1 Samuel 1:10 - An Bibel Kernewek 20234 (Kernewek Kemmyn)

¹⁰ Ha hi o grevys yn town hag a bysis war an Arloedh, hag oela yn hwerow.

1 Samuel 1:10 Iomraidhean Croise

Jenesis 30:1

Pan welas Raghel na wrussa hi dineythi flogh dhe Yakob, Raghel a borthas avi orth hy hwoer ha leverel dhe Yakob, ‘Ro dhymmo mebyon, ken my a verow.’

Jenesis 50:10

Hag i a dheuth dhe leur-drushya Atad usi dres an Yordan, hag ena i a gynis gans kynvann bras ha pur boes; hag ev a wrug kynvann rag y das seyth dydh.

2 Samuel 13:36

Kettell worfennas kewsel, awotta, mebyon an myghtern a dheuth, ha drehevel aga lev hag oela; ha'n myghtern hag oll y wesyon a oelas yn hwerow.

2 Samuel 17:8

Rag ty a woer bos dha das ha'y wer kasoryon, ha'ga sorr dhe dhewi, kepar hag orses ledrys hy orsigow y'n gwel. Ynwedh dha das yw gour konnyk yn bresel, ha ny vynn tremena an nos gans y wer.

2 Myghternedh 20:3

‘Porth kov lemmyn, A Arloedh, my a'th pys, a fatell gerdhis a-dherag dhis yn gwiryonedh hag a leun golonn, hag a wrug an pyth yw da y'th wel.’ Hag ev a oelas yn hwerow.

Job 10:1

‘Kasadow yw ow bewnans dhymm; my a lever ow krodhvol yn rydh; my a gews yn hwerowder ow enev.

Job 7:11

‘Rakhenna ny fronnav ow ganow; my a gews yn angoes ow spyrys; my a grodhvol yn hwerowder ow enev.

Job 9:18

Ny'm gas dhe gavoes ow anall, mes ev a'm lenow gans hwerowder.

Salmow 50:15

Ha galw warnav yn dydh anken; my a'th telirv, ha ty a wra ow gordhya.

Salmow 91:15

Ev a elow warnav ha my a worthyp dhodho; yth esov ganso yn anken, my a'n delirv ha'y enora.

Lavarow Koth 14:10

An golonn a aswonn hy hwerowder hy honan, ha nyns yw estren kevrennek a'y joy.

Ysay 38:15

Pandr'a lavarav? Ev re gewsis dhymm, hag ev y honan re'n gwrug. My a gerdh yn lent oll ow blydhynyow drefenn hwerowder ow enev.

Ysay 54:6

Rag an Arloedh re'th helwis, avel gwreg forsakys ha grevys yn spyrys, avel gwreg yowynkneth gour, pan yw hi tewlys dhe-ves, yn-medh dha Dhuw.

Yeremia 13:17

Mes mar ny vynnowgh y glewes, ow enev a wra oela yn tylleryow kevrinek drefenn agas balghder; ha'm lagas a wra oela yn hwerow, ha resek gans dagrow, drefenn flokk an Arloedh dhe vos kemmerys avel kethyon.

Yeremia 22:10

Na oelewgh rag an marow, na kyni ragdho; mes oelewgh ragdho ev neb a yn-mes, rag ny dhehwel namoy, na gweles tir y enesigeth.

Kynvannow 3:15

Ev re'm lenwis a erbys hwerow, ha'm medhwi a fuelenn.

Luk 22:44

Ha devedhys yn angoes ev a bysi moy ter; ha'y hwys a dheuth ha bos kepar ha bannaghow a woes ow troppya war an dor.

Ebrowyon 5:7

Yn dydhyow y gig, Yesu a brofyas pysadow ha govynnadow, gans kriow ughel ha dagrow, dhe neb a ylli y dhelivra dhiworth mernans hag ev a veu klewys drefenn y own a Dhuw.

Breusysi 21:2

Ha'n bobel a dheuth dhe Bethel, hag a esedhas ena bys y'n gorthugher a-rag Duw, hag i a sevis aga lev hag a oelas yn hwerow,

Ruth 1:20

Hag yn-medh hi dhedha, ‘Na'm gelwewgh Naomi, gelwewgh vy Mara, rag an Ollgalloesek re'm dyghtyas yn pur hwerow.

1 Samuel 1:11

Ha hi a ambosas ambos ha leverel, ‘A Arloedh an luyow, mar mirydh dhe wir war alar dha vaghteth, ha perthi kov ahanav, ha ny ankevydh dha vaghteth, mes ri dhe'th vaghteth mab, ena my a'n re dhe'n Arloedh oll dydhyow y vewnans, ha ny wra altenn vyth tochya y benn.’

1 Samuel 1:9

Ytho Hanna a sevis yn-bann wosa i dhe dhybri hag eva yn Shilo. Hag yth esa Eli an oferyas owth esedha war an gador ryb post-daras tempel an Arloedh.