1 Peder 4:10 - An Bibel Kernewek 20234 (Kernewek Kemmyn)

¹⁰ Dell dhegemmeras pubonan ahanowgh ro, gwrewgh devnydh anodho an eyl rag y gila kepar ha rennysi dha a'n gras divers a Dhuw.

1 Peder 4:10 Iomraidhean Croise

Matthew 20:28

kepar dell na dheuth Mab an den dhe vos servys mes dhe servya, ha dhe ri y vewnans avel daspren rag lies.’

Matthew 24:14

Ha'n aweyl ma a'n wlaskor a vydh pregewthys yn oll an bys yn dustuni dhe oll an kenedhlow, hag ena y teu an diwedh.

Matthew 24:21

Rag y'n prys na y fydh anken tynn, a'n par na hwarva a-dhia dhalleth an norvys bys y'n jydh hedhyw, na nevra ny vydh.

Matthew 24:45

‘Piw ytho yw an kethwas lel ha fur may ros an mester dhodho charj a'y deylu rag ri dhedha aga boes yn prys ewn?

Matthew 25:17

Yn kettella y hwrug gwas an dhew dalent prow a dhew moy.

Matthew 25:44

Ena y hwra i ynwedh gorthybi ow leverel, “Arloedh, p'eur y'th welsyn ow kodhevel nown po syghes; po estren po noeth po klav po prisonys ha ni heb dha servya?”

Mark 10:45

rag Mab an den ny dheuth may halla bos servys, mes rag servya, ha dhe ri y vewnans yn daspren rag lies.’

Luk 12:42

Ha'n Arloedh a worthybis, ‘Piw ytho yw an rennyas lel ha doeth neb a re an mester dhodho charj a'y servysi dhe ri dhedha aga ewnrannow y'n seson ewn?

Luk 19:13

Ev a elwis deg a'y gethwesyon ha ri dhedha deg mina ha leverel dhedha, “Kenwerthewgh gansa bys pan dhov.”

Luk 8:3

ha Yoanna gwreg Kusa, rennyas Herod, ha Susanna, ha lies arall, neb a venystra dhedha yn-mes a'ga fythow.

Romanyon 15:25

Mes lemmyn my a dhe Yerusalem ow menystra dhe'n syns.

Romanyon 15:27

Rag da o gansa ha kendonoryon dhedha yns, rag mar kevrenna an kenedhlow gansa yn aga thaklow spyrysel, y tegoedh dhedha ynwedh yn taklow a'n kig menystra dhedha.

1 Korinthianys 15:10

mes dre ras Duw yth ov vy an pyth hag yth ov, ha nyns o euver y ras orthiv. Yn kontrari, my a lavuryas yn kreffa agessa oll, kyn nag o my, mes gras Duw usi genev.

1 Korinthianys 3:10

Herwydh gras Duw res dhymm, avel pennser sleygh my a worras sel, hag yma nebonan arall ow trehevel warnedhi. Mes y koedh dhe gettep onan bos war fatell dhrehav ev warnedhi,

1 Korinthianys 4:7

Rag piw a wel dha vos arbennik? Ha pandra a'th eus na dhegemmersys? Ha mara'n degemmersys, prag y fostydh, kepar ha pan na dhegemmersys?

2 Korinthianys 6:1

Ha ni ow kesoberi, ni a'gas pys ma na dhegemmerrowgh gras Duw yn euver;

2 Korinthianys 9:1

Nyns eus dhymm edhomm a skrifa a-dro dhe'n menystrans dhe'n syns,

Efesianys 3:8

Dhymmo vy, yw le ages an lyha a'n syns oll, y feu res an ras ma dhe bregoth dhe'n Jentilys an rychys a Grist yw dres hwithra,

Efesianys 4:11

Hag ev a ros re dhe vos abesteli, re profoesi, re aweylers, re bugeledh ha dyskadoryon,

2 Timothi 1:18

Re wrontyo an Arloedh dhodho may kaffo tregeredh dhiworth an Arloedh y'n jydh na. Ty a woer yn ta an gonis a wrug yn Efesus.

Titus 1:7

Rag y koedh dhe'n epskop bos divlam, avel rennyas Duw, heb gorthter, na sorr skav, nag yw omres dhe win, nag yw striver na kraf,

Ebrowyon 6:10

Rag nyns yw Duw kammhynsek owth ankevi agas ober ha'n gerensa a dhiskwedhsowgh a'y wovis ev ow servya an syns, ha dell wrewgh hwath lemmyn.

1 Peder 5:10

Lemmyn, Duw pub ras, neb a'gas gelwis dh'y splannder heb diwedh yn Krist Yesu, wosa hwi dhe wodhevel pols, a wra y honan agas gul perfydh, fastya, krevhe ha selya.

1 Peder 5:12

Dre Silvanus, broder lel, my a dyb, re skrifis vy dhywgh war nebes lavarow, ow keski ha dustunia bos hemma gwir ras Duw; sevewgh fyrv ynno.