1 Peder 3:3 - An Bibel Kernewek 20234 (Kernewek Kemmyn)

³ Na vedhes agas afinans war-tu a-ves, ow pletha an vlew na gorra tegennow owr a-dro dhywgh na gwiska dillas splann,

1 Peder 3:3 Iomraidhean Croise

Jenesis 24:22

Wosa an kowrvergh dhe worfenna eva, an gour a gemmeras bysow owrek, hanter shekel hy foes, ha dew vreghellik rag hy diwla, deg shekel owr aga foes,

Jenesis 24:47

Ena my a wovynnas orti, “Piw osta myrgh dhodho?” Hi a leveris, “Myrgh Bethuel, mab Nahor a dhineythis Milka dhodho.” Ytho my a worras an bysow war hy dewfrik ha'n breghelligow war hy diwla.

Jenesis 24:53

Ena an servont a gemmeras yn-mes lestri arghans ha lestri owr ha dillas, ha'ga ri dhe Rebeka, ha rohow drudh a ros ev dh'y broder ha'y mamm.

2 Myghternedh 9:30

Pan dheuth Yehu dhe Yezreel, Yezebel a glewas anodho, ha hi a liwas hy dewlagas gans antimoni, afina hy fenn ha mires yn-mes a fenester.

Ester 5:1

Lemmyn y'n tressa dydh, Ester a wiskas hy dillas ryel; ha sevel a wrug y'n klos pervedhel a balys an myghtern a-dal hel an myghtern. Yth esa an myghtern esedhys war y se ryel y'n hel ryel a-dal porth an palys.

Salmow 45:9

Yma myrghes myghternedh yn mysk dha wragedh bryntin; orth dha leuv dhyghow y sev an vyghternes gwiskys yn owr a Ofir.

Eksodus 3:22

mes pub benyn a wra govynn a'y hentrevoges, hag anedhi hi a wodrik yn hy chi, tegennweyth a arghans hag owr, ha dillas, ha hwi a'gas gorr war agas mebyon ha war agas myrghes; yndellma hwi a byll an Ejyptianys.’

Eksodus 32:2

Hag Aron a leveris dhedha, ‘Tennewgh dhe-ves an bysowyer owr usi yn skovornow agas gwragedh, agas mebyon ha'gas myrghes, ha'ga dri dhymm.’

Eksodus 33:4

Pan glewas an bobel an yeyn nowodhow ma, i a gynis; ha ny wiskas denvyth y degynnow.

Eksodus 35:22

Yndellma y teuthons, ha gwer ha benynes; oll a golonn volonjedhek a dhros brochys ha bysowyer ha bysowyer-sel ha tergh, pub eghenn a daklow owrek, peub owth offrynna offrynn a owr dhe'n Arloedh.

Eksodus 38:8

Hag ev a wrug an wolghell a vrons ha'y sel a vrons, dhiworth gwedrow an benynes a venystra orth daras tylda an kuntelles.

Ysay 52:1

Difun, difun, gwisk dha nerth, A Sion! Gwisk dha dhillas teg, A Yerusalem, an sita sans; rag ny enter ynnos na fella den antrodreghys nag avlan.

Ysay 61:10

My a lowenha yn feur y'n Arloedh, ow enev a vydh heudhik y'm Duw, drefenn ev dhe'm kwetha gans dillas a selwyans ha'm kudha yn goen ewnder, kepar dell wra gour pries a omwisk yn tulyfant oferyas, ha kepar dell wra benyn bries hy omafina gans hy gemmweyth.

Yeremia 2:32

A yll maghteth ankevi hy thegennow, po benyn bries hy gwisk? Mes ow fobel re'm ankovas, dydhyow heb niver.

Yeremia 4:30

Ha ty, gwastys, pandr'a wredh, owth omwiska yn kogh, owth omdakla gans tegennow owrek, ow liwa dha dhewlagas gans antimoni, yn euver yth omwredh teg; dha garoryon a'th tispres, i a hwila dha vewnans.

Ezekiel 23:40

Ynwedh i a dhannvonas war-lergh gwer devedhys a bellder, may feu kannas dannvenys dhedha; ha pan dheuthons, ty a omvadhyas, ha payntya dha dhewlagas, ha gwiska gemmweyth.

Romanyon 12:2

ha na vedhewgh keskonformys orth an oes ma, mes bedhewgh dasformys dre nowydhheans an brys, rag may preffowgh pandra yw bodh Duw, hag yw da ha plegadow ha perfydh.

1 Peder 3:2

hag i ow kweles agas bewedh glan hag ownek.