1 Peder 5:5 - An Bibel Kernewek 20234 (Kernewek Kemmyn)

⁵ Y'n keth vaner, hwi, a dus yowynk, bedhewgh gostydh dhe'n henavogyon, ha pubonan gwiskewgh uvelder an eyl dh'y gila, rag ‘Duw a sett orth tus woethus, mes dhe dus uvel, y re ev gras.’

1 Peder 5:5 Iomraidhean Croise

2 Kroniklys 6:41

Lemmyn yn-bann, A Arloedh Duw, dhe'th powesva ty hag argh dha nerth. Bedhes dha oferysi, A Arloedh Duw, gwiskys gans selwyans, ha lowenhes dha syns y'th tader.

Job 22:29

Pan vo tus iselhes ty a lever yth yw drefenn goeth, mes Duw a saw an den uvel y dhewlagas.

Job 29:14

My a omwiska yn gwirvreus hag ev a'm gwiska; ow gwirvreus o avel pows ha tulyfant.

Salmow 132:16

Hy oferysi a wiskav gans selwyans, ha'y syns a arm gans lowena.

Salmow 132:9

Bedhes dha oferysi gwiskys yn ewnder, ha gwres dha syns garma yn lowen.

Salmow 138:6

Rag ughel yw an Arloedh, hwath ev a wra vri a'n re isel, mes a bellder ev a aswonn an re woethus.

Lavarow Koth 25:7

Gwell yw y fo leverys dhis, ‘Deus yn-bann omma’, ages ty dhe vos gorrys isella. An taklow a wrug dha dhewlagas aga gweles –

Lavarow Koth 3:34

Orth an skornyoryon, ev a berth skorn, mes dhe'n re uvel ev a dhiskwa favour.

Ysay 57:15

Rag yndellma y lever an ughel hag eksaltys neb a drig trank heb worfenn, ha sans yw y hanow: Trigys esov yn tyller ughel ha sans, hag ynwedh gans an den yw keudhesik hag isel y spyrys, dhe wul dhe spyrys an re uvel dasvewa ha dhe wul dhe golonn a'n re brewys dasvewa.

Ysay 61:10

My a lowenha yn feur y'n Arloedh, ow enev a vydh heudhik y'm Duw, drefenn ev dhe'm kwetha gans dillas a selwyans ha'm kudha yn goen ewnder, kepar dell wra gour pries a omwisk yn tulyfant oferyas, ha kepar dell wra benyn bries hy omafina gans hy gemmweyth.

Ysay 66:2

Oll an taklow ma ow leuv a's gwrug, ha dhymmo vy yw oll an taklow ma, yn-medh an Arloedh. Hemm yw an den a wrav vri anodho, an den truan, trogh y spyrys, neb a gren orth ow ger.

Ezekiel 26:16

Ena oll pennsevigyon an mor a dhiyskynn dhiworth aga thronys ha gorra dhe denewen aga fowsyow, ha diwiska aga dillas brosys. I a omwisk gans krena, hag esedha war an dor; i a gren heb hedhi, hag i a gemmer skruth orthis.

Daniel 11:12

Pan vo an ost na kemmerys dhe-ves, y golonn a vydh ughelhes, hag ev a wra dhe dheg-milyow koedha, mes ny wra ev tryghi.

Levitikus 19:32

Ty a sev dherag an blew loes, hag enora an den koth, ha kavoes own a dha Dhuw. An Arloedh ov vy.

Luk 22:26

Hwi ny vydhowgh yndella; mes bedhes an brassa yntredhowgh kepar ha'n yowynka, ha'n gwalader kepar ha neb a serv.

Romanyon 12:10

ow kara an eyl y gila, yn keskerensa, ow kesstrivya an eyl gans y gila ow tiskwedhes enor;

Romanyon 13:14

Mes gwisk an Arloedh Yesu Krist, ha na dharbar dhe'n kig, rag y lustys.

Efesianys 5:21

Bedhewgh gostydh an eyl dh'y gila yn own Krist.

Filippianys 2:3

heb gul travyth dre gesstrif na dre woeth, mes yn uvelder, ow synsi pub den arall dhe vos gwell agesowgh agas honan,

Kolossianys 3:12

Ytho, avel tus dhewisys gans Duw, sans ha karadow, gwiskewgh truedh, kuvder, uvelder, klorder, perthyans,

1 Timothi 5:1

Na wra keredhi den kottha mes gwra y gennertha kepar ha tas, ha tus yowynka kepar ha breder,

Ebrowyon 13:17

Bedhewgh gostydh dh'agas hembrenkysi hag uvel dhedha; rag ymons i ow kwitha war agas enev, avel tus a goedh ri akont; gesewgh i dhe wul hemma yn lowen, heb kyni yn tristans, rag ny via henna dh'agas les.

Jamys 4:6

Mes brassa gras y re ev; rakhenna y lever, ‘Duw a sev erbynn tus woethus, mes dhe dus uvel ev a re ras.’

1 Peder 3:8

Wor'tiwedh, bedhewgh hwi oll a'n keth brys, ow keskodhevel, ow kara an vreder, truedhek, uvel,

1 Peder 4:1

Ytho, a-ban wrug Krist godhevel y'n kig, omarvewgh hwi ynwedh gans an keth brys, rag neb re wodhevis y'n kig re asas peghadow,

1 Peder 4:5

mes i a re akont dhe neb yw parys dhe vreusi an re vew ha'n re varow.