1 Peder 1:3 - An Bibel Kernewek 20234 (Kernewek Kemmyn)

³ Benniges re bo Duw ha Tas agan Arloedh Yesu Krist, neb a'gan dastineythis, war-lergh y dregeredh vras, dhe wovenek bew dre dhasserghyans Yesu Krist a'n re varow,

1 Peder 1:3 Iomraidhean Croise

1 Myghternedh 8:15

Ev a leveris, ‘Benniges re bo an Arloedh, Duw Ysrael, neb gans y leuv re gollenwis an pyth a ambosas a'y anow dhe'm tas Davydh, ow leverel,

1 Kroniklys 29:20

Ena Davydh a leveris dhe oll an kuntelles, ‘Bennigewgh an Arloedh agas Duw.’ Hag oll an kuntelles a wormolas an Arloedh, Duw aga thasow, hag omblegya, ow plegya dhe'n dor a-rag Arloedh ha'n myghtern.

2 Kroniklys 31:8

Pan dheuth Hezekia ha'n soedhogyon hag a welas an kalsow, i a vennigas an Arloedh ha'y bobel Ysrael.

Salmow 41:13

Benniges re bo an Arloedh, Duw Ysrael, bys vykken ha bynnari. Amen, hag Amen.

Salmow 86:15

Mes ty, A Arloedh, yw Duw truedhek ha grassyes, lent ow serri, ha meur dha dregeredh ha'th wirder.

Salmow 86:5

Rag ty, A Arloedh, yw kuv ha parys dhe ava, meur dha dregeredh orth oll an re a elow warnas.

Eksodus 34:6

An Arloedh a dremenas a-ragdho ha gelwel, ‘An Arloedh, an Arloedh, Duw truedhek ha grassyes, lent ow serri ha leun a dregeredh ha lelder,

Ysay 26:19

Dha re varow a vydh bew; aga horfow a sev. Difunewgh ha kenewgh yn lowen, annedhysi an doust; rag dha luth yw gluth a wolow, ha'n nor a dhineyth spyrysyon an re varow.

Yona 4:2

Hag ev a bysis dhe'n Arloedh ow leverel, ‘My a'th pys, A Arloedh, a nyns yw henna an keth tra a leveris vy pan esen hwath y'm pow? Rakhenna my a fias y'n dalleth dhe Tarshish; rag my a wodhva ty dhe vos Duw grassyes ha truedhek, lent ow serri, ha leun a dregeredh, ow kemmeres edrek a'n drog.

Yowann 1:13

an re na veu genys a woes, nag a vynnas kig, nag a vynnas gour, mes a Dhuw.

Romanyon 12:12

yn govenek ow lowenhe, yn galar ow tiskwedhes perthyans, ow pesya yn tiwysyk yn pysadow,

Romanyon 15:13

Re'gas lanwo an Duw a wovenek a bub lowender hag a gres yn krysi, rag may palshahowgh yn govenek dre alloes an Spyrys Sans.

Romanyon 4:25

neb a veu res dhe'n mernans drefenn agan drogoberow ha drehevys rag may fen ni kevys ewn.

Romanyon 5:10

Rag mars en unnverhes gans Duw, ha ni hwath eskerens, dre vernans y Vab, kemmys moy, wosa ni dhe vos unnverhes y fydhyn selwys gans y vewnans.

Romanyon 8:11

Mars usi trigys ynnowgh y Spyrys ev, neb a dhrehevis Yesu a vernans, ev neb a dhrehevis Yesu a vernans a re bewnans dh'agas korf marwel ynwedh der y Spyrys usi trigys ynnowgh.

Romanyon 8:24

Rag y'n govenek may feun selwys, mes govenek gwelys nyns yw govenek, rag piw a wayt an pyth a wel?

1 Korinthianys 13:13

Ytho, lemmyn y pes fydh, govenek ha kerensa, aga thri; mes an brassa a'n re ma yw kerensa.

1 Korinthianys 15:20

Mes Krist yn hwir re beu drehevys dhiworth an re varow, kynsa frut an re a goskas.

2 Korinthianys 1:3

Benniges re bo Duw ha Tas agan Arloedh Yesu Krist, Tas a druedhow ha Duw a gonfort oll,

Galatianys 6:16

Ha kemmys a gerdh war-lergh an rewl ma, re bo kres warnedha ha tregeredh, ha war Ysrael Duw.

