1 Myghternedh 2:4 - An Bibel Kernewek 20234 (Kernewek Kemmyn)

⁴ may kewerro an Arloedh y er a veu kewsys ganso y'm kever, ow leverel, “Mar kwra dha fleghes gwitha aga fordh, ow kerdhes a-ragov yn gwiryonedh gans oll aga holonn ha gans oll aga enev, ny fyll dhis gour war dron Ysrael.”

1 Myghternedh 2:4 Iomraidhean Croise

Jenesis 17:1

Ha pan o Abram nownsek bloedh ha peswar-ugens, an Arloedh a omdhiskwedhas dhe Abram ha leverel dhodho, ‘Duw Ollgalloesek ov vy. Kerdh a-dheragov, ha bydh divlam.

Jenesis 18:19

Rag my re'n dewisas, may hwrella worhemmynna dh'y fleghes ha'y vayni war y lergh, hag i a wra gwitha fordh an Arloedh, dhe wul ewnder ha gwirvreus, may trollo an Arloedh war Abraham an pyth re leveris dhodho.’

2 Samuel 7:25

‘Ha lemmyn, A Arloedh Duw, an ger a gewssys a-dro dhe'th was, hag a-dro dh'y ji, fast e bys vykken, ha gwra kepar dell leversys,

1 Myghternedh 1:48

Hag ynwedh an myghtern a leveris, “Benniges yw an Arloedh, Duw Ysrael, neb re ros nebonan dhe esedha war ow thron hedhyw, ha'm dewlagas ynwedh dh'y weles.” ’

1 Myghternedh 11:36

Mes dh'y vab my a re unn loeth, ma'n jevydh prest ow gwas Davydh lugarn a-ragov yn Yerusalem, an sita may tewisis vy gorra ow hanow ynni.

1 Myghternedh 3:14

Mar kerdhydh y'm fordhow, ow kwitha ow ordenansow hag ow gorhemmynnow, dell gerdhi dha das Davydh, ena my a ystynn dha dhydhyow.’

1 Myghternedh 3:3

Solomon a garas an Arloedh, ow kerdhes yn ordenansow Davydh y das: saw y hwre ev ladha ha leski sakrifisow y'n tylleryow ughel.

1 Myghternedh 6:12

‘A-dro dhe'n chi ma a dhrehevydh, mar kerdhydh yn ow ordenansow, ha bos gostydh dhe'm breusow ha gwitha oll ow gorhemmynnow ha kerdhes ynna, ena my a fast ow ambos genes, a wrug vy dhe'th tas Davydh.

1 Myghternedh 8:23

Ev a leveris. ‘A Arloedh, Duw Ysrael, nyns eus Duw avellos yn nev a-vann na war an nor a-woeles, ow kwitha an kevambos ha tregeredh rag dha wesyon a gerdh a-ragos gans oll aga holonn.

1 Myghternedh 8:25

Ytho lemmyn, A Arloedh, Duw Ysrael, gwith rag dha was ow thas Davydh an pyth a leversys dhodho, ow leverel, “Ny fyll dhis nevra gour dhe esedha a-ragov war dron Ysrael, mar mynn dha fleghes gwitha aga fordh, dhe gerdhes a-ragov par dell gerdhsys a-ragov.”

1 Myghternedh 9:5

ena my a fast tron dha vyghterneth war Ysrael bys vykken, dell ambosis dhe'th tas Davydh, ow leverel, “Ny fyll dhis gour war dron Ysrael.”

2 Myghternedh 20:3

‘Porth kov lemmyn, A Arloedh, my a'th pys, a fatell gerdhis a-dherag dhis yn gwiryonedh hag a leun golonn, hag a wrug an pyth yw da y'th wel.’ Hag ev a oelas yn hwerow.

2 Myghternedh 23:25

Kyns ev, nyns esa myghtern kepar hag ev, neb a dreylyas dhe'n Arloedh a leun golonn, ha gans oll y enev, ha gans oll y nerth, herwydh oll lagha Moyses; ha ny sevis onan kepar hag ev a'y wosa.

