1 Peder 5:10 - An Bibel Kernewek 20234 (Kernewek Kemmyn)

¹⁰ Lemmyn, Duw pub ras, neb a'gas gelwis dh'y splannder heb diwedh yn Krist Yesu, wosa hwi dhe wodhevel pols, a wra y honan agas gul perfydh, fastya, krevhe ha selya.

1 Peder 5:10 Iomraidhean Croise

Salmow 119:28

Yma ow enev ow teudhi dre voredh; krevha vy herwydh dha er.

Salmow 138:7

Kyn kerdhav yn kres anken, ty a with ow bewnans; ty a ystynn dha leuv erbynn sorr ow eskerens, ha'th leuv dhyghow a'm saw.

Salmow 86:15

Mes ty, A Arloedh, yw Duw truedhek ha grassyes, lent ow serri, ha meur dha dregeredh ha'th wirder.

Salmow 86:5

Rag ty, A Arloedh, yw kuv ha parys dhe ava, meur dha dregeredh orth oll an re a elow warnas.

Zekaria 10:12

My a wra aga nertha y'n Arloedh, hag yn y hanow ev i a gerdh a-dro, yn-medh an Arloedh.

Zekaria 10:6

My a wra nertha chi Yuda ha selwel chi Yosep. My a wra aga restorya, rag my a gemmer truedh anedha. I a vydh kepar ha pan na wrugavy aga skonya; rag yth ov vy an Arloedh aga Duw, ha my a wra aga gorthybi.

Luk 22:32

mes my re bysis ma na fyllo dha fydh; ha wosa ty dhe dreylya arta, fasta jy dha vreder.’

Romanyon 15:13

Re'gas lanwo an Duw a wovenek a bub lowender hag a gres yn krysi, rag may palshahowgh yn govenek dre alloes an Spyrys Sans.

Romanyon 15:5

Re rollo dhywgh an Duw a berthyans hag a gonfort may fewewgh yntredhowgh y'n keth kessenyans herwydh Krist Yesu,

Romanyon 16:25

Lemmyn dhodho ev neb a yll agas krevhe herwydh ow aweyl ha pregoth Yesu Krist, herwydh diskwedhyans an kevrin a vedha gwithys taw der an oesow

Romanyon 9:11

kyn na vons hwath genys na ny wrussens naneyl da na drog, (rag may pessyo towl Duw herwydh dewisyans, a-der der oberow mes der y alow),

Romanyon 9:24

bys dhyn ni neb re elwis, na veu unnsel a'n Yedhewon, mes ynwedh a'n kenedhlow?

1 Korinthianys 1:10

My a'gas pys, breder, dre hanow agan Arloedh Yesu Krist, may leverrowgh an keth tra, na vo folsyow vyth yn agas mysk, mes may fowgh hwi kesunys y'n keth brys hag y'n keth kowses.

1 Korinthianys 1:9

Lel yw Duw; ganso ev hwi a veu gelwys a-bervedh yn kowethyans y Vab ev, Yesu Krist agan Arloedh.

2 Korinthianys 13:11

Gordhiwedh, breder, lowenhewgh; gwrewgh agas honan perfydh, kennerthewgh an eyl y gila, bedhewgh unnverhes, bedhewgh yn kres; ha'n Duw a gerensa hag a gres a vydh genowgh.

2 Korinthianys 4:17

Rag yma agan galar ydhil na dhur marnas dres pols ow kwaynya ragon ni poes a wolewder a dhur bynitha, dres musur oll,

Filippianys 4:13

My a yll gul pup-tra dredho ev neb a re dhymm nerth.

Kolossianys 2:7

gwreydhys ha drehevys ynno, ha kennerthys y'n fydh dell dhys'sowgh, ow palshe yn grasyans.

1 Thessalonianys 2:12

orth agas ynnia ha'gas kennertha, ha'gas konjorya may hwrellewgh kerdhes gwiw dhe Dhuw usi orth agas gelwel dh'y wlaskor ha'y splannder.

2 Thessalonianys 2:14

Dhe hemma ev a'gas gelwis ynwedh der agan aweyl dhe gavoes splannder agan Arloedh Yesu Krist.

2 Thessalonianys 2:17

re gennertho ha krevhe agas kolonn yn pub gwrians da ha pub ger da.

2 Thessalonianys 3:3

Mes lel yw an Arloedh a wra agas nertha ha'gas gwitha rag an tebel el.

1 Timothi 6:12

Striv strivyans da an fydh; gwra synsi an bewnans heb diwedh may feus gelwys dhodho ha may hwrussys professyans da anodho a-dherag lies test.

2 Timothi 1:9

a wrug agan selwel ha gelwel gans galow sans, a-der herwydh agan gwriansow agan honan, mes war-lergh y dowl ha'y ras ev a veu res dhyn yn Krist Yesu kyns termyn heb worfenn,

2 Timothi 2:10

Rakhenna, pup-tra a borthav rag an re yw dewisys, may kaffons i ynwedh an selwyans usi yn Krist Yesu, gans splannder heb worfenn.

Ebrowyon 9:15

Yndella ev yw mayn an kevambos nowydh, may hwrello an re yw gelwys degemmeres an eretons ambosys bys vykken, a-ban mernans dhe hwarvos rag aga daspren a'n peghadow yn-dann an kynsa kevambos.

1 Peder 1:15

mes kepar dell yw sans neb a'gas gelwis, bedhewgh hwi sans ynwedh yn agas fara oll;

1 Peder 4:10

Dell dhegemmeras pubonan ahanowgh ro, gwrewgh devnydh anodho an eyl rag y gila kepar ha rennysi dha a'n gras divers a Dhuw.

1 Peder 4:11

Den mar kews, kewses ev lavarow Duw; den mar konis, gonedhes gans nerth yw res gans Duw, may fo Duw gordhys yn pup-tra dre Yesu Krist, dhe neb re bo gordhyans ha nerth, trank heb worfenn. Amen.

2 Peder 1:3

Galloes Duw re ros dhyn pup-tra kevrennys gans bewnans ha sansoleth, der aswonnvos a neb a'gan gelwis dh'y splannder ev ha'y vertu.

1 Yowann 2:25

Ha hemm yw an ambos re ambosas dhyn, bewnans heb diwedh.

Lyther Yud 1:24

Lemmyn dhe neb a yll agas gwitha rag koedha ha'gas gorra heb namm a-rag y wolewder gans heudhder,