1 Peder 1:12 - An Bibel Kernewek 20234 (Kernewek Kemmyn)

¹² Diskwedhys veu dhedha nag esons i ow konis aga honan, mes yth esons orth agas gonis hwi y'n taklow re beu derivys dhywgh gans an re a bregowthas an nowodhow da dhywgh der an Spyrys Sans, dannvenys dhiworth nev, taklow ha hwans yma dhe eledh mires warnedha.

1 Peder 1:12 Iomraidhean Croise

Eksodus 25:20

An jerubim a wra lesa aga eskelli war-vann, ow korskeusi an dregeredhva gans aga eskelli, aga fas an eyl war-tu ha'y gila; war-tu ha'n dregeredhva y fydh fasow an jerubim.

Lavarow Koth 1:23

Koelewgh orth ow heredh; otta! my a dhinwa ow spyrys dhywgh, my a wra ow geryow dhe vos godhvedhys genowgh.

Ysay 32:15

erna vo an Spyrys dinewys warnedha a-wartha. Ena an gwylvos a vydh tir feyth, ha'n tir feyth a vydh synsys dhe vos koeswik.

Ysay 53:1

Piw re grysis an pyth re glewsyn? Ha piw dhodho y feu diskwedhys bregh an Arloedh?

Daniel 10:1

Y'n tressa blydhen a Kyrus, myghtern Persia, y feu diskwedhys ger dhe Daniel, neb o henwys Belteshassar. Gwir o an ger na: kas vras. Ev a gonvedhas an ger – an welesigeth a'n styryas.

Daniel 12:13

Ha ty, ke bys y'n diwedh, hag y hwredh powes, ha degemmeres dha rann orth diwedh an dydhyow.’

Daniel 12:9

Hag ev a leveris, ‘Ke, Daniel, rag y fydh an taklow ma gwithys yn-dann gel ha selys bys prys an diwedh.

Daniel 2:19

Ena y feu displetys an kevrin dhe Daniel dre welesigeth yn nos. Ena Daniel a vennigas Duw nev.

Daniel 2:22

Ev a dhiskudh taklow down ha kevrinek; ev a aswonn pyth eus y'n tewolgow, ha'n golow usi trigys ganso ev.

Daniel 2:47

Yn-medh an myghtern dhe Daniel, ‘Yn hwir yth yw dha Dhuw Duw a dhuwow, hag Arloedh a vyghternedh, ha diskudher a gevrinyow, rag ty re allas diskudha an kevrin ma.’

Daniel 8:13

Ha my a glewas unn sans ow kewsel; ha sans arall a leveris dhodho ev neb a gewsi, ‘Dre bes termyn y fydh an welesigeth a-dro dhe'n offrynn pub-dydhyek, ha'n treuspass a dhifeythyans, hag omrians an tyller sans ha'n lu dhe vos stankys yn-dann dreys?’

Daniel 9:24

‘Deg seythun ha tri-ugens yw ervirys rag dha bobel, ha rag dha sita sans, rag gorfenna an treuspass, rag gorra sel war beghes, ha gul prenedh rag kammweyth; rag dro ewnder hag a dhur bys vykken, ha selya an welesigeth profoesek, ha rag untya an tyller an moyha sans.

Yoel 2:28

Ha wosa hemma my a dhinwa ow spyrys war gig oll, ha'gas mebyon ha'gas myrghes a wra profoesa, ha'gas tus koth a hunros hunrosow ha'gas gwer yowynk a wel gwelesigethow.

Amos 3:7

Yredi ny wra an Arloedh Duw travyth heb diskudha y dowl kudh dh'y servysi an brofoesi.

Zekaria 12:10

Ha my a wra diveri war ji Davydh ha trigoryon Yerusalem spyrys a ras ha pysadow. I a wra mires warnav vy neb re wansons, ha kyni ragdho avel kynvann rag an unn vab, ha mornya ragdho yn hwerow avel galar rag an kynsa-genys.

Matthew 11:25

Y'n prys na Yesu a worthybis ow leverel, ‘My a'th wormel, A Das, Arloedh nev ha nor, drefenn ty dhe gudha an taklow ma dhiworth an re fur ha skiansek ha'ga diskudha dhe fleghesigow;

Matthew 11:27

Pup-tra oll a veu delivrys dhe'm charj gans ow Thas, ha denvyth ny aswonn an Mab saw an Tas, na ny aswonn denvyth an Tas saw an Mab ha neb may fynno an Mab y dhiskwedhes dhodho.

Matthew 16:17

Ha Yesu a worthybis ha leverel dhodho, ‘Gwynn dha vys, Simon mab Yona, rag kig ha goes ny dhiskudhas henna dhis, mes ow Thas eus y'n nevow.

Mark 16:15

Hag ev a leveris dhedha, ‘Ewgh hwi yn oll an bys, ha pregewthewgh an aweyl dhe bub kreatur.

Luk 15:10

Yndella, yn-medhav dhywgh, y fydh lowena a-rag eledh Duw rag unn peghador ha dhodho edrek.’

Luk 2:26

Ha re bia diskwedhys dhodho gans an Spyrys Sans na vedha ow kweles ankow kyns ev dhe weles an Krist a'n Arloedh.