2 Myghternedh 23:3

An myghtern a sevis ryb an goloven ha gul kevambos a-dherag an Arloedh, dhe holya an Arloedh, dhe witha y worhemmynnow ha'y dhustuniow ha'y ordenansow gans oll aga holonn hag oll aga enev, dhe fastya geryow an kevambos ma a veu skrifys y'n lyver ma. Hag oll an bobel a sevis y'n kevambos.

1 Kroniklys 28:9

‘Ha ty, Solomon ow mab, aswonn Duw dha das, ha'y servya a leun golonn ha gans brys bolonjedhek; rag an Arloedh a hwither oll kolonnow, hag ev a gonvedh pub towl ha pub preder. Mara'n hwilydh, ev a vydh kevys genes; mes mara'n eskasydh, ev a'th tenagh bys vykken.

2 Kroniklys 17:3

Yth esa an Arloedh gans Yehoshafat drefenn ev dhe gerdhes yn fordhow y das kyns; ny hwilas an Baalim,

2 Kroniklys 6:16

Ha lemmyn, A Arloedh, Duw Ysrael, gwith an ambos dhe'm tas Davydh, pan leversys, “Ny fyll dhis gour a-dhiworthiv dhe esedha war dron Ysrael, unnweyth mar kwittha dha vebyon aga fordh, dhe gerdhes yn ow lagha par dell re gerdhsys a-ragov.”

2 Kroniklys 7:18

my a fast dha vyghterneth, par dell wrugavy kevambos gans dha das Davydh ow leverel, “Nevra ny fyll dhis gour dhe rewlya yn Ysrael.”

Salmow 119:9

Fatell wra den yowynk glanhe y hyns? Owth omwitha herwydh dha er.

Salmow 37:22

Rag an re bennigys ganso a erit an tir, ha'n re milligys ganso a vydh treghys dhe-ves.

Salmow 37:9

Rag drogoberoryon a vydh treghys dhe-ves, mes an re a drest y'n Arloedh, i a erit an tir.

Salmow 39:1

Yn-medhav, ‘My a with ow fordhow rag na begghiv gans ow thaves; my a with ow ganow gans fronn hedre vo an tebelwas y'm gwel.’

Yeremia 33:17

Rag yndellma y lever an Arloedh: Ny vydh Davydh nevra heb gour dhe esedha war dron chi Ysrael,

Levitikus 26:3

Mar kerdhowgh war-lergh ow ordenansow ha gwitha ow gorhemmynnow ha'ga gul,

Zekaria 14:2

My a wra kuntell oll an kenedhlow erbynn Yerusalem rag kas; ha'n sita a vydh kemmerys, ha'n chiow pyllys, ha'n benynes defolys. Hanter an sita a dheu yn divroedh, mes an remenant ny vydh treghys dhe-ves dhiworth an sita.

Matthew 22:37

Yn-medh ev dhodho, ‘ “Ty a wra kara an Arloedh dha Dhuw gans oll dha golonn ha gans oll dha enev ha gans oll dha vrys.”

Luk 1:6

Gwiryon ens i aga dew a-wel dhe Dhuw, ow kerdhes divlam yn oll gorhemmynnow hag ordenansow an Arloedh.

Dewteronomi 10:12

Ha lemmyn Ysrael, pandr'a wovynn an Arloedh orthis marnas perthi own a'n Arloedh dha Dhuw, kerdhes yn oll y fordhow, ha'y gara, ha servya an Arloedh dha Dhuw gans oll dha golonn ha gans oll dha enev,

Dewteronomi 11:13

Mar koslewowgh devri ow gorhemmynnow esov ow korhemmynna dhywgh hedhyw, dhe gara an Arloedh agas Duw ha dh'y servya gans oll agas kolonn ha gans oll agas enev,

Dewteronomi 6:5

ty a gar an Arloedh dha Dhuw gans oll dha golonn, ha gans oll dha enev, ha gans oll dha nerth.

Dewteronomi 7:12

Drefenn hwi dhe glewes an breusow ma ha bos diwysyk dh'aga gul, an Arloedh dha Dhuw a with ragos an kevambos ha'n tregeredh a dos dhe'th tasow.

Lyther Yud 1:24

Lemmyn dhe neb a yll agas gwitha rag koedha ha'gas gorra heb namm a-rag y wolewder gans heudhder,