1 Peder 5:7 - An Bibel Kernewek 20234 (Kernewek Kemmyn)

⁷ ow tewlel oll agas fienasow warnodho, rag hwi yw bern dhodho ev.

1 Peder 5:7 Iomraidhean Croise

Salmow 34:15

Yma dewlagas an Arloedh war an re wiryon, ha'y dhiwskovarn troha'ga kri.

Salmow 37:5

Kommytt dha fordh dhe'n Arloedh; trest ynno, hag ev a'n gwra.

Salmow 40:17

Boghosek hag edhommek ov vy; mes an Arloedh a breder ahanav. Ty yw ow gwereser ha'm delivrer; ow Duw, na wra delatya.

Salmow 55:22

Towl dha vegh war an Arloedh, hag ev a'th sosten; ny as ev nevra an re wiryon dhe drebuchya.

Lavarow Koth 16:3

Kommytt dha ober dhe'n Arloedh, ha'th towlow a vydh fastys.

Matthew 6:27

Ha piw ahanowgh hag ev ow prederi a yll keworra pols vyth dhe dhydhyow y vewnans?

Matthew 6:28

Ha prag yth owgh hwi prederus a-dro dhe dhillas? Merkewgh lili an gwel, fatell wrons i tevi; ny lavuryons ha ny nedhons;

Matthew 6:31

Ytho na vedhewgh gyllys yn prederow, ow leverel, “Pandr'a dhybryn”, po “Pandr'a evyn”, po “Py ganso y fydhyn gwiskys?”

Mark 4:38

Hag yth esa ev yn delergh an gorhel, ow koska war bluvek. Hag i a wrug dhodho difuna, ha leverel dhodho, ‘Mester, a ny'th teur mann, ha ni ow mos dhe goll?’

Luk 12:22

Hag ev a leveris dh'y dhyskyblon, ‘Rakhenna yn-medhav dhywgh, na wrewgh mos yn prederow a-dro dh'agas bewnans pandr'a dhebrowgh, na byth moy, a-dro dh'agas korf pandr'a wiskowgh.

Luk 12:26

Ytho mar ny yllowgh gul an taklow byghanna, prag y prederowgh a-dro dhe'n re erell?

Yowann 10:13

Henn yw rag ev dhe vos goberwas, ha ny vern dhodho travyth a-dro dhe'n deves.

Filippianys 4:6

Na vedhewgh prederus a dravyth mes yn pup-tra, dre bysadow ha govynnadow gans grasyans, bedhes an taklow a wovynnsowgh godhvedhys dhe Dhuw.

1 Samuel 30:6

Ha Davydh o grevys yn feur; rag an bobel a gewsis a'y labydha, drefenn bos oll an bobel hwerow y'n enev rag aga mebyon ha myrghes. Mes Davydh a gavas nerth y'n Arloedh y Dhuw.