1 Peder 4:18 - An Bibel Kernewek 20234 (Kernewek Kemmyn)

¹⁸ Ha mar skantlowr yw selwys an den gwiryon, ple hwra an den didhuw ha'n peghador omdhiskwedhes?

1 Peder 4:18 Iomraidhean Croise

Jenesis 13:13

Mes tus Sodom o tebel ha peghadoryon dres eghenn dherag an Arloedh.

Lavarow Koth 11:31

Mars yw an den gwiryon rewardys war an norvys, kemmys moy an tebelwas ha'n peghador!

Yeremia 25:29

Otta, yth esov ow talleth dri drogedh war an sita may feu ow hanow gelwys warnedhi, hag a vydhowgh digeredh yn tien? Ny vydhowgh digeredh, rag yth esov ow kelwel kledha erbynn oll annedhysi an nor, yn-medh Arloedh an luyow.

Ezekiel 18:24

Mes pan dreyl an den gwiryon dhiworth y wiryonedh ha gul war-lergh oll an taklow kasadow a wra an tebelwas, a vew ev? Ny vydh kovhes travyth a'y wiryonedh a wrug; drefenn an dislelder ha'n peghes a wrug, ev a verow.

Zekaria 13:9

My a dhre an tressa rann dre'n tan, ha'ga furhe dell yw purhes an arghans, a'ga frevi dell yw prevys an owr. Ev a wra gelwel war ow hanow, ha my a worthyp dhodho; my a lever, ‘Ev yw ow fobel’, hag ev a lever, ‘An Arloedh yw ow Duw.’

Luk 15:1

Yth esa oll an dolloryon ha'n beghadoryon ow tos nes dhodho rag goslowes orto.

Luk 23:31

Rag mar kwrens hemma y'n prenn gwyrdh, pandr'a vydh gwrys y'n prenn sygh?’

Oberow 14:22

ow surhe spyrys an dhyskyblon ha'ga ynnia pesya y'n fydh, ha leverel y tegoedh dhyn dre lies galar entra yn gwlaskor Duw.

Oberow 27:24

ow leverel, “Na borth own, Powl, res yw dhis sevel a-rag Sesar, hag otta, Duw re ros dhis oll an re ma usi ow koelya genes.”

Oberow 27:31

Powl a leveris dhe'n penn-kangour ha dhe'n soudoryon, ‘Marnas an re ma a worta y'n gorhel ny yllowgh hwi bos sawys.’

Romanyon 1:18

Rag diskwedhys yw sorr Duw dhiworth nev erbynn oll ansansoleth ha kammhynseth a dus a lett an gwirder yn kammhynseth.

Romanyon 5:6

Ha ni hwath heb gweres, dhe'n ewn dermyn y ferwis Krist rag an re ongrassyes.

Romanyon 5:8

Mes Duw a dhiskwa y gerensa dhyn drefenn Krist dhe verwel ragon ha ni hwath peghadoryon.

1 Korinthianys 10:12

Rakhenna, neb eus ow tybi y sev ev, kemmeres with ma na goettho.

1 Timothi 1:9

ow konvedhes hemma: nyns yw an lagha gwrys rag den gwiryon, mes rag tus dhilagha ha diwostydh, an re yw didhuw ha peghadoryon, ansans hag ongrassyes, an re a ladh tas ha mamm, ha denledhysi,

Ebrowyon 4:1

Ytho, ha'n ambos hwath gesys dhe entra dh'y bowesva, perthyn own na vo nagonan ahanowgh breusys a fyllel dh'y attaynya.

Jamys 5:6

Hwi re dhampnyas ha ladha an den gwiryon; ny sev ev orthowgh.

1 Peder 5:8

Bedhewgh sad, bedhewgh hewoel. Agas eskar an jowl, kepar ha lew owth usa, a gerdh a-dro, ow hwilas nebonan dhe dhevorya.

2 Peder 3:7

Mes an nevow ha'n nor a'n termyn ma re beu gwithys der an keth ger rag tan, synsys bys dydh breus, ha diswrians an re dhidhuw.

Lyther Yud 1:15

rag kollenwel breus war bub den oll ha keredhi pub enev a-dro dh'aga gwriansow a ansansoleth a wrussons hag a oll an geryow kales a wrug peghadoryon dhidhuw kewsel er y bynn.’

1 Samuel 15:18

Ha'n Arloedh a'th tannvonas war an fordh, ha leverel, “Ke, distru glan an beghadoryon, an Amalekysi, batel er aga fynn erna vons diswrys.”