1 Peder 2:9 - An Bibel Kernewek 20234 (Kernewek Kemmyn)

⁹ Mes hwi yw agh dhewisys, oferyaseth ryel, kenedhel sans, pobel arbennik dhodho, may hyllowgh deklarya an gwriansow marthys a neb a'gas gelwys yn-mes a dewlder a-bervedh yn y wolow marthys.

1 Peder 2:9 Iomraidhean Croise

Salmow 106:5

rag may hwelliv sewenyans an re dewisys genes, ha lowenhe yn heudhder dha genedhel, ha bostya gans dha ertach.

Salmow 118:27

Duw yw an Arloedh, neb re ros golow dhyn. Pareusewgh an solempnita gans skorrennow, hag yskynnewgh dhe gern an alter.

Salmow 135:4

Rag an Arloedh re dhewisas Yakob dhodho y honan, hag Ysrael avel y berghennogeth arbennik y honan.

Salmow 22:30

Linyeth a'n serv; tus a re derivas a'n Arloedh dhe'n henedh a dheu.

Salmow 33:12

Gwynnvys an genedhel hag yw an Arloedh hy Duw, an bobel dewisys ganso dhe vos y ertach y honan.

Salmow 73:15

Mar lavarren, ‘Yn kettella y kowsav vy’, my a draytas henedh dha fleghes.

Ysay 26:2

Igerewgh an yetys rag mayth entro dredha an genedhel wiryon, a with lelder.

Ysay 41:8

Mes ty, Ysrael, ow gwas, Yakob, neb re dhewisis, askorr Abraham, ow howeth;

Ysay 42:16

My a hembronk dellyon yn fordh na aswonnons; yn hynsyow na aswonnons y's gidyav. My a dreyl an tewlder a-ragdha dhe wolewder, an tylleryow garow dhe dir leven. An re ma yw an taklow a wrav, ha ny's forsakyav.

Ysay 44:1

Mes klew lemmyn, A Yakob, ow gwas, hag Ysrael neb re dhewisis!

Ysay 61:6

Hwi a vydh gelwys oferysi an Arloedh, ha hwi a vydh henwys menystrys agan Duw. Hwi a dheber rychys an kenedhlow, ha bostya yn aga glori.

Ysay 62:12

I a vydh gelwys, ‘An bobel sans, An re dasprenys gans an Arloedh’; ha ty a vydh gelwys Hwilys, Sita Nag yw Forsakys.

Ysay 66:21

Ynwedh re anedha my a gemmer dhe vos oferysi ha Levysi, yn-medh an Arloedh.

Ysay 9:2

An bobel a gerdhi yn tewlder re welas golow meur; an re trigys yn tir skeus ankow – golow re splannas warnedha.

Malaki 3:17

I a vydh dhymmo vy, yn-medh Arloedh an luyow, ow thresor arbennik y'n jydh may hwrav vy oberi. My a gemmer truedh anedha par dell gemmer den truedh a'y vab neb a'n serv.

Matthew 4:16

an bobel esedhys yn tewolgow re welas golow bras, ha war an re esedhys yn tir ha skeus ankow yma golow drehevys yn-bann.’

Matthew 5:16

Yndella re derlentro agas golow a-rag tus may hwellons agas oberow da ha gordhya agas Tas eus y'n nevow.

Luk 1:79

dhe ri golow dhe'n re esedhys yn tewlder hag yn skeus ankow, ha dhe hembronk agan treys yn fordhow kres.’

Yowann 17:19

Hag a-barth dhedha i omsakra a wrav ow honan, rag may fons i ynwedh sakrys y'n gwirder.

Oberow 20:28

Kemmerewgh with a'gas honan hag a'n para oll ma'gas gorras an Spyrys Sans avel gorwoelysi rag bugelya eglos Duw, a waynyas der y woes y honan.

Oberow 26:18

rag igeri aga dewlagas, may treyllyons dhiworth tewlder dhe wolow, ha dhiworth awtorita Satnas dhe Dhuw, may tegemmerrons gevyans a beghosow, ha kevrenn yn mysk an re sanshes dre fydh ynnov vy.”

Oberow 26:28

Hag yn-medh Agrippa dhe Powl. ‘Hwath spys berr, ty a wra ow dynya dhe vos ha bos Kristyon.’

