1 Myghternedh 22:3 - An Bibel Kernewek 20234 (Kernewek Kemmyn)

³ Myghtern Ysrael a leveris dh'y wesyon, ‘A wodhowgh bos Ramoth-gilead dhyn, mes ny wren travyth dh'y hemmeres yn-mes a leuv myghtern Aram?’

1 Myghternedh 22:3 Iomraidhean Croise

2 Samuel 19:10

hag Absalom, neb a untsyn warnan, yw marow yn batel. Ytho prag na leverowgh ger vyth a-dro dhe dhri an myghtern dhe-dre?’

1 Myghternedh 22:29

Ytho myghtern Ysrael ha Yehoshafat myghtern Yuda eth dhe Ramoth-gilead.

1 Myghternedh 4:13

Ben-geber yn Ramoth-gilead – dhodho ev yth esa trevow Yair mab Manasse yn Gilead, hag ev a'n jevo ranndir Argob yn Bashan, tri-ugens sita veur gans fosow ha barrys a vrons;

2 Myghternedh 8:28

Ev eth gans Yoram mab Ahab dhe werrya erbynn Hazael myghtern Aram yn Ramoth-gilead; ha'n Aramysi a wolias Yoram.

2 Myghternedh 9:14

Yehu mab Yehoshafat mab Nimshi a vrasas erbynn Yoram. Yoram re bia ow tefendya Ramoth-gilead, ev hag oll Ysrael, erbynn Hazael myghtern Aram.

Dewteronomi 4:43

Beser y'n gwylvos war an ughelgompesenn rag an Rewbenysi, ha Ramoth yn Gilead rag an Manassysi.

Yoshua 20:8

Dres an Yordan troha'n howldrevel a Yeriko, i a ros Beser y'n gwylvos war an ughelgompesenn, dhiworth loeth Rewben, ha Ramoth yn Gilead, dhiworth loeth Gad, ha Golan yn Bashan, dhiworth loeth Manasse.

Yoshua 21:38

Dhiworth loeth Gad: Ramoth yn Gilead gans hy feurva, sita meneghi rag an ladher, Mahanaym gans hy feurva,

Breusysi 16:2

Derivys veu dhe'n Filistysi, ‘Samson yw devedhys omma.’ Yndella i a omguntellas a-dro ha'y gontrewaytya oll an nos orth yet an sita. Tewel a wrens der oll an nos, ow prederi, ‘Gortyn bys yn golow an myttin, ena ni a'n ladh.’

Breusysi 18:9

i a leveris dhedha, ‘Pyth yw agas derivadow?’ Yn-medhons, ‘Deun yn-bann er aga fynn; rag ni re welas an tir ha fest da ywa. A wrewgh travyth? Na vedhewgh lent ow mos, mes entrewgh ynno hag eritewgh an tir.