1 Peder 5:1 - An Bibel Kernewek 20234 (Kernewek Kemmyn)

¹ Ytho, my a bys an re yw henavogyon yn agas mysk, ha my henavek ynwedh genowgh, ha test godhevyansow Krist, ha kevrenner y'n splannder a vydh diskwedhys,

1 Peder 5:1 Iomraidhean Croise

Luk 24:48

Hwi yw dustunioryon a'n taklow ma.

Oberow 1:22

ow talleth dhiworth besydh Yowann bys y'n jydh may feu kemmerys yn-bann dhiworthyn, onan a'n re ma dhe dhos ha bos dustunier genen ni a'y dhasserghyans.’

Oberow 1:8

Mes hwi a dhegemmer nerth pan dheu an Spyrys Sans warnowgh, ha dustunioryon vydhowgh dhymm, hag yn Yerusalem hag yn oll Yudi ha Samaria ha bys penn pella an norvys.’

Oberow 11:30

Hag yndella i a'n gwrug, ow tannvon dhe'n henavogyon dre leuv Barnabas ha Sowl.

Oberow 14:23

Ha pan ordensens ragdha henavogyon yn pub eglos, gans pysadow ha penys i a's kommendyas dhe'n Arloedh yn neb a gryssens.

Oberow 15:4

Pan dheuthons yn Yerusalem, wolkommys vons gans an eglos ha'n abesteli ha'n henavogyon, hag i a dherivas an taklow re wrussa Duw dredha.

Oberow 15:6

Omguntellys o an abesteli ha'n henavogyon rag hwithra an mater ma.

Oberow 2:32

Duw a dhrehevis an Yesu ma, ha dhe henna ni oll yw dustunioryon;

Oberow 20:17

Dhiworth Miletus ev a dhannvonas dhe Efesus, ow kelwel henavogyon an eglos.

Oberow 20:28

Kemmerewgh with a'gas honan hag a'n para oll ma'gas gorras an Spyrys Sans avel gorwoelysi rag bugelya eglos Duw, a waynyas der y woes y honan.

Oberow 21:18

Ha ternos Powl a entras genen dhe Jamys, hag oll an henavogyon a dheuth.

Oberow 3:15

ha hwi a ladhas an Awtour a vewnans, neb a veu drehevys gans Duw dhiworth an re varow; dhe henna dustunioryon on ni.

2 Korinthianys 5:1

Rag ni a woer hemma: mars yw distruys agan chi y'n bys, an tylda ma, yma dhyn drehevyans a Dhuw, chi nag yw gwrys gans leuv, a dhur bynitha y'n nevow.

2 Korinthianys 5:8

Fydhyans a'gan beus, ytho, ha gwell via genen mos a'n korf, ha dos dhe-dre dhe'n Arloedh.

Filippianys 1:19

rag my a woer siwyans hemma dhe vos ow selwyans der agas pysadow, ha gweres res gans Spyrys Yesu Krist,

1 Timothi 5:1

Na wra keredhi den kottha mes gwra y gennertha kepar ha tas, ha tus yowynka kepar ha breder,

1 Timothi 5:19

Na wra degemmeres kuhudhans erbynn henavek marnas war lavar dew po tri dustunier.

2 Timothi 4:8

Alemma rag, ragov vy parys yw an gurun a ewnder a re an Arloedh, an breusydh ewn, dhymmo vy y'n jydh na, ha nyns yw ragov vy yn unnsel, mes rag pubonan re garas y omdhiskwedhyans.

Titus 1:5

Rakhenna my a'th hasas yn Kreta mayth ordennes an taklow erell hag apoyntya henavogyon yn pub tre, dell erghis vy dhis,

Filemon 1:9

byttegyns rag kerensa gwell yw genev dha gonjorya, kepar dell ov vy, Powl, den koth ha lemmyn ynwedh prisner a Grist Yesu;

Ebrowyon 12:1

Ytho, ni ynwedh, a-ban eus kommolenn mar veur a dhustunioryon a-dro dhyn, tewlyn a-denewen pub ankombrans ha pegh hag a len mar ogas, ha dre bargh, resyn an resegva yw settys a-dheragon,

1 Peder 1:12

Diskwedhys veu dhedha nag esons i ow konis aga honan, mes yth esons orth agas gonis hwi y'n taklow re beu derivys dhywgh gans an re a bregowthas an nowodhow da dhywgh der an Spyrys Sans, dannvenys dhiworth nev, taklow ha hwans yma dhe eledh mires warnedha.

1 Peder 1:7

rag may fo kevys prov agas fydh, moy y bris es owr a yll pedri kyn fo prevys gans tan, dhe wormola ha gordhyans hag enor orth diskwedhyans Yesu Krist,

1 Peder 4:13

Mes, ha hwi ow kevrenna godhevyansow Krist, lowenhewgh, may lowenhahowgh ynwedh yn heudhik orth diskwedhyans y splannder.

1 Peder 5:4

ha pan omdhiskwa an penn-bugel, hwi a wra degemmeres an gurun a splannder na wedher.

1 Yowann 3:2

Hwi garadowyon, lemmyn yth on fleghes Duw, ha ny welir hwath pandr'a vydhyn: mes ni a woer y fydhyn haval dhodho pan omdhiskwettho; rag ni a wra y weles dell yw ev.

2 Yowann 1:1

An henavek, dhe'n arloedhes dhewisys ha'y fleghes, a garav y'n gwirder: mes nyns yw my ow honan, mes ynwedh oll an re a woer an gwirder,

3 Yowann 1:1

An henavek, dhe Gayus karadow a garav y'n gwirder.

Diskwedhyans 1:9

My Yowann, agas broder, ha'gas kevrenner yn anken hag y'n wlaskor, hag yn perthyans yn Yesu, esa y'n ynys gelwys Patmos, rag ger Duw ha dustuni Yesu.