1 Peder 5:8 - An Bibel Kernewek 20234 (Kernewek Kemmyn)

⁸ Bedhewgh sad, bedhewgh hewoel. Agas eskar an jowl, kepar ha lew owth usa, a gerdh a-dro, ow hwilas nebonan dhe dhevorya.

1 Peder 5:8 Iomraidhean Croise

Ester 7:6

Yn-medh Ester, ‘Envi hag eskar! An tebel Haman ma!’ Ytho, yth esa euth dhe Haman a-dherag an myghtern ha'n vyghternes.

Job 2:2

An Arloedh a leveris dhe Satnas, ‘A-ble osta devedhys?’ Satnas a worthybis dhe'n Arloedh, ‘A-dhiworth gwandra omma hag ena war an norvys, hag a-dhiworth kerdhes a-dro warnodho.’

Salmow 104:21

An lewyon yowynk a us war-lergh aga freydh, hag a hwila aga boes dhiworth Duw.

Salmow 109:6

Gorr tebelwas dhe vos router warnodho, ha seves kuhudhor orth y leuv dhyghow.

Lavarow Koth 19:12

Konnar myghtern yw avel lew owth usa, mes y favour yw avel gluth war an gwels.

Lavarow Koth 20:2

Konnar euthyk myghtern yw avel lew owth usa, neb a'n serr a gyll y vewnans.

Lavarow Koth 28:15

Avel lew owth usa po ors owth omsettya yw drog rewler war bobel boghosek.

Ysay 50:8

Ogas yw ev neb a'm ewnha. Piw a vynn strivya genev? Sevyn ni war-barth. Piw yw ow huhudhor? Des e nes dhymm.

Yeremia 2:15

An lewyon yowynk a vedhyglas warnodho, hag usa: i re wastyas y dir: y sitys yw leskys, heb annedhyas.

Yeremia 51:38

Avel lewyon yowynk i a us war-barth; i a romm avel kelyn lewyon.

Ezekiel 19:7

Ev a dorras aga falesyow dhe'n dor ha gul aga threvow ynyal. An pow a skruthas ha pup-tra esa ynno gans son y usa.

Ezekiel 22:25

Hy fennsevigyon yn hy kres yw kepar ha lew owth usa, ow terri preydh; i re dhybris enevow; i re gemmeras tresor ha taklow drudh; i re wrug gwedhwesow pals a-berth ynno.

Daniel 6:24

Ha'n myghtern a erghis, ha'n wesyon na re guhudhsa Daniel a veu kyrghys ha tewlys yn fow an lewyon – i, aga mebyon, ha'ga gwragedh; ha kyns i dhe dhrehedhes dhe woeles an fow, an lewyon a's fethas ha terri oll aga eskern dhe demmyn.

Hosea 11:10

I a gerdh war-lergh an Arloedh; Ev a wra usa avel lew. Pan wra ev usa, fleghes an howlsedhes a gren.

Hosea 13:8

My a dheu er aga fynn avel orses a gollas hy helyn, ha skwardya aga holonn mes a'ga brest, hag ena my a's devor avel lewes; goedhvil a wra aga frega.

Yoel 3:16

An Arloedh a vedhygel dhiworth Sion, ha dhiworth Yerusalem ev a ri y lev; ha'n nevow ha'n norvys a gren, mes an Arloedh yw skovva rag y bobel ha kastell rag mebyon Ysrael.

Amos 1:2

Hag y leveris: An Arloedh a us dhiworth Sion ha dhiworth Yerusalem ev a re y lev; peurvaow an vugeledh a dhesygh, ha gwedhrys yw gwartha menydh Karmel.

Amos 3:4

A wra lew usa y'n koes, pan nag eus preydh vyth ganso? A wra lew yowynk kria dhiworth y fow mar ny gemmeras ev travyth?

Amos 3:8

An lew re usas: piw ny'n jevydh own? An Arloedh Duw re gewsis: piw ny brofoes?

Zekaria 11:3

Yma son oulyans an vugeledh, a-ban veu shyndys aga splannder. Yma son bedhygla an lewyon yowynk, rag bos shyndys meuredh an Yordan.

Zekaria 3:1

Ena ev a dhiskwedhas dhymm Yoshua an arghoferyas ow sevel a-rag el an Arloedh, ha Satnas ow sevel a-dhyghow dhodho dh'y guhudha.

Matthew 13:39

ha'n eskar neb a's gonedhas yw an jowl, ha'n drevas yw diwedh an oes, ha'n vysoryon yw eledh.

Matthew 24:42

Gwrewgh goelyas ytho rag ny wodhowgh py dydh y teu agas Arloedh.

Matthew 25:41

‘Ena y hwra ev leverel ynwedh dhe'n re a'n barth kledh, “Kewgh a-dhiworthiv, hwi dus villiges, dhe'n tan heb diwedh yw darbarys dhe'n jowl ha'y eledh.

Matthew 4:1

Ena Yesu a veu hembrenkys yn-bann dhe'n gwylvos gans an Spyrys dhe vos temptys gans an jowl.

Matthew 4:11

Ena an jowl a'n gasas hag otta, eledh a dheuth dh'y servya.

