1 Samuel 10:1 - An Bibel Kernewek 20234 (Kernewek Kemmyn)

¹ Ena Samuel a gemmeras kostrel a olew, ha'y dhiveri war y benn, hag amma dhodho, ha leverel, ‘A ny wrug an Arloedh dha untya dhe vos rewler war y ertach?

1 Samuel 10:1 Iomraidhean Croise

2 Samuel 1:14

Ha Davydh a leveris dhodho, ‘A ny berthsys own a ystynn dha dhorn dhe dhistrui untys an Arloedh?’

2 Samuel 19:39

Ytho oll an bobel a dreusis dres an Yordan, ha'n myghtern a dreusis; an myghtern a ammas dhe Barzillay ha'y venniga, hag ev a dhehwelis dh'y ji.

2 Samuel 20:19

My yw onan a'n re yw kosel ha lel yn Ysrael. Ty a hwila distrui sita yw mamm yn Ysrael. Prag y fynnydh kollenki ertach an Arloedh?’

2 Samuel 5:2

Ynwedh yn termyn tremenys, pan o Sowl myghtern warnan, yth o ty neb a hembronka luyow Ysrael yn-mes ha'ga dri a-ji. Ha'n Arloedh a leveris dhis, “Ty a vydh bugel ow fobel Ysrael, ha ty a vydh rewler war Ysrael.” ’

1 Myghternedh 1:34

Ha gesewgh Sadok an oferyas ha Nathan an profoes dh'y untya ena avel myghtern dres Ysrael. Ena hwythewgh an hirgorn, ha leverel, “Re vewo myghtern Solomon!”

1 Myghternedh 19:18

Mes my a as seyth mil yn Ysrael, oll an re na blegyas dewlin dhe Baal na amma dhodho.’

2 Myghternedh 20:5

‘Treyl arta, ha leverel dhe Hezekia, rewler ow fobel, Yndella a lever an Arloedh, Duw dha das Davydh: My re glewas dha bysadow, my re welas dha dhagrow; otta, my a wra dha yaghhe; y'n tressa dydh ty a wra mos yn-bann dhe ji an Arloedh.

2 Myghternedh 9:1

Ena Elisha an profoes a elwis onan a vebyon an brofoesi ha leverel dhodho, ‘Grogys dha dhiwglun ha kemmer an kostrel ma a oyl y'th leuv ha mos dhe Ramoth-gilead.

2 Myghternedh 9:12

I a leveris, ‘Gow! Lavar dhyn lemmyn.’ Hag ev a leveris, ‘Yndellma hag yndella y leveris dhymm, ow leverel, “Yndellma y lever an Arloedh, My re'th untyas myghtern war Ysrael.” ’

Salmow 135:4

Rag an Arloedh re dhewisas Yakob dhodho y honan, hag Ysrael avel y berghennogeth arbennik y honan.

Salmow 2:12

Ymmewgh dhe'n mab, ma na vo serrys, ha na yllowgh dhe goll y'n fordh; rag y sorr a flamm yn skon. Gwynnvys oll an re a hwila skovva ynno ev.

Salmow 78:71

Ev a'n dros dhiworth an deves esa ow tena, dhe vaga Yakob y bobel hag Ysrael y ertach.

Eksodus 30:23

Kemmer dhis an gwella spisyow: a lin myrr pymp kans shekel, hag a sinnamon hweg y vlas hanter an myns, henn yw dew kans ha hanter-kans, hag a galamus hweg y sawer dew kans ha hanter-kans,

Yeremia 10:16

Nyns yw rann Yakob avella: rag ev yw formyer pup-tra hag Ysrael yw gwelenn y eretons: Arloedh an luyow yw y hanow.

Ezekiel 16:13

Yndella ty a veu afinys gans owr hag arghans; dha dhillas o sendal hag owrlin, ha pows vrosyes; ty a dhybris bleus fin ha mel hag olew; hag yth es teg dres eghenn, ha ty a sewenis bys yn myghternsys.

Hosea 13:2

Lemmyn i a beghas hwath moy; i re wrug ragdha aga honan imajys teudh, delowyow gwrys a'ga arghans herwydh aga sleyghneth, i oll an ober a greftoryon. Leverir anedha, ‘Tus a wra sakrifis; i a amm dhe leughi!’

Oberow 13:21

Ena i a bysis myghtern, ha Duw a ros dhedha Sowl mab Kish, gour a'n loeth Benyamin, dew-ugens blydhen.

Dewteronomi 32:9

Rag rann an Arloedh yw y bobel; Yakob yw kevrenn y eretons.

