythkweth?’

Oberow 3:10

hag i a'n aswonnis avel an den o esedhys ryb Porth Fethus an tempel rag alusen, ha lenwys vons a varth ha sowdhan drefenn an pyth a hwarvia dhodho.

Oberow 4:13

Pan welsons kolonnekter Peder ha Yowann, ha konvedhes aga bos tus dhidhysk ha leg, yth esa marth dhedha, hag i a aswonnis y fiens gans Yesu,

Oberow 9:21

Pubonan oll neb a'n klewas a's tevo marth, hag yn-medhons i, ‘A nyns yw hemma an gour re dhistruis an re na yn Yerusalem neb a gri war an hanow ma? Ha deuva omma rakhemma, ma's dokko i yn kelmys a-dherag an bennoferysi.’

1 Samuel 19:24

Hag ev ynwedh a removas y dhillas, ha profoesa a-dherag Samuel yn kepar maner. Ev a wrowedhas noeth oll an jydh na hag oll an nos na. Rakhenna leverys yw, ‘Usi Sowl ynwedh yn mysk an brofoesi?’