1 Peder 1:8 - An Bibel Kernewek 20234 (Kernewek Kemmyn)

⁸ neb a gerowgh heb y weles, ha heb y weles hwath mes ow krysi ynno, hwi a lowenha ynno gans joy dres lavar ha gloryus,

1 Peder 1:8 Iomraidhean Croise

An Gan a Ganow 1:7

Deriv dhymm, ty garadow ow enev, ple hwre'ta peski an deves, ple hwre'ta gul dhedha growedha y'n hanter-dydh, rag prag yth ov vy avel benyn kudhys gans vayl, ryb greow dha gowetha?

An Gan a Ganow 5:16

Y anow yw a'n hwekka, hag ev yw plegadow yn tien. Hemm yw ow haradow ha hemm yw ow har, A vyrghes Yerusalem.

An Gan a Ganow 5:9

Pyth yw dha garadow moy es neb karadow arall, ty dekka yn mysk benynes? Pyth yw dha garadow moy es neb karadow arall, may hwre'ta agan konjorya yndella?

Matthew 10:37

Neb a gar tas po mamm moy agesov vy nyns yw gwiw dhymm, ha neb a gar mab po myrgh moy agesov vy nyns yw gwiw dhymm;

Yowann 14:15

‘Mara'm kerowgh, hwi a with ow gorhemmynnow.

Yowann 14:21

Neb a'n jeves ow gorhemmynnow ha'ga gwitha, ev yw neb a'm kar; ha neb a'm kar a vydh kerys gans ow Thas, ha my a'n karvydh, ha diskwedhes ow honan dhodho.’

Yowann 14:24

Ev neb na'm kar ny with ow geryow; ha'n ger a glewowgh nyns yw ahanav vy, mes a'n Tas neb a'm dannvonas.

Yowann 16:22

Hag ytho, hwi a'gas beus tristyns lemmyn; mes my a'gas gwel arta, ha'gas kolonn a lowenha, ha'gas lowena ny wra denvyth hy hemmeres dhiworthowgh.

Yowann 20:29

Yn-medh Yesu dhodho, ‘Rag ty dhe'm gweles ty re gryssys; gwynnvys kemmys na'm gwelas, mes i a grys.’

Yowann 8:42

Yn-medh Yesu dhedha, ‘Mar pe Duw agas Tas, hwi a wrussa ow hara; rag my a dheuth dhiworth Duw, hag omma yth esov. Nyns ov vy devedhys ahanav ow honan, mes ev a'm dannvonas.

Oberow 16:34

Ev a's dros yn-bann dh'y ji ha gorra boes a-dheragdha, hag ev hag oll y vayni a lowenhas y tothya ev ha bos kryjyk yn Duw.

Romanyon 14:17

Rag nyns yw gwlaskor Duw dybri nag eva mes ewnder ha kres ha lowender y'n Spyrys Sans;

Romanyon 15:13

Re'gas lanwo an Duw a wovenek a bub lowender hag a gres yn krysi, rag may palshahowgh yn govenek dre alloes an Spyrys Sans.

1 Korinthianys 16:22

Neb na gar an Arloedh, bedhes milliges. Re dheffo agan Arloedh!

2 Korinthianys 1:22

neb re'gan selyas ha ri dhyn mewgh an Spyrys yn agan kolonnow.

2 Korinthianys 12:4

dhe vos kemmerys yn-bann yn paradhis, ha klewes lavarow na yll denvyth aga leverel.

2 Korinthianys 4:18

drefenn na wren ni vri a'n pyth yw gwelys, mes a'n pyth nag yw gwelys; rag an pyth yw gwelys ny dhur mann, mes an pyth nag yw gwelys a dhur bynitha.

2 Korinthianys 5:7

rag ni a gerdh dre fydh, a-der dre wolok.

2 Korinthianys 9:15

Grasow re bo dhe Dhuw a'y ro na yllir y dheskrifa.

Galatianys 5:22

Mes frut an Spyrys yw kerensa, lowena, kres, perthyans, kuvder, dader, lenduri,

Galatianys 5:6

Rag yn Krist Yesu ny wrer fors a drodreghyans nag a antrodreghyans, mes a fydh owth oberi dre gerensa.

Efesianys 3:19

ha dhe aswonn kerensa Krist a dremen dres aswonnvos, may fewgh lenwys a oll leunder Duw.

Efesianys 6:24

Re bo gras gans pubonan a gar agan Arloedh Yesu Krist gans kerensa anvarwel.

Filippianys 1:25

Sur ov vy a-dro dhe hemma, ha my a woer my dhe wortos ha pesya genowgh rag agas avonsyans ha lowena y'n fydh,

Filippianys 3:3

Rag yth on ni an gwir drodreghyans, neb a wra gordhya dre Spyrys Duw ha bostya yn Krist Yesu, heb trestya y'n kig –

Filippianys 4:4

Lowenhewgh pup-prys y'n Arloedh; arta y lavarav, lowenhewgh.

Ebrowyon 11:1

Lemmyn fydh yw fydhyans y'n traow gwaytys, prov a daklow na welir.

Ebrowyon 11:27

Dre fydh ev a asas Ejyp, heb perthi own a sorr an myghtern; rag y parghas, kepar dell ve ow kweles neb yw diwel.

1 Peder 1:6

Hag ynno hwi a lowenha, kyn fo res tristhe berr dermyn yn prevyansow pals,

1 Peder 2:7

Ytho an enor ma yw dhywgh hwi neb a grys; mes dhe'n re na grys, ‘An men a skonyas an weythoryon res eth ha bos penn an korn’,

1 Peder 5:4

ha pan omdhiskwa an penn-bugel, hwi a wra degemmeres an gurun a splannder na wedher.