1 Samuel 1:2 - An Bibel Kernewek 20234 (Kernewek Kemmyn)

² Hag yth esa dhodho diw wreg, hanow an eyl Hanna, ha hanow hy ben Peninna. Yth esa dhe Peninna fleghes, mes nyns esa fleghes dhe Hanna.

1 Samuel 1:2 Iomraidhean Croise

Jenesis 11:30

Mes Saray o gownagh; nyns esa flogh dhedhi.

Jenesis 25:21

Hag Ysak a bysis war an Arloedh rag y wreg, rag anvap o hi, ha'n Arloedh a glewas y bysadow ha Rebeka y wreg a gonsevyas,

Jenesis 29:31

Ha'n Arloedh a welas bos Lea skonys, hag ev a igoras hy thorr; mes anvap o Raghel.

Jenesis 4:19

Lamek a gemmeras diw wreg, hanow an eyl o Ada ha hanow hy ben, Silla.

Jenesis 4:23

Hag yn-medh Lamek dh'y wragedh, ‘Ada ha Silla, klewewgh ow lev, hwi wragedh Lamek, goslowewgh orth ow lavar, rag my re ladhas gour neb a'm brewis ha den yowynk neb a'm golias.

Matthew 19:8

Yn-medh ev dhedha, ‘Moyses a wrug agas gasa dhe dhidhemmedhi agas gwragedh drefenn kaletter agas kolonn, mes ny veu yndella a'n dalleth.

Luk 1:7

Nyns esa dhedha flogh, rag bos Elisabeth anvap, ha'n dhew anedha o gyllys pell yn aga dydhyow.

Luk 2:36

Hag yth esa profoeses, Anna, myrgh Fanuel, a loeth Asher. Hi o gyllys pell yn dydhyow pals, ha re vewsa gans gour seyth blydhen a-dhia hy gwyrghsys,

Breusysi 13:2

Yth esa gour a Sora, a gordh an Danysi, Manoagh y hanow, hag anvap o y wreg, ny's tevo flogh.

Breusysi 8:30

Gideon a'n jevo deg mab ha tri-ugens, y yssiw y honan, rag ev a'n jevo lies gwreg.