Efesianys 1:17

may rollo an Duw a'gan Arloedh Yesu Krist, an Tas a wolewder, spyrys furneth ha diskwedhyans y'n aswonnvos anodho,

Efesianys 1:3

Benniges re bo Duw ha Tas agan Arloedh Yesu Krist, neb re'gan bennigas gans pub bennath spyrysel y'n tylleryow nevek yn Krist,

Efesianys 1:7

yn neb y'gan beus daspren der y woes, gevyans peghosow, war-lergh rychys y ras

Efesianys 2:4

Mes Duw, rych yn tregeredh, drefenn y gerensa meur ma'gan karas,

Efesianys 3:20

Lemmyn, dhe neb a yll gul dres pup-tra yn pals dres eghenn moy es dell bysyn na brederyn, war-lergh an galloes a ober ynnon ni,

Kolossianys 1:23

mar kwrewgh pesya krev y'n fydh, grondys ha fyrv, heb bos removyes dhiworth govenek an aweyl a glewsowgh, pregewthys yn oll kreasyon yn-dann nev, ha my Powl, eth ha bos menyster anedhi.

Kolossianys 1:27

dhe neb Duw a vynnas diskudha pyth yw rychys splannder an mysteri ma yn mysk an Jentilys, yw Krist ynnowgh hwi, govenek an splannder.

1 Thessalonianys 1:3

ow perthi kov a'gas ober a fydh ha'gas lavur a gerensa ha'gas perthyans a wovenek yn agan Arloedh Yesu Krist a-dherag Duw agan Tas,

1 Thessalonianys 4:13

Ny vynnyn hwi dhe vos heb godhvos, a vreder, a-dro dhe'n re a gosk, ma na vewgh grevys kepar ha'n re erell heb govenek.

2 Thessalonianys 2:16

Ha'gan Arloedh Yesu Krist y honan, ha Duw agan Tas, a wrug agan kara ha ri dhyn konfort heb worfenn ha govenek da dre ras,

1 Timothi 1:14

Ha gras agan Arloedh a wrug palshe gans fydh, ha'n kerensa usi yn Krist Yesu.

Titus 2:13

ow kortos an govenek gwynnvys ha'n omdhiskwedhyans a'n splannder a'n Duw meur ha'gan Selwador Krist Yesu,

Ebrowyon 3:6

mes Krist o len avel Mab dres chi Duw. Ha ni yw y ji mar synsyn agan fydhyans ha goeth yn agan govenek, fyrv dhe'n diwedh.

Jamys 1:18

Gans y vynnas ev, ev a'gan dineythis dre er a wiryonedh, may fen ni avel an kynsa frut a'y greaturs.

1 Peder 1:13

Ytho, grogysewgh diwglun agas brys, bedhewgh divedhow, ha settyewgh agas govenek yn tien war an gras a vydh dres dhywgh orth diskwedhyans Yesu Krist.

1 Peder 1:21

neb a grys dredho yn Duw a wrug y dhrehevel dhiworth an re varow ha ri splannder dhodho, mayth usi agas fydh ha'gas govenek yn Duw.

1 Peder 1:23

Ny vewgh hwi dastineythys dre has a yll pedri, mes dre has na yll pedri dre er Duw, ow pewa hag ow pesya.

1 Peder 2:2

Kepar ha fleghes nowydh genys, hwansewgh leth spyrysel pur may teffowgh dhe selwyans dredho,

1 Peder 3:15

mes sanshewgh an Arloedh Krist yn agas kolonn. Bedhewgh parys pup-prys dhe wul defens dhe bub den a wovynn orthowgh a-dro dhe'n govenek usi ynnowgh,

1 Peder 3:21

Hemm yw tokyn a'gan saw lemmyn, henn yw besydhyans. Nyns yw gorra dhe-ves mostedhes an kig mes gorthyp kowses da dhe Dhuw dre dhasserghyans Yesu Krist,

1 Peder 3:5

Rag yndella, seulabrys, an benynes sans, neb a's tevo govenek yn Duw, a wrug omafina, gostydh dh'aga gwer aga honan,

1 Yowann 2:29

Mar kodhowgh y vos ewn, y hwodhowgh pubonan a wra ewnder dhe vos dineythys anodho.

1 Yowann 3:3

Ha pub den a'n jeves an govenek ma ynno a omlanha, poran dell yw ev glan.

1 Yowann 3:9

Neb yw dineythys a Dhuw, ny begh ev; rag y has a bes ynno: ha ny yll ev pegha, drefenn y vos dineythys a Dhuw.

1 Yowann 4:7

Hwi garadowyon, keryn an eyl y gila: rag yma kerensa a Dhuw; ha pubonan a gar yw genys a Dhuw, hag a aswonn Duw.

1 Yowann 5:1

Pub huni a grys Yesu dhe vos an Krist yw genys a Dhuw; ha pub huni a gar dineythor a gar ynwedh an flogh dineythys ganso.

1 Yowann 5:18

Ni a woer na begh piwpynag a vo genys a Dhuw, mes Neb a veu genys a Dhuw a'n gwith, ha na'n toch an tebel el.

1 Yowann 5:4

Rag piwpynag a vo genys a Dhuw a feth an bys. Ha hemm yw an budhogoleth a fethas an bys: agan fydh.