Luk 9:6

Ytho i eth dhe-ves ha tremena der an trevow, ow pregoth an aweyl hag ow yaghhe yn pub tyller.

Yowann 15:26

‘Mes pan dheu an Konforter neb a dhannvonav dhywgh dhiworth an Tas, an Spyrys a wiryonedh neb a dheu yn-mes dhiworth an Tas, ev a dheg dustuni ahanav.

Oberow 10:44

Ha Peder hwath ow kewsel an geryow ma, an Spyrys Sans a goedhas war bub huni esa ow koslowes orth an areth.

Oberow 16:10

Ytho, pan welsa ev an welesigeth, hware ni a ombareusis rag mos yn-rag dhe Makedonia, ha ni sertan Duw dh'agan gelwel rag pregoth an aweyl dhedha.

Oberow 2:33

rakhenna, ughelhes dhe'n barth dhyghow dhe Dhuw, pan dhegemmersa dhiworth an Tas dedhewadow an Spyrys Sans, ev a dhinewis hemma hag a welowgh hag a glewowgh.

Oberow 4:31

Hag i ow pysi, an tyller mayth ens i kuntellys a veu kryghyllys, hag i oll a veu lenwys a'n Spyrys Sans, hag i a gewsis ger Duw gans kolonnekter.

Oberow 4:8

Ena Peder, lenwys a'n Spyrys Sans, a leveris dhedha, ‘Rewloryon a'n bobel ha henavogyon,

Oberow 8:25

Ena wosa doen dustuni ha kewsel ger an Arloedh, i a dhehwelis dhe Yerusalem, ow pregoth an aweyl yn lies tre a'n Samaritanys.

Romanyon 1:15

ytho mall a'm beus oll dhe'm galloes a bregoth dhywgh ynwedh an re usi yn Rom.

Romanyon 1:17

Rag ewnder Duw yw diskwedhys ynni a fydh dhe fydh dell re beu skrifys, ‘An den gwiryon a vew dre fydh.’

Romanyon 10:15

Ha fatell yllir pregoth mar nyns or dannvenys? Dell yw skrifys, ‘Ass yns i teg treys an re ow tyllo nowodhow da!’

Romanyon 15:19

dre alloes toknys ha marthusyon, dre alloes Spyrys Duw, bys may hyllyn kowlwul pregoth aweyl Yesu Krist dhiworth Yerusalem hag yn kylgh bys yn Illyrikum,

1 Korinthianys 2:10

Duw re dhiskwedhas hemma dhyn ni der an Spyrys; rag an Spyrys a hwither pup-tra, ynwedh downderyow Duw.

2 Korinthianys 1:22

neb re'gan selyas ha ri dhyn mewgh an Spyrys yn agan kolonnow.

2 Korinthianys 6:6

yn glander, yn godhvos, yn perthyans, yn kuvder, y'n Spyrys Sans, yn kerensa wiryon,

Galatianys 1:12

rag ny's degemmeris dhiworth denvyth na ny's dyskis marnas dre dhiskwedhyans Yesu Krist.

Galatianys 1:16

diskwedhes y Vab ynnov, ma'n pregowtthen yn mysk an Jentilys, a-dhesempis ny wrug vy omgusulya gans kig na goes,

Efesianys 3:10

may fe deklarys lemmyn dhe'n prynsipatys ha'n potestatys y'n tylleryow nevek, der an eglos, furneth Duw, meur hy diverseth,

1 Thessalonianys 2:9

Rag hwi a berth kov, a vreder, a'gan lavur ha'gan hwel. Owth oberi dydh ha nos ma na worren begh warnowgh, ni a bregowthas dhywgh aweyl Duw.

1 Timothi 3:16

Res yw avowa, meur, dhe wir, yw an kevrin a sansoleth: Diskwedhys veu y'n kig, prevys ewn y'n Spyrys, gwelys gans eledh, pregewthys ynter an Jentilys, krysys y'n bys, kemmerys yn-bann yn splannder.

Ebrowyon 11:13

Dre fydh y ferwis oll an re ma, heb degemmeres an ambosow; mes i a's gwelas ha'ga salusi a-bell, ow konfessya aga bos estrenyon ha godrigoryon war an nor.

Ebrowyon 2:4

ha Duw a dhustunias ynwedh der toknys ha dre varthusyon ha dre wriansow nerthek a bub eghenn ha dre rohow an Spyrys Sans rynnys herwydh y vodh y honan.

Ebrowyon 4:2

Rag devri an nowodhow da a dheuth dhyn ni par dell wrug dhedha i ynwedh; mes an negys a glewsons, ny veu dh'aga les, drefenn na vons kesunys yn fydh gans an re a glewas.

1 Peder 1:25

mes lavar an Arloedh a dhur bys vykken.’ Ha hemm yw an lavar a veu pregewthys dhywgh hwi y'n aweyl.

1 Peder 4:6

Rakhenna y feu an aweyl pregewthys hwath dhe'n re varow, may fewens yn spyrys war-lergh Duw, kyn fens i breusys avel mab-den y'n kig war-lergh mab-den.

Diskwedhyans 5:11

Ha my a viras, ha klewes lev lies el a-dro dhe'n tron, ha'n kreaturs bew ha'n henavogyon; ha'n niver anedha o deg milweyth deg mil, ha milyow a vilyow,