Mark 4:15

Ha'n re ma yw an re usi ryb an fordh, le mayth yw hesys an ger; ha wosa i dh'y glewes, Satnas a dheu desempis, ha kemmeres dhe-ves an ger a veu hesys ynna.

Luk 21:34

‘Bedhewgh war, ma na vo agas kolonn nevra beghys gans diwessa, na medhwynsi na fienasow bewnans, ha na wrello an jydh dos warnowgh yn tromm

Luk 21:36

Bedhewgh hewoel pup-prys, ow pysi may fo dhywgh nerth dhe fia dhiworth pup-tra eus ow tegynsiwa, ha dhe sevel a-rag Mab an den.’

Luk 22:31

Hag yn-medh an Arloedh, ‘Simon, Simon, otta Satnas re hwilas agas kroedra kepar hag ys,

Yowann 8:44

Hwi yw dhiworth agas tas an jowl, ha hwi a vynn gul hwansow agas tas. Ev a veu denledhyas a'n dalleth ha ny sevis y'n gwir, rag nyns eus gwiryonedh ynno. Pan lever gow, ev a lever a'y gnas y honan, rag gowleveryas yw ev, ha tas gowyow.

2 Korinthianys 2:11

ma na wrella Satnas agan treylya dh'y les y honan; rag nyns on ni heb godhvos a-dro dh'y dowlow.

Efesianys 4:27

ha na rewgh tyller dhe'n jowl.

Efesianys 6:11

Gwiskewgh leun-arvwisk Duw may hallowgh settya orth towlow an jowl,

1 Timothi 2:15

Mes hi a vydh selwys dre dhineythi fleghes mar kwra hi gortos yn fydh ha kerensa ha sansoleth gans doethter.

1 Timothi 2:9

Y'n keth vaner y koedh dhe venynes omwiska yn maner wiw, gans onester ha doethter, heb pletha aga gols gans owr na perlys, ha heb dillas meur y gost,

1 Timothi 3:11

Yn kepar maner, y koedh dh'aga gwragedh bos sad; na vedhens hwedhloresow, mes klor ha lel yn pup-tra.

1 Timothi 3:2

Y koedh dhe epskop bos divlam, gour unn wreg, sad, doeth, onest, hel dhe westoryon, dyskador da,

2 Timothi 4:17

Mes an Arloedh a sevis rybov ha ri nerth dhymmo, may fe an pregoth kowlwrys dredhov ha ma'n klewva oll an Jentilys. Ha sawys veuv yn-mes a anow an lew.

Titus 1:8

mes hel, karer dader, doeth, ewnhynsek, sans, omrewlys,

Titus 2:12

orth agan dyski may hwryllyn hepkorr ansansoleth ha drokhwansow an bys, ha bewa gans doethter, gwiryon ha sans y'n oes ma,

Titus 2:2

tus koth dhe vos divedhow, sad, fur, yagh yn fydh, yn kerensa, hag yn perthyans.

Titus 2:4

may tyskons an benynes yowynk dhe gara aga gour ha'ga fleghes,

Titus 2:6

Y'n keth vaner gwra keski an wer yowynka may fons fur.

Jamys 4:7

Ytho, bedhewgh gostydh dhe Dhuw; mes sevewgh erbynn an jowl, hag ev a wra fia dhiworthowgh.

1 Peder 1:13

Ytho, grogysewgh diwglun agas brys, bedhewgh divedhow, ha settyewgh agas govenek yn tien war an gras a vydh dres dhywgh orth diskwedhyans Yesu Krist.

1 Peder 4:7

Gorfenn pup-tra re dheuth nes; ytho bedhewgh doeth ha sad orth pysadow.

Diskwedhyans 12:10

Ha my a glewas lev ughel yn nev ow leverel, ‘Lemmyn selwyans, ha nerth, ha gwlaskor agan Duw yw devedhys, ha galloes y Grist: rag bos kuhudhor agan breder tewlys yn-nans, neb a's kuhudhas dydh ha nos a-dherag agan Duw.

Diskwedhyans 12:12

Ytho, lowenhewgh, a nevow, ha hwi a drig ynna. Tru dhe'n dor ha dhe'n mor, rag an Jowl re dhiyskynnas dhywgh hwi, ha sorr bras ganso, rag ev a woer bos termyn berr ganso ev.’

Diskwedhyans 12:9

Ha'n dhragon veur a veu tewlys yn-nans, an sarf goth neb yw gelwys an Jowl, ha Satnas, neb a doell oll an bys: ev a veu tewlys yn-nans bys y'n dor, ha'y eledh a veu tewlys yn-nans ganso.

Diskwedhyans 20:10

Ha'n jowl neb a's toellas a veu tewlys yn lynn tan ha loskven, le may ma an best ha'n fals profoes, hag ev a vydh tormentys dydh ha nos, trank heb worfenn.

Diskwedhyans 20:2

Hag ev a settyas dalghenn y'n dhragon, an sarf goth na, yw an Jowl ha Satnas, hag a's kolmas mil vlydhen;

Breusysi 14:5

Ena Samson eth yn-nans gans y das ha'y vamm dhe Timna. Pan dheuth dhe winlannow Timna distowgh lew yowynk a usas orto.