1 Peder 5:9 - An Bibel Kernewek 20234 (Kernewek Kemmyn)

⁹ Sevewgh orto, fyrv y'n fydh, ow kodhvos an keth godhevyans dhe hwarvos dh'agas breder usi y'n bys.

1 Peder 5:9 Iomraidhean Croise

Luk 22:32

mes my re bysis ma na fyllo dha fydh; ha wosa ty dhe dreylya arta, fasta jy dha vreder.’

Yowann 16:33

My re leveris hemma dhywgh, rag ma'gas bo kres ynnov. Y'n bys hwi a'gas bydh govisyon; mes bedhewgh a gonfort da! My re fethas an bys.’

Oberow 14:22

ow surhe spyrys an dhyskyblon ha'ga ynnia pesya y'n fydh, ha leverel y tegoedh dhyn dre lies galar entra yn gwlaskor Duw.

1 Korinthianys 10:13

Ny dheuva warnowgh temptasyon vyth nag yw kemmyn dhe vab-den. Lel yw Duw, ha ny wra ev agas gasa dhe vos temptys dres agas nerth, mes keffrys ha'n temptasyon ri fordh a dhiank a wra ev, rag may hyllowgh y berthi.

Efesianys 4:27

ha na rewgh tyller dhe'n jowl.

Efesianys 6:16

Dres oll, kemmerewgh yn-bann an skoes a fydh may hyllowgh difeudhi pub seth ow flammya a'n tebel el,

Kolossianys 2:5

Rag mar nyns esov vy omma y'n korf, byttegyns y'n spyrys yth esov genowgh, ow lowenhe ha gweles aray da ha krevder agas fydh yn Krist.

1 Thessalonianys 3:3

ma na vo denvyth troblys y'n galarow ma, rag hwi a woer bos hemma agan rann,

1 Timothi 6:12

Striv strivyans da an fydh; gwra synsi an bewnans heb diwedh may feus gelwys dhodho ha may hwrussys professyans da anodho a-dherag lies test.

2 Timothi 3:12

Dhe wir, pub den a vynno bewa bewnans sansel yn Krist Yesu a vydh helghys.

2 Timothi 4:7

My re strivyas an strivyans da ha kowlwul an resegva. My re withas an fydh.

Ebrowyon 11:33

neb dre fydh a fethas ruvanethow, breusi yn ewnder, degemmeres an ambosow, degea ganow lewyon,

Ebrowyon 12:8

Mars owgh heb dyskybleth may kevrennsowgh oll ynno, nyns owgh mebyon mes bastardyon.

Jamys 4:7

Ytho, bedhewgh gostydh dhe Dhuw; mes sevewgh erbynn an jowl, hag ev a wra fia dhiworthowgh.

1 Peder 1:6

Hag ynno hwi a lowenha, kyn fo res tristhe berr dermyn yn prevyansow pals,

1 Peder 2:21

Rag dhe hemma y fewgh hwi gelwys, rag Krist ynwedh a wodhevis ragowgh hwi dhe wir, ow kasa dhywgh ensampel, may siwyewgh olow y dreys.

1 Peder 3:14

Mes mar kodhevowgh ynwedh rag ewnder, gwynn agas bys. Na berthewgh own rag euth anedha, ha na vedhewgh troblys,

1 Peder 4:13

Mes, ha hwi ow kevrenna godhevyansow Krist, lowenhewgh, may lowenhahowgh ynwedh yn heudhik orth diskwedhyans y splannder.

Diskwedhyans 1:9

My Yowann, agas broder, ha'gas kevrenner yn anken hag y'n wlaskor, hag yn perthyans yn Yesu, esa y'n ynys gelwys Patmos, rag ger Duw ha dustuni Yesu.

Diskwedhyans 6:11

Ha pows wynn a veu res dhe bubonan anedha, hag y feu leverys dhedha i dhe bowes a dermyn berr moy, bys may fe kowlwrys ynwedh niver aga heswesyon ha'ga breder a vedha ledhys kepar dell vons i ledhys kekeffrys.

Diskwedhyans 7:14

Ha my a leveris dhodho, ‘Ow arloedh, ty a woer.’ Hag yn-medh ev dhymm, ‘An re ma yw neb a dheuth yn-mes a anken meur, ha re wolghas aga fowsyow ha'ga gwynnhe yn goes an Oen.