1 Peder 3:4 - An Bibel Kernewek 20234 (Kernewek Kemmyn)

⁴ mes bedhes gnas kudhys an golonn, gans afinans na yll pedri a spyrys kosel ha klor, yw meur y bris a-dherag Duw.

1 Peder 3:4 Iomraidhean Croise

Salmow 131:2

Mes my re goselhas ha spavennhe ow enev, avel flogh didhenys orth bronn y vamm; devri kepar ha flogh didhenys yw ow enev.

Salmow 147:6

An Arloedh a skoedh an re hwar, hag a iselha an debeles dhe'n leur.

Salmow 149:4

Rag an Arloedh a gemmer plesour yn y bobel; ev a afin an re hwar gans selwyans.

Salmow 25:9

Ev a hembronk an re uvel yn gwirvreus, hag ev a dhysk y fordh dhe'n voghosogyon.

Salmow 45:13

Myrgh an Myghtern yw leun a splannder a-berth y'n palys; hy gwisk yw oberys gans owr.

Salmow 51:6

Otta, hwansek osta dhe wirder y'n rannow a-bervedh, hag yn-dann gel ty a dhysk dhymm furneth.

Ysay 11:4

mes ev a vreus an edhommogyon gans ewnder, hag ervira gans ewnder rag boghosogyon an norvys. Ev a wysk an norvys gans gwelenn y anow, ha gans spyrys y dhiwweus ev a ladh an tebelwas.

Ysay 29:19

Arta an re uvel a's tevydh lowena y'n Arloedh, ha'n voghosogyon a lowenha yn Sans Ysrael.

Ysay 57:15

Rag yndellma y lever an ughel hag eksaltys neb a drig trank heb worfenn, ha sans yw y hanow: Trigys esov yn tyller ughel ha sans, hag ynwedh gans an den yw keudhesik hag isel y spyrys, dhe wul dhe spyrys an re uvel dasvewa ha dhe wul dhe golonn a'n re brewys dasvewa.

Ysay 61:1

Yma Spyrys an Arloedh Duw warnav, drefenn an Arloedh dhe'm untya dhe dhri nowodhow da dhe'n re uvel. Ev re'm dannvonas dhe lystenna an re trogh aga holonn, dhe dhisklerya livreson dhe gethyon, ha delivrans dhiworth tewlder rag prisnoryon;

Yeremia 51:59

An ger a worhemmynnis Yeremia an profoes dhe Seraya mab Neria mab Mahseya, pan eth dhe Babylon gans Sedekia myghtern Yuda, yn peswora blydhen y reyn. Seraya o an erberjour.

Matthew 11:29

Kemmerewgh ow yew warnowgh ha dyskewgh genev, rag klor yth ov hag uvel ow holonn, ha hwi a gyv powes dh'agas enev.

Matthew 21:5

‘Lavar dhe vyrgh Sion, Awotta dha vyghtern a dheu dhiso klor hag esedhys war asen ha war ebel, mab asen.’

Matthew 23:26

Ty Farise dall, kyns oll glanha tu a-bervedh an hanaf may fo glan an tu a-ves anodho.

Matthew 5:5

‘Gwynn aga bys an re yw klor, rag i a erit an norvys.

Luk 11:40

Hwi fellyon, a ny wrug gwrier an tu a-ves gul an tu a-ji ynwedh?

Luk 16:15

Hag ev a leveris dhedha, ‘Hwi yw an re a justifi aga honan a-wel tus, mes Duw a aswonn agas kolonn; rag an dra eksaltys yn mysk tus yw pyth kasadow a-wel Duw.

Romanyon 1:23

ha treylya golewder Duw na verow yn hevelep imaj densys a beder hag ydhyn hag enyvales peswar-troesek ha pryves.

Romanyon 2:29

Mes ev yw gwir Yedhow neb yw onan war-ji, ha trodreghyans yw a'n golonn, yn spyrys heb bos yn lytherenn, ma nag yw y wormola dhiworth tus mes dhiworth Duw.

Romanyon 6:6

Ni a woer y feu agan den koth krowsys ganso rag may fe an korf a begh distruys, ha rag na serfyn pegh na fella.

Romanyon 7:22

Rag y lowenhav yn lagha Duw y'm kowses usi ynnov ow honan,

2 Korinthianys 10:1

My ow honan, Powl, a'gas pys dre glorder ha jentilys Krist, my neb yw uvel pan esov fas orth fas yn agas mysk mes hardh dhywgh pan esov dhe-ves ahanowgh:

2 Korinthianys 4:16

Rakhenna ny dheun ha bos digolonnek; kyn hwannha agan gnas usi a-ves, hwath yma agan gnas usi a-ji nowydhhes pub dydh oll.

Galatianys 5:23

jentylys, omrewl; nyns eus lagha vyth erbynn traow a'n par na.

Efesianys 4:2

gans pub uvelder ha klorder gans perthyans, ow kodhav an eyl y gila yn kerensa,

Kolossianys 3:12

Ytho, avel tus dhewisys gans Duw, sans ha karadow, gwiskewgh truedh, kuvder, uvelder, klorder, perthyans,

Kolossianys 3:3

Rag hwi re verwis, ha'gas bewnans yw kudhys gans Krist yn Duw.

1 Thessalonianys 4:11

ha strivya yn freth dhe vos kosel, ha gul agas taklow hwi, hag oberi gans agas diwla hwi, kepar dell worhemmynnsyn dhywgh,

2 Thessalonianys 3:12

Ni a ergh dhe dus a'n par na ha'ga heski yn hanow an Arloedh Yesu Krist mayth oberrons yn kosel ha dybri aga bara aga honan.

1 Timothi 2:2

rag myghternedh ha tus oll ughel aga roweth, may hwryllyn ledya bewnans kosel ha hebask, yn pub revrons hag onester.

2 Timothi 2:25

yn klorder ow tyski an re a sev er y bynn. Y hyll bos, Duw dhe ri edrek dhedha rag godhvos an gwir,

Titus 3:2

heb leverel drog a dhenvyth, heb kedrynna, klor, hag ow tiskwedhes pub uvelder dhe dus oll.

Jamys 1:21

Ytho, gorrewgh dhe-ves pub plosedhes ha drog dres eghenn, ha degemmerewgh yn uvel an ger plynsys ynnowgh, a yll selwel agas enev.

1 Peder 1:23

Ny vewgh hwi dastineythys dre has a yll pedri, mes dre has na yll pedri dre er Duw, ow pewa hag ow pesya.

1 Peder 3:15

mes sanshewgh an Arloedh Krist yn agas kolonn. Bedhewgh parys pup-prys dhe wul defens dhe bub den a wovynn orthowgh a-dro dhe'n govenek usi ynnowgh,

1 Samuel 16:7

Mes yn-medh an Arloedh dhe Samuel, ‘Na vir war naneyl y semlans na hirder y gorf, drefenn my dh'y skonya; rag ny wra an Arloedh gweles kepar dell wel mab-den; rag mab-den a vir war an semlans, mes an Arloedh a vir war an golonn.’