Romanyon 9:24

bys dhyn ni neb re elwis, na veu unnsel a'n Yedhewon, mes ynwedh a'n kenedhlow?

1 Korinthianys 3:17

Mar tistru nebonan tempel Duw, Duw a dhistru an den na; rag sans yw tempel Duw, ha'n tempel na yth owgh hwi.

Efesianys 1:14

neb yw ragdal agan eretons bys pan vo dasprenys an perghennogeth, dhe wormel y splannder.

Efesianys 1:6

dhe wormel splannder y ras a wrontyas dhyn y'n Karadow;

Efesianys 3:21

dhodho ev re bo gordhyans y'n eglos hag yn Krist Yesu dres oll henedhow, trank heb worfenn. Amen.

Dewteronomi 10:15

Saw unnsel war dha dasow an Arloedh a settyas y gerensa, dh'aga hara, hag ev a dhewisas aga has war aga lergh, hwi a-ugh oll an poblow, kepar hag y'n jydh hedhyw.

Dewteronomi 14:2

Rag pobel sans os dhe'n Arloedh dha Dhuw, ha'n Arloedh re'th tewisas dhe vos dhodho pobel arbennik dhodho y honan yn-mes a'n poblow oll usi war enep an norvys.

Dewteronomi 18:2

Ny'n jevydh eretons yn mysk y vreder; an Arloedh yw y eretons, kepar dell leveris dhodho.

Dewteronomi 4:20

An Arloedh a'gas kemmeras ha'gas dros yn-mes a'n fornes-horn, yn-mes a Ejyp, dhe vos dhodho pobel y eretons, kepar hag y'n jydh hedhyw.

Dewteronomi 7:6

Rag ty yw pobel sans dhe'n Arloedh dha Dhuw. An Arloedh dha Dhuw re'th tewisas dhe vos dhodho pobel arbennik dhodho y honan, yn-mes a oll an poblow war enep an norvys.

Filippianys 3:14

my a striv troha'n peul-diwedh rag gober an galow yn-bann a Dhuw yn Krist Yesu.

Kolossianys 1:13

Ev a wrug agan delivra yn-mes a alloes an tewlder ha'gan gorra yn gwlaskor y Vab karadow,

2 Timothi 1:9

a wrug agan selwel ha gelwel gans galow sans, a-der herwydh agan gwriansow agan honan, mes war-lergh y dowl ha'y ras ev a veu res dhyn yn Krist Yesu kyns termyn heb worfenn,

Titus 2:14

neb a omros ragon ni may hwrella agan dasprena dhiworth pub ober dilagha ha glanhe ragdho pobel dh'y berghennogeth y honan, diwysyk yn gwriansow da.

1 Peder 1:2

dewisys war-lergh ragwodhvos Duw an T as, yn sansheans an Spyrys, dhe wostytter ha skoellyans goes Yesu Krist: Gras ha kres re bo palshes dhywgh hwi.

1 Peder 2:5

Ha hwi ynwedh, kepar ha meyn bew, omdhrehevewgh hwi dhe vos chi spyrysel, oferyaseth sans, dhe offrynna sakrifisow spyrysel kemmeradow dhe Dhuw dre Yesu Krist.

1 Peder 4:11

Den mar kews, kewses ev lavarow Duw; den mar konis, gonedhes gans nerth yw res gans Duw, may fo Duw gordhys yn pup-tra dre Yesu Krist, dhe neb re bo gordhyans ha nerth, trank heb worfenn. Amen.

Diskwedhyans 1:6

ha'gan gul gwlaskor, oferysi dhe Dhuw y Das; dhodho ev re bo gordhyans ha galloes trank heb worfenn. Amen.

Diskwedhyans 20:6

Gwynnvys ha sans yw neb a'n jeves rann y'n kynsa dasserghyans: an nessa mernans ny'n jeves galloes vydh warnedha, mes i a vydh oferysi Duw ha Krist, hag a wra reynya mil vlydhen ganso.

Diskwedhyans 5:10

ha ty a's gwrug gwlaskor hag oferysi dh'agan Duw, hag i a wra reynya war an norvys.’

1 Samuel 12:22

Rag ny wra an Arloedh forsakya y bobel, a-barth y hanow meur, drefenn bos plegadow dhe'n Arloedh agas gwruthyl y bobel.