1 Peder 4:13 - An Bibel Kernewek 20234 (Kernewek Kemmyn)

¹³ Mes, ha hwi ow kevrenna godhevyansow Krist, lowenhewgh, may lowenhahowgh ynwedh yn heudhik orth diskwedhyans y splannder.

1 Peder 4:13 Iomraidhean Croise

Ysay 25:9

Y'n jydh na y fydh leverys, Otta, hemm yw agan Duw; ni a'n gortas, hag ev a'gan sawyas. Hemm yw an Arloedh ha ni re'n gortas; bedhen ni lowen ha fest heudhik yn y selwyans.

Ysay 35:10

An re dasprenys a'n Arloedh a dhehwel, ha dos dhe Sion gans kana, ha joy heb diwedh a vydh war aga fenn. I a's tevydh lowena ha joy, ha tristyns ha hanasa a fi dhe'n fo.

Ysay 51:11

An re dasprenys a'n Arloedh a dhehwel, ha dos dhe Sion gans kana, ha joy heb diwedh a vydh war aga fenn. I a's tevydh lowena ha joy; tristyns ha hanasa a fi dhe'n fo.

Matthew 16:27

Rag Mab an den a dal dos yn golewder y Das gans y eledh, hag ena attyli a wra ev dhe bubonan herwydh y ober.

Matthew 25:21

Yn-medh y vester dhodho, “Yn ta re wruss'ta, ty gethwas da ha lel, war nebes ty re beu lel, my a re dhis charj a lies tra. Ke dhejy a-bervedh yn lowena dha vester.”

Matthew 25:23

Yn-medh y vester dhodho, “Yn ta y hwruss'ta, ty gethwas da ha lel, ty re beu lel war nebes, my a re dhis charj a lies tra. Ke dhejy a-bervedh yn lowena dha vester.”

Matthew 25:31

‘Ha Mab an den pan dheu yn y wolewder, hag oll an eledh ganso, ena yth esedh war dron y wolewder.

Matthew 25:34

Ena y hwra an Myghtern leverel dhe'n re a'y barth dhyghow, “Dewgh, hwi vennigys gans ow Thas, eritewgh an wlaskor yw pareusys dhywgh dhiworth gwrians an bys.

Matthew 5:12

Lowenhewgh ha bedhewgh pur heudhik, rag meur yw agas gober y'n nevow, rag yndella y hwrussons helghya an brofoesi neb a veu kyns agas prys hwi.

Mark 8:38

Piwpynag, ytho, a'n jeffo meth ahanav vy ha'm lavarow y'n henedh ma, leun a avoutri ha pegh, anodho ev ynwedh Mab an den a'n jevydh meth pan dheffo yn glori y Das gans an eledh sans.’

Luk 17:30

Yn kettella y fydh y'n jydh may fydh diskudhys Mab an den.

Oberow 16:25

Hag a-dro dhe hanter-nos yth esa Powl ha Silas ow pysi hag ow kormel Duw dre hymnys, hag yth esa an brisnoryon ow koslowes orta;

Oberow 5:41

Rakhenna, i eth yn-mes dhiworth an konsel ow lowenhe, drefenn aga bos reknys gwiw dhe berthi disenor a-barth an hanow.

Romanyon 5:3

Dres henna, ni a bost yn agan galarow, ow kodhvos galar dhe dhri perthyans,

Romanyon 8:17

ha mars on ni fleghes, ytho heryon, heryon a Dhuw ha kes-heryon a Grist, mar kodhevyn ganso rag may fyn ni ynwedh kevrennek a'y wolewder.

Romanyon 8:18

My a dyb na dal galarow an termyn ma bos kehaval dhe'n golewder usi ow tos dhe vos diskwedhys dhyn.

2 Korinthianys 1:5

Rag kepar dell balsha godhevyans Krist genen ni, yndella dre Grist agan konfort ynwedh a balsha.

2 Korinthianys 1:7

Ha fyrv yw agan govenek ragowgh, a-ban wodhon ni hemma: par dell owgh hwi kevrennoryon a'n galarow, yndella ynwedh hwi a gevrenn a'n konfort.

2 Korinthianys 4:10

prest ow toen a-dro yn agan korf mernans Krist, may fo diskwedhys ynwedh bewnans Yesu yn agan korf.

2 Korinthianys 4:17

Rag yma agan galar ydhil na dhur marnas dres pols ow kwaynya ragon ni poes a wolewder a dhur bynitha, dres musur oll,

Filippianys 3:10

rag y aswonnvos ev ha galloes y dhasserghyans, ha kevrenn yn y alarow, kesformys yn y vernans,

Kolossianys 1:24

Lemmyn my a lowenha y'm galarow ragowgh, ha my a gowlwra an taklow a fyll dhe baynys Krist y'm kig rag y gorf, yw an eglos.

2 Timothi 2:12

Mar kwren ni durya, kesreynya ynwedh ganso a wren; mar skonyn, ev ynwedh a wra agan skonya ni.

1 Peder 1:13

Ytho, grogysewgh diwglun agas brys, bedhewgh divedhow, ha settyewgh agas govenek yn tien war an gras a vydh dres dhywgh orth diskwedhyans Yesu Krist.

1 Peder 2:21

Rag dhe hemma y fewgh hwi gelwys, rag Krist ynwedh a wodhevis ragowgh hwi dhe wir, ow kasa dhywgh ensampel, may siwyewgh olow y dreys.

1 Peder 5:1

Ytho, my a bys an re yw henavogyon yn agas mysk, ha my henavek ynwedh genowgh, ha test godhevyansow Krist, ha kevrenner y'n splannder a vydh diskwedhys,

1 Peder 5:10

Lemmyn, Duw pub ras, neb a'gas gelwis dh'y splannder heb diwedh yn Krist Yesu, wosa hwi dhe wodhevel pols, a wra y honan agas gul perfydh, fastya, krevhe ha selya.

Lyther Yud 1:24

Lemmyn dhe neb a yll agas gwitha rag koedha ha'gas gorra heb namm a-rag y wolewder gans heudhder,

Diskwedhyans 1:7

Awotta, ev a dheu gans an kommol; ha pub lagas a wra y weles, ha'n re ynwedh a'n gwanas; hag oll kenedhlow an norvys a wra kyni warnodho. Ya, Amen.

Diskwedhyans 1:9

My Yowann, agas broder, ha'gas kevrenner yn anken hag y'n wlaskor, hag yn perthyans yn Yesu, esa y'n ynys gelwys Patmos, rag ger Duw ha dustuni Yesu.