1 Thessalonianys 5:26

Salusewgh an vreder oll gans bay sans.

Ebrowyon 2:10

Rag yth o gwiw ev, mayth usi pup-tra yn few ragdho ha dredho, ow tri lies mab dhe glori, dhe wul awtour aga selwyans perfydh dre wodhevel.

Diskwedhyans 5:8

Ha pan gemmeras an rol, an peswar kreatur bew, ha'n peswar henavek warn ugens a goedhas dhe'n dor a-dherag an Oen, pubonan gans telynn ha fiolyow owrek leun a ynkys, yw pysadow an syns.

1 Samuel 12:3

Ottavy; degewgh dustuni er ow fynn a-dherag an Arloedh hag a-dherag y untys. Dhe biw yw an ojyon re gemmeris? Po dhe biw yw an asen re gemmeris? Po piw yw re beu frowsys genev? Piw yw re beu arweskys genev? Po piw y kemmeris falswober dhiworth y leuv dhe gudha ow dewlagas ganso? Degewgh dustuni er ow fynn ha my a'n daskorr dhywgh.’

1 Samuel 13:14

mes lemmyn ny wra dha wlaskor durya; an Arloedh re hwilas ragdho gour war-lergh y golonn y honan, ha'n Arloedh re'n apoyntyas dhe vos rewler war y bobel, drefenn na withsys an pyth a erghis an Arloedh dhis.’

1 Samuel 15:1

Samuel a leveris dhe Sowl, ‘An Arloedh a'm dannvonas dhe'th untya dhe vos myghtern war y bobel Ysrael; lemmyn rakhenna goslow orth geryow an Arloedh.

1 Samuel 15:17

Yn-medh Samuel, ‘Kynth es distyr y'th lagas dha honan, a ny veus gwrys penn loethow Ysrael? An Arloedh a'th untyas myghtern war Ysrael.

1 Samuel 16:1

Ha'n Arloedh a leveris dhe Samuel, ‘Pygemmys prys y fydhydh ow kyni rag Sowl? My re'n skonyas a vones myghtern war Ysrael. Lanw dha gorn gans oyl, ha ke, my a'th tannvon dhe Yesse an Bethlehemyas, rag my re brovias ragov ow honan myghtern yn mysk y vebyon.’

1 Samuel 16:13

Ena Samuel a gemmeras korn an oyl, ha'y untya yn mysk y vreder; ha spyrys an Arloedh a dheuth war Davydh, a-dhiworth an jydh na alena rag. Ena Samuel a sevis ha mones dhe Rama.

1 Samuel 2:10

Eskerens an Arloedh a vydh brewys; ev a darenn er aga fynn a-dhiworth nev. An Arloedh a vreus pennow an nor; ev a re galloes dh'y vyghtern, hag ughelhe korn y untys.’

1 Samuel 24:6

Yn-medh ev dh'y wer, ‘An Arloedh difenn my dhe wul hemma dhe'm arloedh, untys an Arloedh, owth ystynn ow leuv er y bynn; rag ev yw untys an Arloedh.’

1 Samuel 26:11

An Arloedh difenn, my dhe ystynn ow leuv yn-rag erbynn untys an Arloedh; mes, my a'th pys, kemmer lemmyn an guw usi orth y benn, ha'n seth-dowr, ha deun.’

1 Samuel 26:9

Mes yn-medh Davydh dhe Abishay, ‘Na wra y dhistrui, rag piw a yll ystynn y leuv erbynn untys an Arloedh, ha bos heb kessydhyans?’

1 Samuel 8:19

Mes an bobel a skonyas goslowes orth lev Samuel; hag i a leveris, ‘Nansi! Mes ni a vynn kavoes myghtern warnan,

1 Samuel 8:9

Ha lemmyn goslow orth aga lev; mes ty a's gwarn yn solem, ha diskwedhes dhedha fordhow an myghtern neb a reyn warnedha.’

1 Samuel 9:16

‘A-vorow a-dro dhe'n termyn ma my a dhannvon dhis gour mes a bow Benyamin, ha ty a wra y untya avel rewler war oll ow fobel Ysrael. Ev a saw ow fobel a-dhiworth dorn an Filistysi. My re viras war ow fobel, drefenn aga garm dhe dhos dhymm.’

1 Samuel 9:27

Ha pan esens ow mos yn-nans dhe amal an sita, Samuel a leveris dhe Sowl, ‘Lavar dhe'n gwas may tremenno yn-rag a-dheragon, ha wosa ev dhe dremena, gorta omma dha honan rag termyn, rag may hallav derivas dhis ger Duw.’