1 Peder 4:7 - An Bibel Kernewek 20234 (Kernewek Kemmyn)

⁷ Gorfenn pup-tra re dheuth nes; ytho bedhewgh doeth ha sad orth pysadow.

1 Peder 4:7 Iomraidhean Croise

Jenesis 19:35

Ytho i a wrug dh'aga thas eva gwin an nos na ynwedh, ha'n yowynka a sevis yn-bann ha growedha ganso, ha ny wodhva ev pan wrowedhas hi, na pan sevis hi yn-bann.

Jenesis 6:13

Hag yn-medh Duw dhe Noy, ‘Yma diwedh dhe bub kig devedhys a-ragov, rag lenwys dredha gans garowder yw an nor, hag awotta, my a vynn aga distrui gans an nor.

Ekklesiastes 7:2

Gwell yw mos dhe ji kynvann ages mos dhe ji kevewi; rag bos mernans an denkys a beub oll ha res yw dhe'n den bew kemmeres henna yn y golonn.

Yeremia 5:31

An brofoesi a brofoes yn fals, an oferysi a wovern herwydh aga awtorita aga honan; ha'm pobel a gar y vos yndella: mes pandr'a wrewgh pan dheu an diwedh?

Ezekiel 7:6

Diwedh re dheuth, re dheuth an diwedh ha difuna er dha bynn; otta re dheuth!

Matthew 24:42

Gwrewgh goelyas ytho rag ny wodhowgh py dydh y teu agas Arloedh.

Matthew 25:13

Goelyewgh ytho, rag ny wodhowgh naneyl an jydh na'n eur may teu Mab an den.

Luk 21:34

‘Bedhewgh war, ma na vo agas kolonn nevra beghys gans diwessa, na medhwynsi na fienasow bewnans, ha na wrello an jydh dos warnowgh yn tromm

Luk 21:36

Bedhewgh hewoel pup-prys, ow pysi may fo dhywgh nerth dhe fia dhiworth pup-tra eus ow tegynsiwa, ha dhe sevel a-rag Mab an den.’

Luk 22:46

hag yn-medh ev dhedha, ‘Prag y koskowgh? Sevewgh yn-bann ha pysewgh, ma na entrowgh yn temptasyon.’

Romanyon 12:12

yn govenek ow lowenhe, yn galar ow tiskwedhes perthyans, ow pesya yn tiwysyk yn pysadow,

1 Korinthianys 15:24

Ena y teu an diwedh, pan dhaskorr ev an wlaskor dhe Dhuw an Tas, wosa distrui pub prynsipata ha pub potestas ha pub maystri.

1 Korinthianys 7:29

Ow styr yw hemma, breder: devedhys ha bos pur verr yw an termyn; alemma rag, an re neb a's teves gwragedh, bedhens kepar ha pan vens i hebdha,

Efesianys 6:18

Dre bub pysadow ha govenek, pysewgh pub eur oll y'n Spyrys; ha dhe'n porpos na, bedhewgh hewoel gans pub diwysykter ha pysadow rag oll an syns,

Filippianys 4:5

Agas klorder bedhes aswonnys dhe bub den oll. Ogas yw an Arloedh.

Kolossianys 4:2

Gwrewgh pesya yn pysadow, ow koelyas ynno gans grasyans;

2 Timothi 4:5

Mes ty bydh sad yn pup-tra, godhav drog, gwra ober aweyler, kollanw dha venystri.

Titus 2:12

orth agan dyski may hwryllyn hepkorr ansansoleth ha drokhwansow an bys, ha bewa gans doethter, gwiryon ha sans y'n oes ma,

Ebrowyon 10:25

heb forsakya agan kuntellyans agan honan, dell yw an usadow gans rann, mes kennertha an eyl y gila, ha seul voy dell welowgh an Jydh ow nesa.

Ebrowyon 9:26

rag ena y tegoedhvia dhodho godhevel menowgh a-dhia wrians an bys. Mes lemmyn ev re omdhiskwedhas unnweyth, dhe dhiwedh an oesow, ha dilea peghosow der omsakrifia.

1 Peder 1:13

Ytho, grogysewgh diwglun agas brys, bedhewgh divedhow, ha settyewgh agas govenek yn tien war an gras a vydh dres dhywgh orth diskwedhyans Yesu Krist.

1 Peder 3:7

Y'n keth vaner an wer, gwrewgh kesvewa gansa yn konvedhes, ow tiskwedhes enor dhe'n wreg avel dhe'n gwanna lester, kepar ha dhe heryon genowgh ynwedh a'n ras a vewnans, ma na vo lettys agas pysadow.

1 Peder 5:8

Bedhewgh sad, bedhewgh hewoel. Agas eskar an jowl, kepar ha lew owth usa, a gerdh a-dro, ow hwilas nebonan dhe dhevorya.

Diskwedhyans 16:15

(‘Otta, my a dheu kepar ha lader. Gwynnvys neb a woel ha gwitha y dhillas na gertho noeth, ha na wello tus y noethedh.’)