1 Peder 1:23 - An Bibel Kernewek 20234 (Kernewek Kemmyn)

²³ Ny vewgh hwi dastineythys dre has a yll pedri, mes dre has na yll pedri dre er Duw, ow pewa hag ow pesya.

1 Peder 1:23 Iomraidhean Croise

Yeremia 23:28

An profoes neb a'n jeves hunros, gas dhodho derivas an hunros, ha neb a'n jeves ow ger, gas ev dhe gewsel ow ger yn lel. Pyth yw an kulyn dhe'n gwaneth? yn-medh an Arloedh.

Levitikus 11:37

Ha mar koedh rann a'ga horfow war has dhe vos hesys, glan yw;

Malaki 2:3

Awotta my a wra keredhi an has a'gas govis; my a wra lesa kawgh war agas fasow, kawgh agas dy'goelyow, ha hwi a vydh kemmerys dhe-ves ganso.

Matthew 24:35

Nev ha nor a dremen dhe-ves, mes ow geryow vy, ny dremenons dhe-ves.

Luk 8:11

‘Hemm yw an barabolenn: an has yw ger Duw.

Yowann 1:13

an re na veu genys a woes, nag a vynnas kig, nag a vynnas gour, mes a Dhuw.

Yowann 1:3

Pup-tra a veu gwrys ganso, ha hebdho ny veu gwrys travyth a veu gwrys.

Yowann 3:3

Yesu a worthybis ha leverel dhodho, ‘Yn hwir, yn hwir y lavarav dhis, marnas den a vo genys arta, ny yll gweles gwlaskor Duw.’

Yowann 3:5

Yesu a worthybis, ‘Yn hwir, yn hwir y lavarav dhis, marnas den a vo genys a dhowr hag a Spyrys, ny yll ev entra yn gwlaskor Duw.

Yowann 6:63

An Spyrys yth yw neb a re vewnans; nyns eus prow vyth y'n kig. An geryow a gowsav dhywgh, yth yns i spyrys, ha bewnans.

Romanyon 1:23

ha treylya golewder Duw na verow yn hevelep imaj densys a beder hag ydhyn hag enyvales peswar-troesek ha pryves.

Ebrowyon 4:12

Rag ger Duw yw effeythus ha lymma ages pub kledha dewvinyek, ow kwana erna ranno enev ha spyrys, mellow ha mer, hag a yll breusi tybyansow ha mynnas an golonn.

Jamys 1:18

Gans y vynnas ev, ev a'gan dineythis dre er a wiryonedh, may fen ni avel an kynsa frut a'y greaturs.

1 Peder 1:25

mes lavar an Arloedh a dhur bys vykken.’ Ha hemm yw an lavar a veu pregewthys dhywgh hwi y'n aweyl.

1 Peder 1:3

Benniges re bo Duw ha Tas agan Arloedh Yesu Krist, neb a'gan dastineythis, war-lergh y dregeredh vras, dhe wovenek bew dre dhasserghyans Yesu Krist a'n re varow,

1 Yowann 3:9

Neb yw dineythys a Dhuw, ny begh ev; rag y has a bes ynno: ha ny yll ev pegha, drefenn y vos dineythys a Dhuw.

1 Yowann 5:18

Ni a woer na begh piwpynag a vo genys a Dhuw, mes Neb a veu genys a Dhuw a'n gwith, ha na'n toch an tebel el.