1 Peder 2:2 - An Bibel Kernewek 20234 (Kernewek Kemmyn)

² Kepar ha fleghes nowydh genys, hwansewgh leth spyrysel pur may teffowgh dhe selwyans dredho,

1 Peder 2:2 Iomraidhean Croise

2 Samuel 23:5

A nyns yw ow chi yndella gans Duw? Rag ev a wrug genev kevambos bys vykken, ordenys yn pup-tra ha sur. A ny wra ev gul dhe skylla oll ow selwyans, ha'm desir?

Job 17:9

An den gwiryon a bes war y fordh, ha'n den glan y dhiwleuv yw krevhes moy ha moy.

Lavarow Koth 4:18

Mes hyns an re wiryon yw haval dhe wolow dydh-tardh, hag a splann dhe splanna ha dhe splanna bys yn hanter-dydh.

Hosea 14:5

My a vydh avel an gluth dhe Ysrael; ev a wra bleujyowa avel an lili, ha dannvon y wreydh yn-nans kepar ha kederwydh Lebanon.

Hosea 14:7

Arta y trigons yn y skeus. I a wra ys dhe devi. I a wra bleujyowa avel an gwinbrenn; y vri a vydh avel gwin Lebanon.

Hosea 6:3

Ytho re aswonnyn ni, re hwillyn dhe aswonn an Arloedh. Y dhevedhyans yw mar sur avel an bora; ev a dheu dhyn avel an glaw, avel an glaw diwedhes a dhowrha an tir.

Malaki 4:2

An howl a ewnder a wra drehevel gans yeghes yn y eskelli ragowgh hwi neb a berth own a'm hanow. Ha hwi a wra mos yn-mes ha terlemmel avel leughi peskys livrys a'n stall.

Matthew 18:3

hag yn-medh ev, ‘Yn hwir y lavarav dhywgh, marnas hwi a dreyl, ha dos ha bos avel fleghes, nyns ewgh kammenn vyth a-bervedh yn gwlaskor nev.

Matthew 19:14

Mes Yesu a leveris, ‘Gesewgh an fleghesigow dhe dhos dhymmo ha na wrewgh aga lettya, rag dhe re a'n par ma yw gwlaskor nev.’

Mark 10:15

Yn hwir y lavarav dhywgh, piwpynag na dhegemmerro gwlaskor Duw avel fleghik, ev ny enter dhedhi mann.’

Luk 18:17

Yn hwir y lavarav dhywgh, piwpynag na dhegemmerro gwlaskor Duw avel fleghik, ev ny enter dhedhi mann.’

Romanyon 6:4

Ytho ynkleudhys ganso yth en dre vesydhya yn mernans, rag may hyllyn kerdhes ganso yn nowydhses a vewnans, par dell veu Krist drehevys a'n re varow dre wolewder an Tas.

1 Korinthianys 14:20

Breder, na vedhewgh fleghes yn agas tybyans, mes bedhewgh babanes yn droktra, hag yn tybyans bedhewgh adhves.

Efesianys 2:21

Ynno ev oll an drehevyans junys war-barth, a dyv dhe vos tempel sans y'n Arloedh;

Efesianys 4:15

Mes ow kewsel an gwir yn kerensa, res yw dhyn tevi ynno ev yn pup-tra, neb yw an penn, Krist,

2 Thessalonianys 1:3

Y koedh dhyn grassa dhe Dhuw pup-prys yn agas kever, a vreder, dell yw gwiw, rag agas fydh a wra tevi yn fras ha'gas kerensa pubonan dh'y gila a wra palshe,

1 Peder 1:23

Ny vewgh hwi dastineythys dre has a yll pedri, mes dre has na yll pedri dre er Duw, ow pewa hag ow pesya.

2 Peder 3:18

Mes tevewgh yn gras ha godhvos agan Arloedh ha Selwyas Yesu Krist. Dhodho ev re bo gordhyans hag y'n eur ma, ha bys y'n jydh heb worfenn. Amen.