1 Myghternedh 5:3 - An Bibel Kernewek 20234 (Kernewek Kemmyn)

³ ‘Ty a woer na allas ow thas drehevel chi rag hanow an Arloedh y Dhuw drefenn an breselyow gans y eskerens a bub tu, bys pan y's gorras an Arloedh yn-dann wodhnow y dreys.

1 Myghternedh 5:3 Iomraidhean Croise

1 Myghternedh 8:19

byttegyns ty ny dhrehevydh an chi, mes dha vab a vydh genys dhis a dhrehav an chi rag ow hanow.”

1 Kroniklys 22:8

Mes ger an Arloedh a dheuth dhymm, ow leverel, “Ty re skoellyas meur a woes ha goestla breselyow bras; ny dhrehevydh chi dhe'm hanow, drefenn ty dhe skoellya kemmys goes a-ragov war an dor.

1 Kroniklys 28:2

Davydh an myghtern a sevis yn-bann, hag a leveris: ‘Goslowewgh orthiv, ow breder ha'm pobel. Dhe'm parth evy, yth esa y'm brys dhe dhrehevel chi a bowes rag argh kevambos an Arloedh ha rag skavell-droes agan Duw, ha my re wrug darbarow dh'y dhrehevel.

1 Kroniklys 28:3

Mes Duw a leveris dhymm, “Ny wredh drehevel chi rag ow hanow, rag ty re beu gour a vresel ha ty re skoellyas goes.”

2 Kroniklys 9:4

an boes war y voes, rester esedhyans y soedhogyon, an servysi ha'ga gwisk, y hanaforyon ha'ga gwisk, ha'y offrynnow leskys a offrynna yn chi an Arloedh, nyns esa spyrys ynni namoy.

Nehemia 5:17

Kekeffrys, y fedha orth ow moes kans gour ha hanter-kans, Yedhewon ha soedhogyon, dres an re a dheuth dhyn a'n kenedhlow esa a-dro dhyn.

Nehemia 5:18

Lemmyn y fedha darbarys pub dydh unn ojyon ha hwegh davas dhewisys; ydhyn yn kepar maner a vedha darbarys ha pub deg dydh pub eghenn gwin yn lanwes; byttegyns yn spit dhe oll hemma ny erghis boes an governour drefenn begh an ober dhe vos poes war an bobel ma.

Salmow 110:1

An Arloedh a leveris dhe'm Arloedh, ‘Esedh orth ow leuv dhyghow, erna wrylliv dha eskerens dha skavell-droes.’

Salmow 8:6

Ty a ros dhodho mestrynses war wriansow dha dhiwleuv; ty re worras pup-tra yn-dann y dreys,

Malaki 4:3

Ena hwi a drett an debeles; i a vydh lusu yn-dann wodhnow agas treys y'n jydh may hwrav an taklow ma, yn-medh Arloedh an luyow.

1 Korinthianys 15:25

Rag res yw dhodho reynya bys pan worro oll y eskerens yn-dann y dreys.

Efesianys 1:22

hag ev re worras pup-tra yn-dann y dreys hag a'n ros dhe vos penn war bup-tra dhe'n eglos,

Dewteronomi 14:5

an karow, an ewik, an yorgh, an aver-wyls, an bual, an avrewik, ha'n dhavas-venydh.

Yoshua 10:24

Pan dhrosons yn-mes an vyghternedh ma dhe Yoshua, Yoshua a elwis oll gwer Ysrael ha leverel dhe gaslewydhyon an soudoryon eth ganso, ‘Dewgh nes, gorrewgh agas treys war gonnaow an vyghternedh ma.’ I a dheuth nes ha gorra aga threys war aga honnaow.